https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AB%E0%AB%AF પરમ સમીપે/૫૯ - Revision history 2026-05-06T00:32:09Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AB%E0%AB%AF&diff=84795&oldid=prev Meghdhanu: +1 2025-03-06T04:24:37Z <p>+1</p> <p><b>New page</b></p><div>{{SetTitle}}<br /> {{Heading|૫૯}}<br /> <br /> {{Block center|&lt;poem&gt;<br /> આજે રાતે, ઊંઘમાં પોઢી જતાં પહેલાં<br /> મને મારા એ સેંકડો બાંધવો યાદ આવે છે,<br /> જેમની આંખમાં ઊંઘ નથી;<br /> {{gap}}જિંદગીએ જેમને લોહિયાળ ઘાવ કર્યા છે,<br /> {{gap}}સમાજના દ્વેષ અને સંકુચિતતાથી જેમના<br /> {{gap|4em}}હૃદયમાં ચીરા પડ્યા છે,<br /> જેમનો તેમનાં પ્રિયજનોએ જ દ્રોહ કર્યો છે,<br /> સમગ્ર ચાહનાથી ઇચ્છેલી વસ્તુને પામવામાં જેઓ<br /> {{gap|4em}}નિષ્ફળ ગયા છે,<br /> જેમના પ્રેમને પ્રતિસાદ મળ્યો નથી,<br /> યાત્રાની અધવચ્ચે જેમણે પોતાના સાથીને ગુમાવ્યા છે<br /> જેમની શક્તિઓને સાર્થક થવાની તક મળી નથી<br /> જેમના કાર્યની મહત્તાનું ક્યારેય પૂરતું મૂલ્ય અંકાતું નથી,<br /> પોતાના કાર્ય માટે જેમને આભાર કે પ્રશંસાના બે<br /> {{gap}}શબ્દો સાંભળવા મળતા નથી,<br /> હૃદયની વાત કરી શકાય, એવા જેમને મિત્રો નથી<br /> જેઓ હંમેશાં થાકેલા, વિષાદથી ભરેલા હોય છે,<br /> જેમના ઉમદા ભાવોની કોઈ કદર થતી નથી,<br /> જેઓ ઘણી મહેનત કરે છે ને ઓછું વળતર પામે છે<br /> આ બધા બાંધવો માટે<br /> આજે મારું હૃદય પ્રેમ અને પ્રાર્થનામાં વહી જાય છે<br /> પ્રભુ,<br /> એમના દુઃખમાં એમને આશ્વાસન આપો<br /> એમને હિંમત અને માર્ગદર્શન આપો<br /> {{gap}}ઉલ્લાસ અને પ્રોત્સાહન આપો<br /> {{gap}}શક્તિ, આનંદ અને પ્રેમ આપો<br /> બધાં બારણાં બંધ હોય ત્યારે,<br /> તેમાંના કોઈક બારણાની પાછળ તમે આવી ઊભેલા છો,<br /> એવી તેમને પ્રતીતિ આપો;<br /> જેથી તેઓ ગમે તેવો કાંટાળો માર્ગ પણ<br /> એવા વિશ્વાસ સાથે પસાર કરી જઈ શકે<br /> કે, માર્ગને કોઈક વળાંકે<br /> તમારા અનંત સામર્થ્યયુક્ત બાહુ<br /> તેમને બધી પીડામાંથી ઉપર ઊંચકી લેવા તત્પર છે.<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = ૫૮<br /> |next = ૬૦<br /> }}</div> Meghdhanu