Kamalthobhani: Created page with "{{SetTitle}} {{Heading| રવીન્દ્ર પારેખ |}} '''1''' આવ્યું ન કૈં કશું પણ બાહર અરસપરસનું, જીવન જીવાયું કાયમ ભીતર અરસપરસનું.
તારું જીવન જીવ્યો હું, મારું જીવન જીવી તું, એમ જ થયું છે સઘળું સરભર અર..."

2023-01-08T12:10:41Z

Created page with "{{SetTitle}} {{Heading| રવીન્દ્ર પારેખ |}} <center> '''1''' </center> <poem> આવ્યું ન કૈં કશું પણ બાહર અરસપરસનું, જીવન જીવાયું કાયમ ભીતર અરસપરસનું. તારું જીવન જીવ્યો હું, મારું જીવન જીવી તું, એમ જ થયું છે સઘળું સરભર અર..."

New page

{{SetTitle}}

{{Heading| રવીન્દ્ર પારેખ |}}

<center> '''1''' </center>

<poem>
આવ્યું ન કૈં કશું પણ બાહર અરસપરસનું,
જીવન જીવાયું કાયમ ભીતર અરસપરસનું. 
તારું જીવન જીવ્યો હું, મારું જીવન જીવી તું,
એમ જ થયું છે સઘળું સરભર અરસપરસનું. 
આંતર પડી ગયું છે, બે અંતરોની વચ્ચે,
જીવવું થયું છે છેવટ દુષ્કર અરસપરસનું. 
એણે તો દીધે રાખ્યું વરદાન આંખો મીંચી,
ફાડીને દીધું એણે છપ્પર અરસપરસનું. 
એ એક છે ને એક જ, છે માત્ર એક ત્યારે,
કેવી રીતે કરીશું અંબર અરસપરસનું. 
આ તારી બે દીવાલો, આ મારી બે દીવાલો,
એવી રીતે થતું ના કૈં ઘર અરસપરસનું. 
એમા મૂકી મૂકીને નિ:શ્વાસ સૌ જલાવ્યા,
ત્યારે થયું છે ઝળહળ ઝુમ્મર અરસપરસનું. 
ભીતર પ્રવેશવાની સુખની થઈ ન હિંમત,
એને નડયું છે કાયમ બખ્તર અરસપરસનું. 
</poem>

<center> '''2''' </center>

<poem>
હું દીવો થૈ ને ય પરખાયો ન હોત,
જો મને થોડો ય સળગાવ્યો ન હોત! 
તો, પરત મારી તરફ આવ્યો ન હોત,
જો તને મેં ક્યાંક પડઘાવ્યો ન હોત. 
ટોચ બનવાનું શરૂ કરતે ન હું,
તો કદી પણ એકલો લાગ્યો ન હોત. 
જો મને મળવું જરૂરી હોત ના -
તો ભીતર હું આટલું ચાલ્યો ન હોત. 
હું જો રસ્તામાં પડ્યો ના હોત તો -
હું મને ઠોકર બની વાગ્યો ન હોત. 
આ તો હું ખુદને ભૂલ્યો છું એટલે,
બાકી તારી પાસે હું આવ્યો ન હોત. 
જન્મતાવેંત જ સ્વીકાર્યું હોત મેં
તો મરણનો ડર મને લાગ્યો ન હોત. 
</poem>

{{HeaderNav2
|previous = 2
|next = 4
}}

ગુજરાતી ગઝલસંપદા/ રવીન્દ્ર પારેખ - Revision history