https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AE%E0%AB%AF પરમ સમીપે/૮૯ - Revision history 2026-04-13T03:47:43Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AE%E0%AB%AF&diff=84841&oldid=prev Meghdhanu: 1 2025-03-09T04:58:27Z <p>1</p> <p><b>New page</b></p><div>{{SetTitle}}<br /> {{Heading|૮૯}}<br /> <br /> {{Block center|&lt;poem&gt;<br /> માંદગીના બિછાને, મારા પીડાભર્યા દિવસો<br /> એક પછી એક વીતી રહ્યા છે.<br /> હૉસ્પિટલ ને ઑપરેશન, દવાઓ ને ડૉક્ટરો<br /> વેદના, ત્રાસ ને મૂંગી ચીસોનું એક અશાંત વાતાવરણ<br /> મારી આસપાસ વીંટળાઈ રહ્યું છે.<br /> પહેલાં, આવી સ્થિતિની કલ્પનામાત્રથી હું કંપી ઊઠતો,<br /> પીડાના ખ્યાલમાત્રથી હું ભય પામતો, ભગવાન!<br /> પણ આજે હું એની વચ્ચે છું ત્યારે સમજાય છે કે<br /> એમાંથી શાંતિપૂર્વક પસાર થવાનું અઘરું છે, પણ અશક્ય નથી.<br /> મારી માંદગીએ મને મારી અંદર ડોકિયું કરવાની તક આપી છે<br /> અને મારી શારીરિક પીડાએ જ મને,<br /> હું માત્ર શરીર છું એ ભાનમાંથી બહાર કાઢ્યો છે.<br /> મહાવીરના કાનમાં ખીલા ઠોકાયાની અસહ્ય પીડા<br /> ઈસુની શૂળી-આરોહણની કારમી ચીસ<br /> રામકૃષ્ણના કૅન્સરની દાહક વેદના —<br /> {{gap}}આ ભયાનક ક્રૂર કસોટી વચ્ચેથી પણ<br /> {{gap}}તેમનો મહિમા ને તેજ પ્રકાશી ઊઠ્યાં હતાં.<br /> વેદનાનો સંકેત હવે હું સમજું છું<br /> અને એની સમક્ષ મારું માથું નમાવું છું.<br /> આ પીડાથી મારું અસ્તિત્વ ધોવાઈને પરિશુદ્ધ બને છે.<br /> દુનિયાના લાખો કરોડો પીડિત જનો સાથે<br /> હું તાદાત્મ્ય અનુભવું છું.<br /> આ માંદગીએ મારા હૃદયની ક્ષિતિજો વિસ્તારી છે<br /> આ પરિસ્થિતિને હું તારો અનુગ્રહ જ માનું છું.<br /> ડૉક્ટરો ને નર્સોની દેખભાળમાં<br /> સ્વજનોની પ્રેમાળ સેવામાં<br /> દૂરથી આવતા પત્રોમાં પ્રગટ થતી ચિંતામાં<br /> જલદી સાજા થવા માટે મોકલાતા સંદેશા ને ફૂલના ગુચ્છામાં<br /> હું તારી કૃપા જોઉં છું ને તારું સ્મરણ કરું છું.<br /> આ બધા પ્રત્યે હું કૃતજ્ઞ રહું<br /> તેમના પર ઓછામાં ઓછો બોજો થાય તેમ કરું<br /> મને સાજો કરવાના તેમના પ્રયત્નોમાં<br /> હૃદયપૂર્વક તેમને સહકાર આપું — એવું કરજે, પ્રભુ!<br /> મારી જાતની દયા ખાવામાંથી મને બચાવજે,<br /> માંદગીના નામે ખોટી માગણીઓ ને અપેક્ષાઓ<br /> રાખવામાંથી મને બચાવજે — પ્રભુ!<br /> મારી આસપાસ, મારી જેમ જ<br /> જે લોકો દુઃખી અવશ પથારીમાં પડ્યા છે<br /> તે સૌના પર પણ તારા આશીર્વાદ વરસાવજે.<br /> અને —<br /> કોઈ વાર, કાળી યાતનાની ઘડીઓમાં<br /> તારા પરની શ્રદ્ધા, કદાચ છે ને, ડગમગી જાય<br /> મારું હૃદય ભીરુ થઈને અંધારામાં ડૂબી જાય<br /> તો મને ક્ષમા કરજે પ્રભુ, અને<br /> ધીમા પગલે આવી મારા દીવાની વાટ સંકોરી આપજે.<br /> <br /> {{right|[ગંભીર માંદગી વખતે]}}<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = ૮૮<br /> |next = ૯૦<br /> }}</div> Meghdhanu