https://wiki.ekatrafoundation.org/index.php?action=history&feed=atom&title=%E0%AA%9A%E0%AB%82%E0%AA%82%E0%AA%A6%E0%AA%A1%E0%AB%80_%E0%AA%AD%E0%AA%BE%E0%AA%97_1%2F33.%E0%AA%8A%E0%AA%A0%E0%AB%8B_%E0%AA%A8%E0%AB%87_%E0%AA%AD%E0%AB%8B%E0%AA%B3%E0%AB%80_%E0%AA%B5%E0%AB%80%E0%AA%9B%E0%AA%B3%E0%AB%8B%E0%AA%A8%E0%AB%87_%E0%AA%97%E0%AB%8B%E0%AA%B3%E0%AB%80_%28%E0%AA%AA%E0%AB%8D%E0%AA%B0%E0%AA%AD%E0%AA%BE%E0%AA%A4%E0%AA%BF%E0%AA%AF%E0%AB%81%E0%AA%82%29 2026-07-22T15:37:59Z Revision history for this page on the wiki MediaWiki 1.45.0 https://wiki.ekatrafoundation.org/index.php?title=%E0%AA%9A%E0%AB%82%E0%AA%82%E0%AA%A6%E0%AA%A1%E0%AB%80_%E0%AA%AD%E0%AA%BE%E0%AA%97_1/33.%E0%AA%8A%E0%AA%A0%E0%AB%8B_%E0%AA%A8%E0%AB%87_%E0%AA%AD%E0%AB%8B%E0%AA%B3%E0%AB%80_%E0%AA%B5%E0%AB%80%E0%AA%9B%E0%AA%B3%E0%AB%8B%E0%AA%A8%E0%AB%87_%E0%AA%97%E0%AB%8B%E0%AA%B3%E0%AB%80_(%E0%AA%AA%E0%AB%8D%E0%AA%B0%E0%AA%AD%E0%AA%BE%E0%AA%A4%E0%AA%BF%E0%AA%AF%E0%AB%81%E0%AA%82)&diff=36558&oldid=prev 2022-05-17T10:41:12Z

<p>Created page with &quot;{{SetTitle}} {{Heading|33|}} {{Poem2Open}} સૂર્યનો ઉદય થયો. અને જાણે ઉગમણી દિશામાં કોઈ મંગલમ...&quot;</p> <p><b>New page</b></p><div>{{SetTitle}}<br /> <br /> {{Heading|33|}}<br /> <br /> {{Poem2Open}}<br /> સૂર્યનો ઉદય થયો. અને જાણે ઉગમણી દિશામાં કોઈ મંગલમય દેવતાનાં કંકુવરણાં પગલાં દેખાયાં. એ રીતે અંતરીક્ષમાં ચાલ્યાં આવતાં દેવયુગલ કોણ છે? એ તો છે લાશ અને લક્ષ્મી : ઉદ્યમ અને સંપત્તિ : એ બંને શી વાતો કરે છે? પરસ્પર મસલત કરે છે કે આપણે કોને ઘેર જશું? કયા ઘરને આંગણે આપણે પગ મેલવા જેવી પુનિત ભૂમિ છે? ગીત ગાનારીઓ એ દેવબેલડીની વાતો પોતાનાં ગીતમાં ઉતારે છે :<br /> {{Poem2Close}}<br /> <br /> &lt;poem&gt;<br /> ઊઠોને ભોળી, વીંછળોને ગોળી; <br /> મહીડાં વલોવો ઝોટ્યું3 તણાં રે. <br /> મહીડાં વલોવશે મારી… ભાઈની માડી રે <br /> પેરણ પટોળી ઓઢણ ચૂંદડી રે. <br /> લાશ ભણે રે લખમી કિયા ભાઈ ઘેર જાશું રે <br /> જે ભાઈ ઘેર પરભાતે પાણી ગળે.<br /> લાશ ભણે રે લખમી કિયા ભાઈ ઘેર જાશું રે <br /> જે ઘર સાસુ વહુ સુવાસણા. <br /> લાશ ભણે રે લખમી કિયા ભાઈ ઘેર જાશું રે <br /> જે ઘર બાપ દીકરો લેખાં કરે. <br /> લાશ ભણે રે લખમી કિયા ભાઈ ઘેર જાશું રે <br /> જે ઘેર પુતર કેરાં પારણાં. <br /> લાશ ભણે રે લખમી કિયા ભાઈ ઘેર જાશું રે <br /> જે ઘેર વરધ ઉતાવળી. <br /> લાશ ભણે રે લખમી કિયા ભાઈ ઘેર જાશું રે <br /> જે ઘેર સમી સાંજ દીવો બળે. <br /> લાશ ભણે રે લખમી કિયા ભાઈ ઘેર જાશું રે <br /> જે ઘેર સામી ભીંતે સાથિયા. <br /> લાશ ભણે રે લખમી કિયા ભાઈ ઘેર જાશું રે <br /> જે ઘેર પોપટ કેરાં પાંજરાં.<br /> &lt;/poem&gt;<br /> {{Poem2Open}}<br /> જેને ઘેર પ્રભાતમાં જ વહેલાં પાણી ગળાય, સમી સાંજના જ દીવા પ્રગટ થાય, ને પિતાપુત્ર સંપીજંપીને ચોપડા લખે, એવા ઉદ્યમશીલ ઘરમાં જ લક્ષ્મીના વાસા સંભવે : જેના ઘરમાં સાસુ-વહુ બંને સૌભાગ્યવતીઓ હોય, પારણે પુત્ર રમતો હોય, ભીંતે સાથિયાનાં મંગલ ચિહ્નો અંકાયાં હોય, ને પ્રભુનામ ભણતો રૂપાળો પોપટ પાંજરે બેઠો હોય, એ જ ઘર સુખી હોઈ શકે. લક્ષ્મી અને ઉદ્યમનાં એ જ મનમાન્યાં મુકામ છે. આવું મંગલ ગૃહજીવન પ્રભાતને પહોરે ગીતોમાં સરજીને ગાનારીઓ સહુ કુટુંબીજનોને જાગૃત કરે છે અને પ્રમાદ ઉડાડી ઉદ્યમમાં પ્રેરે છે.<br /> {{Poem2Close}}</div>

MeghaBhavsar