Kamalthobhani: Created page with "{{SetTitle}} {{Heading| ‘અમર’ પાલનપુરી |}} '''1''' રોનક છે એટલે કે બધે તારું સ્થાન છે, નહિતર આ ચૌદે લોક તો સૂનાં મકાન છે.
દીવાનગીએ હદ કરી તારા ગયા પછી પૂછું છું, હર મકાન પર : કોનું મકાન છે.
દિલ જ..."

2023-01-08T10:47:59Z

Created page with "{{SetTitle}} {{Heading| ‘અમર’ પાલનપુરી |}} <center> '''1''' </center> <poem> રોનક છે એટલે કે બધે તારું સ્થાન છે, નહિતર આ ચૌદે લોક તો સૂનાં મકાન છે. દીવાનગીએ હદ કરી તારા ગયા પછી પૂછું છું, હર મકાન પર : કોનું મકાન છે. દિલ જ..."

New page

{{SetTitle}}

{{Heading| ‘અમર’ પાલનપુરી |}}

<center> '''1''' </center>

<poem>
રોનક છે એટલે કે બધે તારું સ્થાન છે,
નહિતર આ ચૌદે લોક તો સૂનાં મકાન છે. 
દીવાનગીએ હદ કરી તારા ગયા પછી
પૂછું છું, હર મકાન પર : કોનું મકાન છે. 
દિલ જેવી બીજે ક્યાંય પણ સગવડ નહીં મળે,
આવી શકે તો આવ, આ ખાલી મકાન છે. 
થાશે તકાદો એટલે ખાલી કરી જશું,
કીધો છે જેમાં વાસ, પરાયું મકાન છે. 
બાળે તો બાળવા દો, કોઈ બોલશો નહીં,
નુકસાનમાં છે એ જ કે એનું મકાન છે. 
કોને ખબર ઓ દિલ, કે એ ક્યારે ધસી પડે,
દુનિયાથી દૂર ચાલ કે જૂનું મકાન છે. 
એને ફનાનું પૂર ડુબાડી નહીં શકે,
જીવન ‘અમર’નું એટલું ઊંચું મકાન છે. 
</poem>

<center> '''2''' </center>
<poem>
પવન, ફરકે તો એ રીતે ફરકજે, પાન ના ખખડે!!
કોઈને સ્વપ્નમાં માંગી, અમર હમણાં જ સૂતો છે. 
દવા તો શું હવે સંજીવની પણ કામ નહિ આપે,
જીવનના ભેદને પામી, અમર હમણાં જ સૂતો છે. 
મિલન-દૃશ્યો હવે તડપી રહ્યાં છે કરવટો લઈને,
વિરહના રંગમાં રાચી, અમર હમણાં જ સૂતો છે. 
ગગન પ્રગટાવ તુજ દીવડા નહીં લાગે હવે ઝાંખા,
નયનનાં દીપને ઠારી, અમર હમણાં જ સૂતો છે. 
ગગનનાં આંસુઓ માયાં નહીં ધરતીના પાલવમાં,
પ્રભાતે જ્યાં ખબર આવી, અમર હમણાં જ સૂતો છે. 
અમર જીવન છે એવું કે જીવન ઓવારણાં લે છે,
મરણના માનને રાખી, અમર હમણાં જ સૂતો છે. 
કહ્યું શત્રુએ મિત્રોને કરો ઉત્સવની તૈયારી,
રહી ના જાય કંઈ ખામી, અમર હમણાં જ સૂતો છે. 
ગયો એ હાથથી છટકી, હવે શું બાંધશે દુનિયા –!
બધાંયે બંધનો ત્યાગી, અમર હમણાં જ સૂતો છે. 
ન જાગે એ રીતે ઊંચકી ને એને લઈ જજે, દુનિયા!
સમયની કૂચમાં થાકી, અમર હમણાં જ સૂતો છે. 
</poem>

{{HeaderNav2
|previous = 2
|next = 4
}}

ગુજરાતી ગઝલસંપદા/ ‘અમર’ પાલનપુરી - Revision history