https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AC%E0%AB%AD 2026-05-08T17:40:31Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AC%E0%AB%AD&diff=84805&oldid=prev 2025-03-07T03:20:21Z

<p>+1</p> <p><b>New page</b></p><div>{{SetTitle}}<br /> {{Heading|૬૭}}<br /> <br /> {{Block center|&lt;poem&gt;<br /> આજ સુધી,<br /> લોકો મને મળવા આવે ત્યારે હું કહેતી :<br /> જુઓ, મારું ઘર કેટલું સુંદર છે!<br /> ઘરમાં મેં સંગ્રહેલી વસ્તુઓ કેટલી કલાત્મક છે!<br /> મારાં બાળકો કેવાં હોશિયાર ને તેજસ્વી છે!<br /> મારાં કાર્યોમાં મેં કેટલી બધી સિદ્ધિ મેળવી છે!<br /> લોકોમાં મારી કેટલી પ્રશંસા થાય છે!<br /> સીધી કે આડકતરી રીતે આ બધું હું કહેતી<br /> અને મારી આ આવડતો પર હું ફુલાતી.<br /> અથવા, હું કહેતી કે :<br /> જુઓ, મારા શરીરમાં કેટલી વ્યાધિઓ છે!<br /> મારાં સ્વજનો કેટલાં સ્વાર્થી છે!<br /> લોકો કેટલાં કૃતઘ્ન છે!<br /> મેં આખી જિંદગી પ્રામાણિકતાથી કામ કર્યું<br /> અને બીજાઓને માટે જાત ઘસી નાખી<br /> પણ મને ક્યારેય એનો બદલો મળ્યો નહિ.<br /> હું આમ કહેતી અને આ બધી બાબત માટે<br /> લોકોનો, કે નસીબનો, કે ભગવાન, તમારો વાંક કાઢતી.<br /> પછી એક સ્નિગ્ધ પ્રભાતે ઝળહળ કરતો સૂરજ ઊગ્યો,<br /> અને સુક્કાં તરણાં સોનાવરણાં થઈ ગયાં.<br /> હવે મને કોઈ કાંઈ પૂછે તો હું ચુપ રહું છું<br /> દુનિયાની બજારમાં મને શું મળ્યું ને શું નહિ,<br /> એ વાત હવે મને અડતી નથી.<br /> હવે મારું મન આખોયે વખત<br /> તમારા દિવ્ય પ્રેમમાં નાહેલું, મૃદુ ને સભર રહ્યા કરે છે<br /> અંતરતમ આનંદની વાત કોને કરી શકાય?<br /> પણ તમે જાણો છો, પ્રભુ!<br /> અને એટલું પૂરતું છે.<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = ૬૬<br /> |next = ૬૮<br /> }}</div>

Meghdhanu