https://wiki.ekatrafoundation.org/index.php?action=history&feed=atom&title=%E0%AA%AA%E0%AB%81%E0%AA%A8%E0%AA%B6%E0%AB%8D%E0%AA%9A%2F%E0%AA%9A%E0%AA%BE%E0%AA%B2%E0%AB%8B_%E0%AA%A6%E0%AB%82%E0%AA%B0_%E0%AA%A6%E0%AB%82%E0%AA%B0પુનશ્ચ/ચાલો દૂર દૂર - Revision history2026-07-22T04:21:26ZRevision history for this page on the wikiMediaWiki 1.45.0https://wiki.ekatrafoundation.org/index.php?title=%E0%AA%AA%E0%AB%81%E0%AA%A8%E0%AA%B6%E0%AB%8D%E0%AA%9A/%E0%AA%9A%E0%AA%BE%E0%AA%B2%E0%AB%8B_%E0%AA%A6%E0%AB%82%E0%AA%B0_%E0%AA%A6%E0%AB%82%E0%AA%B0&diff=71661&oldid=prevMeghdhanu: +12024-03-29T00:09:34Z<p>+1</p>
<p><b>New page</b></p><div>{{SetTitle}}<br />
<center><big><big>'''ચાલો દૂર દૂર'''</big></big></center><br />
<br />
<poem><br />
સ્ત્રી : ચાલો દૂર દૂર... જ્યાં આપણે બે મનમાન્યો પ્રેમ કરીએ,<br />
જ્યાં આપણે બે સાથે જીવીએ ને સાથે મરીએ;<br />
જ્યાં ધૂંધળા આકાશમાં સૂરજ ઊગતો હોય ઝાંખો ઝાંખો,<br />
જાણે અશ્રુથી ચમકતી મારી ચંચલ આંખો;<br />
જ્યાં આપણો શયનખંડ વર્ષોજૂનાં રાચરચીલાથી શોભતો હોય,<br />
છત પરનાં રંગીન સુશોભનો અને ભીંત પરના<br />
ઊંચાઊંડા અરીસાથી ઓપતો હોય,<br />
જ્યાં અંબરનો આછો ધૂપ ચોમેર મહેકતો હોય,<br />
અમૂલ્ય ફૂલોની સુગંધ સાથે ભળીને બહેકતો હોય;<br />
જ્યાં ક્ષિતિજ પારથી આવી આવીને કૈં નૌકાઓ નાંગરતી હોય,<br />
જેના થકી મારી નાનામાં નાની ઇચ્છાઓ પાંગરતી હોય;<br />
જ્યાં આખુંયે નગર આથમતા સૂરજની<br />
રંગબેરંગીન આભા ઓઢતું હોય,<br />
જ્યાં સમગ્ર વિશ્વ સમી સાંજના<br />
સ્નિગ્ધ સઘન અંધકારમાં પોઢતું હોય;<br />
જ્યાં બધું જ સ્વસ્થ, સુન્દર, સમૃદ્ધ, શાન્ત ને ઉન્મત્ત હોય...<br />
પુરુષ : લાગે છે કે બૉદલેરનાં કાવ્યો તમે વાંચો છો,<br />
‘યાત્રાનું નિમંત્રણ’ કાવ્ય વાંચી તમે રાચો છો;<br />
પણ તમે જાણો છો બૉદલેર આવું આવું ઘણું બધું કહેતા હતા,<br />
ને પછી જ્યાં હતા ત્યાંના ત્યાં જ – પૅરિસમાં જ – રહેતા હતા;<br />
તમે પણ જીવનભર ‘ચાલો દૂર દૂર...’ એવું એવું ઘણું બધું કહેશો,<br />
ને પછી આયુષ્યના અંત લગી જ્યાં છો ત્યાંના ત્યાં જ રહેશો.<br />
<br />
૨૦૦૭<br />
</poem><br><br />
{{HeaderNav2<br />
|previous = પ્રમાણિક-અપ્રમાણિક<br />
|next = આમ તમે જો ન આવો<br />
}}</div>Meghdhanu