https://wiki.ekatrafoundation.org/index.php?action=history&feed=atom&title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87%2F%E0%AB%AF%E0%AB%A6 પરમ સમીપે/૯૦ - Revision history 2026-04-13T03:47:36Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AA%E0%AA%B0%E0%AA%AE_%E0%AA%B8%E0%AA%AE%E0%AB%80%E0%AA%AA%E0%AB%87/%E0%AB%AF%E0%AB%A6&diff=84842&oldid=prev Meghdhanu: +1 2025-03-09T04:59:49Z <p>+1</p> <p><b>New page</b></p><div>{{SetTitle}}<br /> {{Heading|૯૦}}<br /> <br /> {{Block center|&lt;poem&gt;<br /> ભગવાન,<br /> હવે હું ઘરડો થયો છું ને જીવનને આરે આવી ઊભો છું<br /> ત્યારે મને ખ્યાલ આવે છે કે<br /> કેવાં ક્ષણિક સુખો અને વ્યર્થ ઇચ્છાઓમાં<br /> મેં મારો સમય ને જીવનશક્તિ ખર્ચી નાખ્યાં છે.<br /> હવે મારા શરીરમાં પહેલાં જેવું બળ નથી,<br /> મારાં નેત્રો ઝાંખાં છે અને હાથપગ શિથિલ છે<br /> મારે જે કરવું જોઈતું હતું તે મેં કર્યું નથી.<br /> પણ હવે ખેદમાં ને ખેદમાં બાકીનાં દિવસરાત<br /> પૂરાં થઈ જાય, એવું મારે નથી કરવું.<br /> લોકો કહે છે કે વૃદ્ધાવસ્થા બીજું બાળપણ છે.<br /> બાળપણ એટલે વિકાસની અનંત શક્યતાઓ<br /> બાળપણ એટલે વિસ્મયોનો અનંત ઉઘાડ.<br /> વૃદ્ધાવસ્થા એ કાંઈ પૂર્ણવિરામ નથી,<br /> હજી તો મારે બહુ વિકસવાનું છે.<br /> એ માટે હવે જ કામ કરવાનો સમય મળ્યો છે,<br /> અત્યારે હું જે-જે ભાવનાનાં બીજ વાવીશ,<br /> તે આગલા જન્મે ઊગી નીકળવાનાં છે.<br /> અત્યાર સુધી તો હું મારામાં જ કેદી હતો,<br /> {{gap}}મારી જ જાતને જોતો હતો,<br /> {{gap}}મારી જ તૃષ્ણાઓને સાંભળતો હતો.<br /> મારે તો હજીયે મારું વર્ચસ્ ચલાવવું હતું,<br /> પણ તમે મને દેહનો દુર્બળ કરીને,<br /> મારું પિંજરું કેવું તોડી નાખ્યું, ભગવાન!<br /> અને એક ઝાટકે તમે કેવો મને આસક્તિઓમાંથી,<br /> મારી જ છત્રછાયા નીચે મારું ઘર ચાલે એવા આગ્રહમાંથી<br /> મુક્ત કરી દીધો, પ્રભુ!<br /> હવે મારું શરીર ભલે શક્તિહીન હોય,<br /> મારું મન હળવું થઈ આનંદના પ્રવાહમાં તરી શકે છે<br /> કારણકે મને કોઈ વળગણ નથી,<br /> હું જ બધું જાણું ને હું જ બધું કરું —<br /> એવા અહંકારમાંથી,<br /> જવાબદારી, ચિંતા, ફરજમાંથી હવે હું મુક્ત છું.<br /> હવે હું ફક્ત તમારા પ્રત્યે જ મીટ માંડું તો માંડી શકું<br /> મારાં બધાં સમય-શક્તિ-ધ્યાન તમારામાં પરોવું,<br /> {{right|તો પરોવી શકું.}}<br /> હાથપગ ભલે શિથિલ હોય ને નેત્રો ભલે ઝાંખાં હોય,<br /> મારી કેદમાંથી બહાર નીકળી, હળવાશથી પાંખો ફફડાવી<br /> હું વેગથી તમારા ભણી ઊડું, તો ઊડી શકું.<br /> હવે તો આપણા બેની જ ગોઠડી ચાલે તો ચાલે,<br /> {{right| નહિ ભગવાન?}}<br /> <br /> {{right|[વૃદ્ધાવસ્થામાં]}}<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = ૮૯<br /> |next = ૯૧<br /> }}</div> Meghdhanu