https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AE%E0%AB%A6પરમ સમીપે/૮૦ - Revision history2026-05-12T22:38:43ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AE%E0%AB%A6&diff=84824&oldid=prevMeghdhanu: +12025-03-08T13:20:17Z<p>+1</p>
<p><b>New page</b></p><div>{{SetTitle}}<br />
{{Heading|૮૦}}<br />
<br />
{{Block center|<poem><br />
દુઃખના આંકડા અમને ચારે બાજુથી ભીડી વળે<br />
કેમે કરતાં મુશ્કેલી ને પીડાનો પાર જ ન આવે,<br />
ત્યારે અમે બોલી ઊઠીએ છીએ : આ તે અમારાં કયાં કર્મ?<br />
આ જન્મે તો મેં કોઈ પાપ નથી કર્યું,<br />
કોઈનું બૂરું નથી ચિંતવ્યું<br />
મને શા સારુ આટલી બધી સજા મળવી જોઈએ?<br />
સાચે જ ભગવન્,<br />
આવું અમે કહીએ છીએ તેનો અર્થ એટલો જ કે<br />
અમે શું કરી રહ્યાં છીએ તેનું અમને ભાન નથી.<br />
અમે શું ખરેખર કાંઈ ખરાબ નથી કર્યું?<br />
પળેપળ અમે સન્માર્ગે જ ચાલ્યા છીએ?<br />
અમારા હૃદયના ભાવ હંમેશાં નિર્મળ ને પવિત્ર રહ્યા છે?<br />
કટુ શબ્દો ને તોછડા વ્યવહારથી બીજાઓને દુઃખ નથી પહોંચાડ્યું?<br />
ક્રોધ, ચીડ, કઠોર ટીકાથી કોઈના મનની શાંતિ વીંખી નથી નાખી?<br />
સત્તાના જોરમાં બીજાઓને વાટ જોતા બારણે ઊભા રાખ્યા નથી?<br />
તેમને તુચ્છકાર્યા નથી? તેમના પર હુકમ ચલાવ્યો નથી?<br />
અમે યાંત્રિક, નિર્જીવ, સ્વાર્થી બનીને જીવ્યાં છીએ<br />
બીજાની આંખોની વેદના જોવાનો અમને સમય મળ્યો નથી<br />
તેમના હૃદયની વ્યથા સાંભળવાની વેળા મળી નથી<br />
કદાચ તકલીફ જાણી હોય તો તે ન-જોઈ કરી છે,<br />
મદદ ન કરવા માટે જાત સાથે બહાનાં કાઢ્યાં છે.<br />
પ્રેમ ને અનુકંપાથી અમે કોઈનાં આંસુ લૂછ્યાં નથી<br />
તનથી, ધનથી કે મનથી ઘસાયાં નથી<br />
પોતાનાં ને પારકાં વચ્ચે હંમેશાં ભેદ કર્યા છે<br />
ધનપ્રતિષ્ઠાને માન આપ્યું છે અને અકિંચનોને અવગણ્યા છે<br />
માણસનો માણસ તરીકે આદર કર્યો નથી.<br />
કયાં મોંએ અમે કહીએ અમે કોઈ દિવસ કાંઈ બૂરું કર્યું નથી?<br />
દુષ્કૃત્યો કરવાં તે અપરાધ છે,<br />
તો સત્કૃત્યો ન કરવાં તેયે અપરાધ જ છે.<br />
મુશ્કેલીમાં આવી પડતાં અમે આક્રંદ કરીએ છીએ<br />
સવાલો પૂછીએ છીએ<br />
વ્યાકુળતાથી તને પોકારીએ છીએ,<br />
પણ અમે અમારે માટે થોડુંક ઓછું, અને<br />
બીજાઓ માટે થોડુંક વધારે જીવ્યા હોત,<br />
મુશ્કેલી નહોતી ત્યારે પણ અમે પ્રેમથી તારું નામ લીધું હોત<br />
તો કદાચ,<br />
સંકટો આવે ત્યારે અમને શ્રદ્ધા રહી હોત<br />
મુશ્કેલીઓ આટલી આકરી ન લાગી હોત<br />
અમારા બંધ કારાગારમાં પણ તારી મલય-હવા વહી હોત.<br />
</poem>}}<br />
<br><br />
{{HeaderNav2<br />
|previous = ૭૯<br />
|next = ૮૧<br />
}}</div>Meghdhanu