https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AB%E0%AB%A6 2026-05-11T00:47:26Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AB%E0%AB%A6&diff=84785&oldid=prev 2025-03-06T02:54:53Z

<p>+1</p> <p><b>New page</b></p><div>{{SetTitle}}<br /> {{Heading|૫૦}}<br /> <br /> {{Block center|&lt;poem&gt;<br /> હજારો વસ્તુઓમાં તમારા અંશને પ્રગટ કરી<br /> {{gap}}તમારી સત્તાને તમે ગુપ્ત રાખી છે.<br /> આકાશની નીલિમા, મેઘની શોભા, પરોઢનો ઉજાસ<br /> અને સંધ્યાના રંગોમાં, સૂર્યચંદ્રતારા નક્ષત્રોમાં,<br /> પ્રગાઢ અંધકારના ઉચ્છ્વાસમાં, પૃથ્વીની ગતિમાં અને<br /> તારાવિશ્વોની નિ:સીમ રમણામાં<br /> તમે તમારા જ અંશને પ્રગટ કર્યો છે.<br /> ઘટછાયાં વૃક્ષો, રંગસુગંધનાં નીરવ ગીત સમાં ફૂલો,<br /> પગ તળેનું નરમ ઘાસ, બેઉ કાંઠે ભરેલી નદીનો કિલકાર,<br /> જ્વાળામુખીનો લાવા, બરફનાં પૂર, વાવાઝોડાં ને ધરતીકંપ<br /> આ બધાંમાં તમારો જ રમ્ય ને રૌદ્ર અંશ પ્રગટ થયો છે.<br /> અનંત જીવોથી ભરેલી આ સૃષ્ટિ<br /> જન્મ જીવન મૃત્યુનો આ ખેલ<br /> વિવિધ ચહેરા ને વિવિધ વાણી<br /> ચૈતન્યનો અખંડ પ્રવાહ અને<br /> ચિરકાળથી મનુષ્યે સહેલી યાતનાઓ વચ્ચે<br /> અનેક વાર ઝળહળી ઊઠેલી અદ્ભુત આત્મશક્તિમાં<br /> તમે જ અંશરૂપે પ્રગટ થયા છો.<br /> તમને અમે જોઈ શકતા નથી.<br /> પણ આ બધું જે અમે જોઈએ છીએ, તે તમે જ છો.<br /> તમે આ પણ છો અને તે પણ છો.<br /> ઈસુને શૂળીએ ચડાવનારાઓથી માંડી<br /> મનુષ્યના કલ્યાણ અર્થે રાજપાટ છોડી જનાર બુદ્ધ સુધીના<br /> સર્વ આવિર્ભાવો તમારા જ છે.<br /> મારા નાનકડા જીવનનાં નાનકડાં સુખો તમે છો,<br /> મારા લઘુક જીવનનાં દુઃખ, શોક ને નિષ્ફળતા પણ તમે જ છો.<br /> મારું જીવન તમારા ભણીની અણથંભી યાત્રા છે,<br /> મારું મૃત્યુ તમારા સાન્નિધ્યની પરમ શાંતિ છે.<br /> જીવવાનું મને મીઠું લાગે છે, મરવાનો મને ભય નથી,<br /> કારણકે, જે કાંઈ છે તે બધું તમારા વડે વ્યાપ્ત છે.<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = ૪૯<br /> |next = ૫૧<br /> }}</div>

Meghdhanu