https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AB%E0%AB%A9પરમ સમીપે/૫૩ - Revision history2026-04-11T17:15:44ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AB%E0%AB%A9&diff=84789&oldid=prevMeghdhanu: +12025-03-06T03:07:06Z<p>+1</p>
<p><b>New page</b></p><div>{{SetTitle}}<br />
{{Heading|૫૩}}<br />
<br />
{{Block center|<poem><br />
રાત પડી છે અને દીવા બુઝાઈ ગયા છે<br />
બધા જીવો અંધકારની ગોદમાં વિશ્રાંતિથી પોઢી ગયા છે.<br />
તમને પ્રાર્થના કરવા હું મારા હૃદયને શાંત કરું છું<br />
મારા હૃદયના ઊંડાણમાંથી શબ્દો પ્રગટ થાય છે.<br />
અલબત્ત, તમને શબ્દોની કોઈ જરૂર નથી,<br />
તમે તો બધું જાણો જ છો.<br />
અમારા શબ્દો તો અમારા ભાવોની સ્પષ્ટતા માટે છે<br />
પછી કદાચ એની જરૂર ન રહે.<br />
અનાદિકાળથી અમે પિંજરમાં પુરાયેલાં છીએ<br />
અજ્ઞાન અને ઇચ્છાઓનાં બંદી છીએ<br />
સીમાઓ બાંધી અમે જાતને સલામત માની છે<br />
દુન્યવી પ્રાપ્તિઓને ચરમ સિદ્ધિ ગણી છે.<br />
આ બધું પરિવર્તનશીલ છે, આજે ઊગીને કાલે આથમી જનારું છે<br />
તે જાણીએ છીએ, છતાં વ્યવહારમાં તેથી જુદું જ માનીને ચાલીએ છીએ.<br />
જીવન તો છે એક નિરંતર વહેતી નદી<br />
કોઈ ઘાટે, કોઈ કાંઠે તે અટકી રહેતી નથી.<br />
પણ અમે વસ્તુમાં, વિચારમાં, વલણોમાં અટકી પડીએ છીએ<br />
ત્યારે સ્થગિત બની જઈએ છીએ<br />
મૃત્યુના પ્રદેશમાં મલિન બનીને રહીએ છીએ.<br />
સકળ દૃશ્યમાન જગત એક આનંદપૂર્ણ લીલા છે<br />
અમે અમારા કેન્દ્રમાંથી બહાર નીકળી<br />
જીવન સાથે વહી શકીએ<br />
તો આ લીલાના ભાગીદાર બની શકીએ;<br />
પછી બધી જ ઘટના એક ખેલ બની રહે,<br />
સુખ આપો ને દુઃખમાંથી બચાવો તે તમારી કૃપા છે,<br />
તો સંકટ આપો ને દરિયામાં ડુબાડી દો તે પણ<br />
તમારી જ કૃપા છે એમ સમજી શકીએ,<br />
અમને વિશ્વાસ રહે કે બધું તમારી દૃષ્ટિમાં જ છે.<br />
સત્તાસ્થાને વિરાજતા મનુષ્યમાં<br />
અને રસ્તે રઝળતા ઢોરમાં<br />
તમે જ રહેલા છો.<br />
અમારા અજ્ઞાન અને ઇચ્છાના અંધ પડદાને સળગાવી મૂકો<br />
અમારા કોચલાને તોડી નાખો<br />
અમે ગમે તેટલા ક્ષુદ્ર હોઈએ, તમે સમર્થ છો<br />
તમારી ભક્તિ અમને સામર્થ્યવાન બનાવે છે.<br />
કોઈ ઘર એવું દરિદ્ર નથી, જ્યાં તમારાં પગલાં ન પડે<br />
કોઈ હૃદય એવું જડ નથી, જ્યાં તમારું નામ ન સ્પંદે<br />
કોઈ ક્ષણ એવી સામાન્ય નથી, જે તમારા સ્મરણથી આલોકિત ન થાય.<br />
આ નીરવ રાતે સમય શાંત છે<br />
મને ભાન થાય છે કે હું એકાકી નથી<br />
કોઈના સમીપ હોવાનો હું સઘન અનુભવ કરું છું<br />
એ કોઈ તે તમે છો, ભગવાન!<br />
</poem>}}<br />
<br />
<br><br />
{{HeaderNav2<br />
|previous = ૫૨<br />
|next = ૫૪<br />
}}</div>Meghdhanu