https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AC%E0%AB%AEપરમ સમીપે/૬૮ - Revision history2026-05-07T15:19:28ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AC%E0%AB%AE&diff=84806&oldid=prevMeghdhanu: +12025-03-07T03:21:51Z<p>+1</p>
<p><b>New page</b></p><div>{{SetTitle}}<br />
{{Heading|૬૮}}<br />
<br />
{{Block center|<poem><br />
ઘણી વાર<br />
પ્રાર્થના કર્યા પછીયે, અમારી તકલીફો જેમની તેમ રહે<br />
ત્યારે અમે અધીર થઈ જઈએ છીએ કે :<br />
અરે! ભગવાન તો કાંઈ સાંભળતા નથી<br />
આટલી વિનંતી કરી, પણ ભગવાને સહાય તો કરી નહિ.<br />
અમારે તો તત્કાળ ઉકેલ જોઈતો હોય છે — આજે ને આજે જ,<br />
અને વળી અમારી રીતનો ઉકેલ જોઈતો હોય છે<br />
અમારી સઘળી સામાન્યતાઓ, ક્ષુદ્રતાઓ, મૂર્ખતાઓ<br />
{{right|સાચવી રાખીને}}<br />
અમે તમારી પાસેથી શાંતિ ઇચ્છીએ છીએ.<br />
પણ તમને કશી વાતની ઉતાવળ નથી.<br />
જવાબ આપવાની તમારી પોતાની રીત છે<br />
જવાબ આપવાનો તમારો પોતાનો સમય છે.<br />
અમે ઉતાવળ કરીએ તેથી કાંઈ વળતું નથી<br />
અમે તો માત્ર શાંત થઈ, ધીરજથી પ્રતીક્ષા કરી શકીએ.<br />
તમે એકી સપાટે બધાં વિઘ્નો દૂર કરી દો એમ બને<br />
અથવા ખબર પણ ન પડે એમ ધીરેથી સંજોગો બદલી નાખો<br />
{{right|એમ પણ બને}}<br />
અથવા વિઘ્નોને ઓળંગી જવાની અમને શક્તિ આપો એમ બને<br />
અથવા કોઈ અગ્નિ-સ્પર્શથી અમારી ચેતનાનું એવું રૂપાંતર કરો<br />
કે વિઘ્નો અમને વરદાન લાગે, એમ પણ બને.<br />
બધી મહાન ઘટનાઓ ચુપચાપ બને છે<br />
તમારી સમજ પણ અમારા હૃદયમાં ચુપચાપ ઊતરે છે.<br />
પણ અમને એટલી તો ખાતરી જ છે કે<br />
અમે ઊંડી આરતથી પ્રાર્થના કરીએ તો,<br />
તમારી સહાય મળ્યા વગર રહેતી નથી;<br />
પછી ભલે એનું સ્વરૂપ અમારી કલ્પના પારનું હોય!<br />
</poem>}}<br />
<br><br />
{{HeaderNav2<br />
|previous = ૬૭<br />
|next = ૬૯<br />
}}</div>Meghdhanu