https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AE%E0%AB%AE પરમ સમીપે/૮૮ - Revision history 2026-05-11T00:02:55Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AE%E0%AB%AE&diff=84840&oldid=prev Meghdhanu: +1 2025-03-09T04:57:23Z <p>+1</p> <p><b>New page</b></p><div>{{SetTitle}}<br /> {{Heading|૮૮}}<br /> <br /> {{Block center|&lt;poem&gt;<br /> આયુષ્યની ડાળીએથી<br /> જીવનનાં પર્ણો એક પછી એક ખરતાં જાય<br /> અને શક્તિનો પ્રવાહ ક્ષીણ થવા માંડે<br /> ત્યારે હું જરા ભય તો પામું છું, ભગવાન!<br /> પગે હવે વા આવે છે,<br /> કાને બરોબર સંભળાતું નથી<br /> આંખે મોતિયાનાં પડળ બાઝવા લાગ્યાં છે.<br /> હું બીજાઓ પર બહુ અવલંબિત બની જઈશ,<br /> મારું જીવન સાવ નિરુપયોગી બની રહેશે<br /> એવો મને ભય તો લાગે છે, પ્રભુ!<br /> …<br /> તમે કાંઈ કહી રહ્યા છો, ભગવાન?<br /> ઓહ - તમે કેટલી સરસ વાત કહી કે :<br /> “શરીરની શક્તિ વડે તારે શું કરવું છે?<br /> તારે એવરેસ્ટ પર આરોહણ થોડું કરવું છે?<br /> કે પહાડ ખોદીને ગંગા થોડી વહાવવી છે?”<br /> સાચી વાત છે, ભગવાન!<br /> તમે વળી ક્યારે કહેલું કે<br /> હું હૃષ્ટપુષ્ટ અને તંદુરસ્ત હોઈશ<br /> તો જ તમને પ્રેમ કરી શકીશ?<br /> દુનિયાની બજારમાં હજાર જગ્યાએ દોડાદોડ કરી<br /> ઘૂમી વળતો ‘હું’ તમને થોડો જ જોઈએ છે?<br /> યુવાનીની શક્તિઓનો શિખરે હું હતો<br /> ત્યારે હું તમારી નિકટ થોડો જ હતો?<br /> ત્યારે તો તમે માત્ર ઉદાસ નેત્રે મારી વાટ જોઈ રહ્યા હતા<br /> તમને તો જોઈતું હતું રાગદ્વેષઅભિમાનથી મુક્ત થયેલું શુદ્ધ હૃદય<br /> અને એ હૃદયમાં પ્રેમનું એક ઝળહળતું ગીત.<br /> અને એ તો હું, મારી પાસે કંઈ જ ન હોય,<br /> માત્ર શ્વાસ જ રહ્યા હોય,<br /> તોયે કરી શકું, નહિ?<br /> શરીર ભલે શક્તિહીન હોય, પણ ચિત્ત જો સબળ બને<br /> નેત્રો પર ભલે ઝાંખપ હોય, પણ મન જો જ્ઞાનથી ઉજ્જ્વળ બને<br /> હાથ-પગ ભલે શિથિલ હોય, પણ હૃદય તમારા પ્રતિ વેગથી ગતિ કરે<br /> આયુષ્યની ક્ષણો ભલે એક પછી એક ખરી રહી હોય, પણ<br /> હું જો, અશક્ત ને અપંગ સ્થિતિમાંયે<br /> ઉત્સાહ, આશા, આનંદ, ભક્તિની સ્ફૂર્તિથી સચેતન રહું<br /> તો બીજાઓ માટે<br /> એક ઉદાહરણ બની શકું.<br /> અને તો એ મારું પ્રદાન પણ બની શકે.<br /> અને તો પછી<br /> છેલ્લામાં છેલ્લી ક્ષણ સુધી<br /> જીવન ઉપયોગી જ છે, નહિ ભગવાન?<br /> <br /> {{right|[અસહાય શરીર-સ્થિતિ-વેળા]}}<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = ૮૭<br /> |next = ૮૯<br /> }}</div> Meghdhanu