https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AB%E0%AB%AD પરમ સમીપે/૫૭ - Revision history 2026-05-06T00:31:33Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AB%E0%AB%AD&diff=84793&oldid=prev Meghdhanu: +1 2025-03-06T04:20:48Z <p>+1</p> <p><b>New page</b></p><div>{{SetTitle}}<br /> {{Heading|૫૭}}<br /> <br /> {{Block center|&lt;poem&gt;<br /> અમે બધા પ્રેમ વિશે વાતો કરીએ છીએ, ભગવાન!<br /> પણ આ પ્રેમ ખરેખર શું છે?<br /> એ પ્રિયજનના સાન્નિધ્યનો આનંદ છે?<br /> તેનાં સુખદુઃખને પોતાનાં ગણવાની એકરૂપતા છે?<br /> પોતાના પહેલાં બીજાનો ખ્યાલ કરતી કાળજી છે?<br /> પોતાની અંતરતમ અનુભૂતિઓમાં બીજાને સહભાગી<br /> {{right|બનાવતી શ્રદ્ધા છે?}}<br /> ચોક્કસ, એ સાથે માણેલી મઝાઓ<br /> શરીરનાં સુખો અને ઉષ્માભર્યાં આલિંગનો કરતાં<br /> {{right| ઘણું વધારે કંઈક છે.}}<br /> એ ઊંડી સમજ અને આનંદથી ભરેલું કોઈક તત્ત્વ છે,<br /> જે બધું હૃદય વડે પારખે છે, તર્ક વડે નહિ;<br /> તે લે છે તેથી વધુ આપે છે,<br /> લેવાની ઇચ્છા વગર આપે છે,<br /> આપે છે અને યાદ રાખતો નથી.<br /> તે ભય વગર પોતાનું હૃદય ખુલ્લું કરે છે<br /> અને આક્રમક થયા વિના અંતરનાં ઊંડાણોમાં પ્રવેશે છે.<br /> તે એકીસાથે મૃદુ અને શક્તિશાળી હોય છે,<br /> જીવનને તે વધુ જીવંત બનાવે છે<br /> અને ગમે તે થાય, તજી જતો નથી.<br /> પ્રેમ હોય છે ત્યારે<br /> ઝર ઝર વહેતા ઝરણાની જેમ<br /> જીવન વહેતું અને મધુર બની જાય છે.<br /> તે સામાન્ય ક્ષણોને સુખથી પ્રકાશિત<br /> અને સામાન્ય ઘટનાઓને સોનાકણી જેવી મૂલ્યવાન બનાવે છે.<br /> પ્રેમમાં જે ઉત્તમ હોય તે બીજાને આપીએ છીએ<br /> અને પોતાની પસંદગી બીજા પર ઠોકી બેસાડતાં નથી<br /> પ્રેમમાં માગણી, આગ્રહ, જીદ નથી<br /> કારણકે તે સામા માણસના દૃષ્ટિબિંદુથી જોઈ શકે છે<br /> તેથી તે પોતાની વાત મનાવવાની બળજબરી કરતો નથી.<br /> પ્રેમ એટલે શ્રદ્ધા ને વિશ્વાસ<br /> {{gap}}નિશ્ચલતા અને નિષ્ઠા<br /> પ્રેમ એટલે હળવું મન અને ગીત ગાતા હોઠ<br /> પ્રેમ એટલે હાથમાં હાથ પરોવીને ચાલવું<br /> અને હૃદયથી હૃદય સાથે વાતો કરવી<br /> સાથે સહન કરવું<br /> અને સાથે પ્રાર્થના કરવી.<br /> પ્રેમ સાથે ચડેલાં કપરાં ચડાણ છે<br /> અને ઝંઝાવાતોનો સાથે કરેલો મુકાબલો છે<br /> અને પ્રેમ, એ ઈશ્વરના મુખ ભણી સાથે જોઈ<br /> પ્રસન્નતાથી સાથે ઊંચકી લીધેલો ભાર છે.<br /> અમે અમારી જાતને જ ચાહીએ ત્યારે કેદી બની રહીએ છીએ<br /> બીજાને ચાહીએ ત્યારે અમને પાંખો ફૂટે છે<br /> અમે અમારી જાતને જ ચાહીએ<br /> ત્યારે તમને એટલા ઓછા ચાહીએ છીએ.<br /> પ્રેમ અમને અમારા કૂંડાળામાંથી બહાર લઈ જાય છે<br /> બીજાને ચાહીએ ત્યારે અમે વિશાળ બનીએ છીએ<br /> અમારી અંદર એક ગતિનો સંચાર થાય છે<br /> અંધકાર અજવાળામાં આંખો ખોલે છે.<br /> દુનિયાની દરેક વસ્તુ, દરેક પ્રાણી, દરેક માણસ<br /> માટીનો નાનામાં નાનો કણ પણ<br /> સ્નેહ માટે ઝંખે છે.<br /> બધા અન્યાય ને અત્યાચાર<br /> {{gap}}વેરઝેર ને ધિક્કાર<br /> {{gap}}શોષણ ને હિંસા<br /> {{gap}}પ્રેમના અભાવમાંથી જન્મે છે.<br /> અમે ખરેખર પ્રેમ કરી શકીએ, તો અમારી જાતને બદલી શકીએ<br /> અમે પ્રેમ કરી શકીએ, તો દુનિયાનો ચહેરો બદલી શકીએ.<br /> પૃથ્વી પરના દરેક સીમિત પ્રેમની પાછળ<br /> તમારી અસીમતાનો સૂર છે.<br /> અમે સમગ્ર હૃદયથી જ માત્ર નહિ,<br /> {{gap}}સમગ્ર જીવનથી પ્રેમ કરી શકીએ<br /> {{gap}}તો અમે તમને પણ પામી શકીએ, પ્રભુ!<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = ૫૬<br /> |next = ૫૮<br /> }}</div> Meghdhanu