https://wiki.ekatrafoundation.org/index.php?action=history&feed=atom&title=%E0%AA%9A%E0%AA%BE%E0%AA%82%E0%AA%A6%E0%AA%B0%E0%AA%A3%E0%AA%BE%E0%AA%82%2F%E0%AA%AB%E0%AA%BF%E0%AA%B2%E0%AA%B8%E0%AB%82%E0%AA%AB%E0%AB%80ચાંદરણાં/ફિલસૂફી - Revision history2026-05-13T14:33:21ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%9A%E0%AA%BE%E0%AA%82%E0%AA%A6%E0%AA%B0%E0%AA%A3%E0%AA%BE%E0%AA%82/%E0%AA%AB%E0%AA%BF%E0%AA%B2%E0%AA%B8%E0%AB%82%E0%AA%AB%E0%AB%80&diff=72666&oldid=prevMeghdhanu: +12024-04-22T16:58:25Z<p>+1</p>
<p><b>New page</b></p><div>{{SetTitle}}<br />
<br />
<center><big>'''32. ફિલસૂફી'''</big> </center><br />
<br />
<br />
<poem><br />
* કૂવાના પાણીમાં પ્રતિબિંબ પડવાથી આકાશ નીચું થઈ જતું નથી.<br />
* સાગર પોતાનામાં ભાંગે છે અને પોતાનામાં જ ઊઠે છે.<br />
* ચાલો આપણે પોતાને જ નામંજૂર કરીએ!<br />
* કોઈ પક્ષી માળામાં પોતાનાં ખરેલાં પીંછાં નથી રાખતું.<br />
* માથાનો થાય તેને પગની ઠોકર વાગે.<br />
* સંબંધનું ભવિષ્ય સ્મૃતિ.<br />
* ગોળ ગોળ ફરનારનો પંથ લાંબો હોઈ શકતો નથી.<br />
* ઉછીનાં લીધેલાં અજવાળાં અંધ બનાવે છે.<br />
* નોકરો દ્વારા સ્વર્ગને સજાવી શકાય, સર્જી ન શકાય.<br />
* મહત્ત્વાકાંક્ષા એક દિશા ખોલીને બાકીની બધી દિશાઓ બંધ કરી દે છે.<br />
* પ્રતીક્ષા કરે છે તેને જ પગરવનો લય સંભળાય છે.<br />
* મોટી મૂર્ખાઈ કરવા પદ પણ મોટું મળવું જોઈએ!<br />
* જુગારમાં જીતેલું નાણું માર્ગમાં મંદિર આવે તોયે પીઠામાં જ જાય!<br />
* પ્રસિદ્ધિનું ઢાંકણ મનને ઊઘડવા જ નથી દેતું!<br />
* સાઠ દિવાળી ભેગી કરી તોયે જીવનમાં અંધકાર!<br />
* બહુ ઊંચે ફરકે તે ધજા વહેલી ફાટે!<br />
* કેટલાક સંબંધો કાચ જેવા હોવાથી જ તૂટે છે.<br />
* દરેક ભરતીને ઓટ થઈને પાછા ફરવાનું હોય છે.<br />
* બહારનું જગત મારામાં પીડારૂપે પ્રવેશ્યું તે પહેલાં હું સુખી હતો.<br />
* ઘાસિયામાં રહેનારાએ દાઢી ન વધારવી.<br />
* કોઈ અરીસો બનાવે છે, તો કોઈ મહોરું ઘડે છે.<br />
* કાચના ઘરમાં રહેનારાં રાત્રે જ સ્નાન કરે!<br />
* બોજ નિરર્થક નથી, નિરર્થકતા બોજ હોય છે.<br />
* પોતે છાતી ઠોકે એ કરતાં બીજા વાંસો ઠોકે એ વધારે સારું!<br />
* રેતીના નાના કણો જ મોટા રણનું સર્જન કરે છે.<br />
* ‘હું’ ન હતો ત્યારે માણસ એકલો ન હતો!<br />
* આંખ બધા પાસે હોય છે પણ દૃષ્ટિ કેટલા પાસે?<br />
* વિવેક જાણે છે તેને કાયદા જાણવાની જરૂર નથી પડતી.<br />
* આયના વેચનારે પોતે ખૂબસૂરત હોવું અનિવાર્ય નથી.<br />
* ખરખરો બધા કરે પણ ખરેખરો કોઈ ન કરે.<br />
* નારાયણ છે તો પારાયણ પણ છે.<br />
* લાંબો વાંસ વહેલો વઢાય.<br />
* પોતા સુધી પહોંચવાનો પ્રવાસ પૂરો થતો જ નથી!<br />
* જ્યોત ન હોય તો દીવો કોડિયું જ કહેવાય.<br />
* ચગડોળને ગતિ હોય, પ્રગતિ નહીં!<br />
* સુખના ભાગીદારો મળે, ભૂખના નહીં.<br />
* આપણી ચાદર આકાશ બની શકતી નથી.<br />
* ઘણું બધું જોવા માટે ઘણાં બધાં વર્ષો જીવવાનું જરૂરી નથી!<br />
* દિવસે ઊંઘતા માણસના ઘરે નિષ્ફળતા ચૂપચાપ પ્રવેશે છે.<br />
* આશાવાદી થયા વિના કળી ફૂલ ન થાય, ક્ષણ, સમય ન થાય.<br />
* પાર્થ પણ છેવટે પાર્થિવ થઈ જાય છે.<br />
* સુખ આગલા બારણેથી આવે છે અને પાછલે બારણેથી જાય છે.<br />
* જીવન એવું નાટક છે, જેની સ્ક્રીપ્ટ પહેલેથી લખાતી નથી.<br />
* ભૂતકાળ એવું શબ છે, જેનું આયુષ્ય દિવસે દિવસે વધતું જાય છે!<br />
* મોત સિવાય કશું પોતીકું નથી હોતું.<br />
* અપેક્ષાની બહાર બધું જ શૂન્ય હોય છે.<br />
* જે ગામમાં મરઘો નથી હોતો ત્યાં પણ સવાર તો પડે જ છે!<br />
* ઊંઘમાં રત્નો જુઓ અને જાગૃતિમાં છીપલાં ગણો!<br />
* જૂના કોડિયે પણ દિવાળી થઈ શકે છે. <br />
* આગિયાને આકાશ મળે તેથી એ સિતારા થોડા થઈ જાય!<br />
* કિનારો સ્વયં બને છે, ઓવારો માણસે બાંધવો પડે છે.<br />
* આંધળી કૂચ કબ્રસ્તાનની દિશામાં લઈ જાય છે.<br />
* કોઈ સ્મરણમાં કેવળ ગંધ હોય છે!<br />
* ટૂથબ્રશથી વાસીદું વાળવું એ પણ મહત્ત્વાકાંક્ષાનું જ એક રૂપ છે.<br />
* ચાના સહકાર વિના કીટલી ગરમ થઈ શકતી નથી.<br />
* ભૂતકાળ પગની બેડી બને તો ભવિષ્યની પાંખ ન ફૂટે!<br />
* ઝરણું ભલે કેટલે પણ ઊંચેથી પડે, પણ પડ્યા પછી તરત ચાલવા માંડે!<br />
</poem><br />
<br><br />
{{HeaderNav2<br />
|previous = શબ્દ <br />
|next = હળવાશ <br />
}}</div>Meghdhanu