https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AE%E0%AB%AA પરમ સમીપે/૮૪ - Revision history 2026-04-13T02:06:25Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AE%E0%AB%AA&diff=84835&oldid=prev Meghdhanu: +1 2025-03-09T04:49:30Z <p>+1</p> <p><b>New page</b></p><div>{{SetTitle}}<br /> {{Heading|૮૪}}<br /> <br /> {{Block center|&lt;poem&gt;<br /> પરમપિતા,<br /> આજથી અમારા જીવનમાં એક નવું પ્રસ્થાન થાય છે<br /> તમારા આશીર્વાદ વડે અમારો માર્ગ હરિયાળો કરજો<br /> અમારા સહજીવનના કેન્દ્રમાં તમે રહેજો<br /> અમારા માર્ગનું લક્ષ્ય પણ તમે જ રહેજો.<br /> સુખમાં ને દુઃખમાં, માંદગીમાં ને વાવાઝોડાંમાં<br /> અમે પ્રેમ ને શ્રદ્ધાથી એકમેકની સાથે રહીએ<br /> એકબીજા પ્રત્યે બેદરકારી કે અનાદર ન દાખવીએ<br /> પોતાના વિચાર બીજા પર ન લાદીએ<br /> બીજાના સ્વતંત્ર વ્યક્તિત્વનું માન કરીએ<br /> તેનાં હૃદયનાં એકાંતોની રક્ષા કરીએ.<br /> હવે અમે કેવળ પ્રવાસી નથી<br /> જીવનના બધા સ્તરે, સાથે રહેવાના હેતુને વરેલા<br /> યાત્રી છીએ<br /> અમારો પ્રેમ, તારા વિશાળ પ્રેમમાં પહોંચવા માટેનું<br /> એક નાનું પણ મહત્ત્વનું પગથિયું છે.<br /> અને એટલે, અમે અમારા સંબંધને<br /> સાંસારિક અધિકારોનું માધ્યમ નહિ,<br /> એક માર્ગના યાત્રીઓ વચ્ચેની મૈત્રી ગણીએ,<br /> એકમેકને અવલંબીને પાંગળાં ન બનીએ,<br /> પણ સાથ આપીને સબળ બનીએ.<br /> અતિ પરિચયથી અવજ્ઞા ન કરીએ<br /> પણ સતત સિંચનથી સુંદરતાનો ઉઘાડ કરીએ<br /> અમારામાં ખોવાઈ ન જઈએ,<br /> પણ એકબીજા દ્વારા પોતાને પામીએ.<br /> લોકો કહે છે : લગ્ન એક પવિત્ર બંધન છે,<br /> પણ જે બંધન છે તે પવિત્ર શી રીતે હોઈ શકે?<br /> અમારો પ્રેમ અમને બાંધતી જંજીર નહિ,<br /> અમને ઊંચે ચડાવતી પાંખો બને.<br /> અમારું જીવન સમાધાન ને ગોઠવણીની વ્યવસ્થા ન રહે<br /> પણ એક ધબકતો, નિત્ય નવા ઉઘાડનો,<br /> છલકતા આનંદનો ઉત્સવ બની રહે<br /> અમારાં સુખ-સલામતીમાં તૃપ્ત થઈ અમે પુરાઈ ન રહીએ<br /> પણ સહુને માટે દ્વાર ખોલીએ,<br /> એકમેકને જ નહિ, ઘણાંને ચાહીએ<br /> અમારા માળામાં જે કોઈ આવે તે શીળો છાંયો પામે.<br /> એક ફૂલની જેમ ખીલતો, સુગંધ વેરતો સંબંધ<br /> માનવજીવનનું એક ઉત્તમ સર્જન છે.<br /> અમે એ સર્જનનો તમને અર્ઘ્ય ધરીએ<br /> એકમેક ભણી જોઈ રહેવાને બદલે<br /> તમારા ભણી સાથે મીટ માંડીએ<br /> સુખી થઈએ ને સુખી કરીએ<br /> એકબીજામાં ભળી ગયેલા પ્રવાહ જેવા નહિ, પણ<br /> જોડાજોડ ઊભા રહી,<br /> તમારી આરતી ઉતારતા બે દીવા બની રહીએ.<br /> અને અમારા બેમાંથી એક જણને<br /> તમે જ્યારે તમારા અંકમાં ઊંચકી લો,<br /> ત્યારે બીજું જણ<br /> શોકમાં ઝૂરી મરવાને બદલે<br /> સાર્થક જીવન જીવ્યાના આનંદથી પરિપૂર્ણ રહે,<br /> એકબીજાના સાથથી પાેતે ઊંચે ચડ્યાનું<br /> પ્રતીતિપૂર્વક કહી શકે,<br /> એવી આજના અવસરે અમારી પ્રાર્થના છે.<br /> <br /> {{right|[લગ્નપ્રસંગે]}}<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = ૮૩<br /> |next = ૮૫<br /> }}</div> Meghdhanu