https://wiki.ekatrafoundation.org/index.php?action=history&feed=atom&title=%E0%AA%9A%E0%AA%BE%E0%AA%82%E0%AA%A6%E0%AA%B0%E0%AA%A3%E0%AA%BE%E0%AA%82%2F%E0%AA%B8%E0%AA%BE%E0%AA%82%E0%AA%AA%E0%AB%8D%E0%AA%B0%E0%AA%A4ચાંદરણાં/સાંપ્રત - Revision history2026-05-13T16:17:33ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%9A%E0%AA%BE%E0%AA%82%E0%AA%A6%E0%AA%B0%E0%AA%A3%E0%AA%BE%E0%AA%82/%E0%AA%B8%E0%AA%BE%E0%AA%82%E0%AA%AA%E0%AB%8D%E0%AA%B0%E0%AA%A4&diff=72658&oldid=prevMeghdhanu: +12024-04-22T16:37:59Z<p>+1</p>
<p><b>New page</b></p><div>{{SetTitle}}<br />
<br />
<center><big>'''24. સાંપ્રત '''</big> </center><br />
<br />
<br />
<poem><br />
* દેવાલયમાં દેવનો લય અને પૂજારીનો ઉદય થાય એવુંય બને.<br />
* ક્રાંતિની મશાલ હવે ભવાઈની મશાલ થઈ ગઈ.<br />
* દિલ્હી હવે વાંઝિયણના ગર્ભાશય જેવું થઈ ગયું છે.<br />
* ડામરની સડકો આવી અને ગોરજટાણું ગયું.<br />
* આંગળાં રહ્યાં ને ઓકળી ગઈ.<br />
* પત્રકાર માટે કોઈ જ મેટર સિરિયસ નથી હોતી.<br />
* રામ-રહીમની રાશિ એક હોવાથી અત્યારે બંને સમદુખિયા છે.<br />
* દરેક સંપ્રદાય પાસે ઈશ્વરનું જૂદું સરનામું છે!<br />
* ઈશ્વર અનુયાયી નથી એટલે ધર્માન્તર કરનારો ઈશ્વર બદલે છે!<br />
* આંદોલન ગુલબંકીમાં શરૂ થાય છે અને ઝૂલણામાં શમે છે. <br />
* ‘અવતરણ’ વગર હવે વિદ્વત્તાનું અવતરણ થતું નથી.<br />
* નશાબંધી હોય તો પોલીસ ભૂખે ન મરે!<br />
* પડોશીઓ હવે લડતાય નથી ને વાત પણ નથી કરતા.<br />
* ખખડતો રૂપિયો હવે ગગડતો થઈ ગયો છે.<br />
* ધરમનાં ધીંગાણાં કરે તે બહારવટિયા ન કહેવાય!<br />
* હિસાબ કરવાનો કંટાળો આવ્યો એટલે ક્રિકેટરો બેહિસાબ કમાવા માંડ્યા.<br />
* ધાર્મિક સિવાયની લાગણીઓ હવે દુભાતી નથી.<br />
* અયોધ્યામાં હવે રામાયણ નહીં પણ મહાભારત ચાલે છે!<br />
* રામનું ઘર કેટલે? પોલીસ દેખાય એટલે...<br />
* સંપ્રદાયો કૂંડાની માટી છે, ધરતી નથી.<br />
* કારુણ્ય એ છે કે વિદૂષકો લોકનાયક બની બેઠા છે.<br />
* ઈસુની દસ આજ્ઞા કરતાં અમેરિકાની એક આજ્ઞાની કિંમત વધારે છે.<br />
* લોકશાહીમાં કીડી પણ વાઘનું મોઢું સૂંઘી શકે છે!<br />
* આપણે વિચારવાની નહીં, બોલવાની સ્વતંત્રતા ભોગવીએ છીએ.<br />
* શરણે નથી જતો તે દુશ્મન કહેવાય છે!<br />
* એવું લાગે છે કે ફરિશ્તાનું મોઢું જોવા મારે મરવું પડશે!<br />
* નાખી દેવાની કિંમતે નૈતિક મૂલ્યો કાઢી નાખવાનાં છે, અરજી કરો. <br />
* માણસ માંદગીમાંથી ઊઠે ને ગજવું માંદગીમાં સપડાય!<br />
* બકરીને બહુમતી મળે તો એ પણ સિંહાસને બેસે!<br />
* પથરાનો પ્રવાસ અને દિશા માણસ જ નક્કી કરે છે!<br />
* પોલીસ ઇન્સ્પેક્ટર થઈએ તો આપણું પેટ પણ વધે!<br />
* અંગારા ચાંપવાનું મન થાય એવાને પૈસા ચાંપવા પડે છે!<br />
* સૌથી વધારે ગીચ વસ્તી રાહતકેન્દ્રોમાં હોય છે.<br />
* અંગ્રેજી એ ધમકી આપવાની ભાષા છે.<br />
* પ્રતિભાને પણ હવે લોકપ્રિયતાના બજારમાં બેસવું પડે છે!<br />
* ભગવો રંગ ત્યાગનો હતો, પણ હવે રાગનો થઈ ગયો!<br />
* રોટી ખાય તે બાવો, માલપૂડા ખાય તે મહંત!<br />
* લાંચ ખાવામાં કોઈ ડાયેટિંગ કરતું નથી.<br />
* સેક્યૂલર – યાત્રા પણ મંદિરેથી નીકળે!<br />
* બધા સરકારી ખાતાં ખાતા હોય છે.<br />
* પૈડાના રવે પગરવને ચગદી નાખ્યો છે.<br />
</poem><br />
<br><br />
{{HeaderNav2<br />
|previous = તાપીનું પૂર <br />
|next = રાજકરણ <br />
}}</div>Meghdhanu