Kamalthobhani: Created page with "{{SetTitle}} {{Heading| વિવેક કાણે ‘સહજ’ |}} તારા સુધી પગેરું આ લંબાય પણ ખરું, આશ્ચર્યનો સ્વભાવ છે, સર્જાય પણ ખરું,
જળથી કમળની જેમ ક્યાં અળગું રહી શકે હૈયું છે દોસ્ત, કો’ક દી ભીંજાય પણ ખરું,
માનવ..."

2023-01-08T15:18:45Z

Created page with "{{SetTitle}} {{Heading| વિવેક કાણે ‘સહજ’ |}} <poem> તારા સુધી પગેરું આ લંબાય પણ ખરું, આશ્ચર્યનો સ્વભાવ છે, સર્જાય પણ ખરું, જળથી કમળની જેમ ક્યાં અળગું રહી શકે હૈયું છે દોસ્ત, કો’ક દી ભીંજાય પણ ખરું, માનવ..."

New page

{{SetTitle}}

{{Heading| વિવેક કાણે ‘સહજ’ |}}

<poem>
તારા સુધી પગેરું આ લંબાય પણ ખરું,
આશ્ચર્યનો સ્વભાવ છે, સર્જાય પણ ખરું, 
જળથી કમળની જેમ ક્યાં અળગું રહી શકે
હૈયું છે દોસ્ત, કો’ક દી ભીંજાય પણ ખરું, 
માનવહૃદયની આ જ તો ખૂબી છે દોસ્તો
વેરાય પણ ખરું ને સમેટાય પણ ખરું, 
રાખો શરત તો એટલું સમજીને રાખજો
ક્યારેક મત્સ્ય, કર્ણથી વીંધાય પણ ખરું, 
જીવન એ ભ્રમનું નામ છે, બીજું કશું નથી,
એ તથ્ય કો’ક દી’ તને સમજાય પણ ખરું. 
આ મૌન ચીજ શું એ, એ આજે ખબર પડી
જો બોલકું થયું તો એ પડઘાય પણ ખરું, 
સાચો પ્રણય ઘણુંખરું અદૃશ્ય રહે અને
એનું જ બિંબ આંખમાં ઝીલાય પણ ખરું, 
જાગ્યા પછી નયનને ‘સહજ’ બંધ રાખજો
સપનું પલકની કેદમાં રહી જાય પણ ખરું.. 
</poem>

{{HeaderNav2
|previous = 2
|next = 4
}}

ગુજરાતી ગઝલસંપદા/ વિવેક કાણે ‘સહજ’ - Revision history