Kamalthobhani: Created page with "{{SetTitle}} {{Heading| પ્રણવ પંડ્યા |}} '''1''' સાંજના વાતાવરણની એ જ તો તકલીફ છે, બહુ વલોવે છેઃ સ્મરણની એ જ તો તકલીફ છે!
ઝંખના જીવલેણ છે એ જાણીને પણ ઝંખીએ, જીવતાં પ્રત્યેક જણની એ જ તો તકલીફ છે!
..."

2023-01-08T15:21:53Z

Created page with "{{SetTitle}} {{Heading| પ્રણવ પંડ્યા |}} <center> '''1''' </center> <poem> સાંજના વાતાવરણની એ જ તો તકલીફ છે, બહુ વલોવે છેઃ સ્મરણની એ જ તો તકલીફ છે! ઝંખના જીવલેણ છે એ જાણીને પણ ઝંખીએ, જીવતાં પ્રત્યેક જણની એ જ તો તકલીફ છે! ..."

New page

{{SetTitle}}

{{Heading| પ્રણવ પંડ્યા |}}

<center> '''1''' </center>

<poem>
સાંજના વાતાવરણની એ જ તો તકલીફ છે,
બહુ વલોવે છેઃ સ્મરણની એ જ તો તકલીફ છે! 
ઝંખના જીવલેણ છે એ જાણીને પણ ઝંખીએ,
જીવતાં પ્રત્યેક જણની એ જ તો તકલીફ છે! 
મૌન પાછળ લાગણી ઢાંકી ન શક્યું કોઈપણ,
સાવ પાંખા આવરણની એ જ તો તકલીફ છે! 
ના કદી વાંચી શક્યો હું તારી આંખોની લિપિ,
હું અભણ છું, ને અભણની એ જ તો તકલીફ છે! 
બારણે જો દે ટકોરા તો હું ભેટીને મળું,
મળતું બિલ્લિપગ, મરણની એ જ તો તકલીફ છે. 
</poem>

<center> '''2''' </center>
<poem>
ભીની ઝાકળ શા ઝળહળવાનું સુખ સૌને નથી મળતું,
કોઈ કારણ વગર મળવાનું સુખ સૌને નથી મળતું. 
સતત વહેવું, બધું સહેવું, ન કાંઠાનેય કૈં કહેવું,
આ ઝરણા જેમ ખળખળવાનું સુખ સૌને નથી મળતું. 
ખરેલાં પાંદડાંના કાનમાં બસ એટલું કહેવું છે,
ઊગો એ માટીમાં ભળવાનું સુખ સૌને નથી મળતું. 
વળાંકેથી વળી જાતા આ રસ્તાની વિનંતી છે :
હજી પાછા વળો, વળવાનું સુખ સૌને નથી મળતું. 
સળગતું આયખું મ્હેકે અગરબત્તી શા અક્ષરમાં,
કવિતામાં આ ઓગળવાનું સુખ સૌને નથી મળતું. 
</poem>

{{HeaderNav2
|previous = 2
|next = 4
}}

ગુજરાતી ગઝલસંપદા/ પ્રણવ પંડ્યા - Revision history