https://wiki.ekatrafoundation.org/index.php?action=history&feed=atom&title=%E0%AA%9A%E0%AA%BF%E0%AA%A4%E0%AB%8D%E0%AA%B0%E0%AA%A6%E0%AA%B0%E0%AB%8D%E0%AA%B6%E0%AA%A8%E0%AB%8B%2F%E0%AA%A8%E0%AA%B5%E0%AA%AF%E0%AB%8C%E0%AA%B5%E0%AA%A8%E0%AA%BE
ચિત્રદર્શનો/નવયૌવના - Revision history
2026-07-22T02:13:25Z
Revision history for this page on the wiki
MediaWiki 1.45.0
https://wiki.ekatrafoundation.org/index.php?title=%E0%AA%9A%E0%AA%BF%E0%AA%A4%E0%AB%8D%E0%AA%B0%E0%AA%A6%E0%AA%B0%E0%AB%8D%E0%AA%B6%E0%AA%A8%E0%AB%8B/%E0%AA%A8%E0%AA%B5%E0%AA%AF%E0%AB%8C%E0%AA%B5%E0%AA%A8%E0%AA%BE&diff=73937&oldid=prev
Meghdhanu: +1
2024-05-23T10:35:39Z
<p>+1</p>
<p><b>New page</b></p><div>{{SetTitle}}<br />
<center><big><big>'''૫, નવયૌવના'''</big></big></center><br />
<br />
{{Block center|<poem><br />
{{gap}}કોઈ ક્હેશો<br />
તે શા વિચાર કરતી હતી?<br />
<br />
{{gap}}મધ્યાહ્ન હતો,<br />
સૃષ્ટિને સેંથે સૂર્ય વિરાજતો.<br />
આશપાશનું ઉંડું આકાશ<br />
નીલઘેરૂં ને નિર્મળું હતું.<br />
ક્ષિતિજ ઉપર જલભર પયોદ,<br />
વિશ્વનાટકના પડદા જેવાં,<br />
અધ્ધર સરતાં, પડતાં,<br />
ને ધીમેશથી ઉપડતાં.<br />
મધ્યાહ્ન ખીલેલો ને નિર્જન હતો.<br />
<br />
{{gap}}સન્મુખ સાગર લહરતોઃ<br />
જાણે આકાશ જ ઉતારી પાથર્યું!<br />
જલ ઉપર કિરણ રમતાં;<br />
રૂપાની રેખાઓ દોરતાં,<br />
હસી હસી મીટ મટમટાવતાં,<br />
ને ઉડી ઉડી જતાં રહેતાં.<br />
સાગરનો વિશાલ પલવટ<br />
મધ્યાહ્નમાં પલપલતો હતો.<br />
<br />
{{gap}}ઋતુ વર્ષા હતી.<br />
ને વર્ષાની તે શરદ્મંજરી હતી.<br />
કિનારા લીલા ને પ્રસન્ન હતા.<br />
ધરા આંખ ઠારતી.<br />
વિધિનું ચીતરેલ ચિત્ર હોય,<br />
સૃષ્ટિ ત્હેવી કદી સ્થિર ભાસતી.<br />
કાલે મેઘ વરસી ગયો હતોઃ<br />
આજ પદાર્થો ઉપર જલનો રંગ ચમકતો.<br />
ભીની તેજસ્વિની લીલાશ<br />
દિશદિશમાં પ્રસન્નતાથી પ્રકાશતી.<br />
આછાં તેજ અને અન્ધકાર<br />
પાંદડાંમાં સન્તાકૂકડી રમતાં.<br />
<br />
{{gap}}આઘા સાગર ઉપરથી<br />
શીતલ અનિલ આવતા.<br />
સૂજનને સૂર્ય ઉષ્મા દેતો,<br />
અગ્નિને અનિલ આવરી લેતા.<br />
સકલ સૃજનઅવકાશ ભરી<br />
ઉષ્મા ને શીતળતાની ઊર્મિઓ ઉછળતી.<br />
<br />
{{gap}}ગરૂડના માળા જેવી<br />
અન્તરિક્ષે એક આરસની અટારી લટકતી.<br />
મહીં આરસના પાટ માંડેલા હતા.<br />
ભ્રકુટિકોતરેલ કમાન નીચે<br />
નમેલી રસભર વેલી સમી<br />
એક યૌવના ઝૂકેલી હતી.<br />
તુલસીના છોડ સરીખડા આશપાશ<br />
સખીઓ શા પડછાયા રમતા.<br />
ઉપર દ્રાક્ષનો ઝૂમખો ઝઝમતો.<br />
સુન્દરીનાં સુન્દર નયનો<br />
સાગરના ઓઘ ઓળંગતાં.<br />
ગુલાબની પાંદડીઓ જેવાં ચરણ<br />
આરસમાં ગુલાબ પાડતાં.<br />
જમણા કરમાં મોગરાની માળા હતી.<br />
સુકુમાર પ્રભાતરંગી સાળુમાંથી<br />
અમૃતના સરોવર સરખો દેહ<br />
અને તેજસ્વી કરનો કમલદંડ<br />
હાથેળીનું પુષ્પ પ્રફુલ્લી આપવા આવતી.<br />
અંગે અનંગની ભસ્મ ચોળી હતી.<br />
મુખડે કવિઓની કવિતા પ્રકાશતી.<br />
કીકીમાં સ્વપ્ન સ્ફુરતાં<br />
પાંદડી જેવાં પોપચાં ફરકતાં,<br />
હૈયું ભરેલું ને વિશાળ હતું.<br />
વિધિદીધેલ રત્ન સમો<br />
ભાલદેશે ચન્દ્રક રાજતો.<br />
અંગઅંગ ફૂલ ફોરતાં.<br />
કોકિલ ડાળે બેસે ને દીપે,<br />
તેમ રમણી નિજ કુંજે શોભતી.<br />
અલૌકિકરંગી ઇન્દ્રચાપ જેવી<br />
જગત ઉપર તે નમેલી હતી.<br />
તે યૌવના શા વિચાર કરતી?<br />
<br />
{{gap}}ચાંદનીના ઢગલા જેવું<br />
શ્વેત ન્હાનકડું હરણનું બચ્ચું<br />
નીચે રૂપાની સાંકળે બાંધેલું હતું.<br />
<br />
{{gap}}યૌવના શું વિચારતી?<br />
પ્રાણની ભરતી લોચનમાં ડોલતી.<br />
મધ્યાહ્નનાં તેજ વિલોકતી?<br />
જલના રંગ આલોચતી?<br />
સાગરનાં તલ નિહાળતી?<br />
અસીમ જલરેખાઓ વીંધી વીંધી<br />
સ્વામી પારનો સંગમ શોધતી?<br />
ગુલાબની અંજલિ જેવું મુખડું,<br />
મહીં આકાશના અણુ જેવાં નયનઃ<br />
આછી ઉષાના ઓજનું અંગ હતું.<br />
યૌવન શાં ઇન્દ્રજાળ જોતી?<br />
<br />
{{gap}}એક વાદળી આવીઃ<br />
મહાનૌકાના મહિમાવતી<br />
દૂરથી એક વાદળી આવી.<br />
સૃષ્ટિ ઉપર પાલવ પાથરતી–સંકેલતી<br />
તેજછાયાની રમત રમતી રમતી<br />
યૌવનાને વદન અડકી ગઈ.<br />
<br />
{{gap}}કોઈ—કોઈ ક્હેશો<br />
તે નવયૌવના શું વિચારતી હતી?<br />
</poem>}}<br />
<br />
<center>૦</center><br />
<br><br />
{{HeaderNav2<br />
|previous = સૌભાગ્યવતી<br />
|next = કાઠિયાણીનું ગીત<br />
}}</div>
Meghdhanu