https://wiki.ekatrafoundation.org/index.php?action=history&feed=atom&title=%E0%AA%AA%E0%AB%82%E0%AA%B0%E0%AB%8D%E0%AA%B5%E0%AA%BE%E0%AA%B2%E0%AA%BE%E0%AA%AA%2F%E0%AB%A7%E0%AB%AE._%E0%AA%85%E0%AA%A6%E0%AB%8D%E0%AA%B5%E0%AB%88%E0%AA%A4
પૂર્વાલાપ/૧૮. અદ્વૈત - Revision history
2026-05-13T10:16:43Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%AA%E0%AB%82%E0%AA%B0%E0%AB%8D%E0%AA%B5%E0%AA%BE%E0%AA%B2%E0%AA%BE%E0%AA%AA/%E0%AB%A7%E0%AB%AE._%E0%AA%85%E0%AA%A6%E0%AB%8D%E0%AA%B5%E0%AB%88%E0%AA%A4&diff=66996&oldid=prev
Meghdhanu: +1
2023-12-03T11:58:35Z
<p>+1</p>
<p><b>New page</b></p><div>{{SetTitle}}<br />
<br><br />
<center><big><big>૧૮. અદ્વૈત</big></big></center><br />
<br><br />
{{Block center|<poem><br />
એક જ અવર્ણ્ય સત્ત્વ વ્યાપ્ત સર્વ વિશ્વ વિશે,<br />
અવકાશ કાલથી અનંત જેવું ભાસે છે;<br />
જ્ઞાન, પ્રેમ, દયાથી વા દૃષ્ટિજાડય દૂર થતાં,<br />
ભિન્નત્વ પ્રતીતિ પણ સ્વલ્પ વારે નાસે છે;<br />
<br />
અભેદની સાથે ઐક્યાનુભવ પ્રસંગોપાત્ત<br />
અજ્ઞાત સ્વરૂપ છતાં સર્વ કોઈ પાસે છે;<br />
પ્રમા વિષે સંશય વા અવિશ્વાસ લાવી જેઓ<br />
તદ્રૂપ ન બને તેવા પછીથી વિમાસે છે!<br />
<br />
દૂરત્વને દૂર કરી એક જ જણાય તેમ,<br />
અનુરક્ત માતા બાલ હૃદય સમું ધરે :<br />
શરીર જ ભિન્ન, નહીં અંશ, એમ સૂચવવા,<br />
સખાઓ સખાઓ સાથ સ્નેહથી કોટી કરે;<br />
<br />
અનુગ્રહ વા તો અનુકંપાની અવસ્થા વિશે,<br />
મનુષ્ય અમાનુષને ઓળખે નહીં, ખરે!<br />
પ્રેમથી થઈને મસ્ત, એકત્વ જાણી, કરીને,<br />
યોગ્ય હૃષ્ટ, યુગ્મ રસસાગર વિશે તરે!<br />
<br />
નવોઢા સ્થિતિમાં જ્યારે અજ્ઞ મૌગ્ધ્ય હતું, ત્યારે<br />
એકત્વ વિશેની મારી પ્રાર્થના ન માનતી;<br />
જડ દૃષ્ટિને જ માત્ર અનુસરનારી બાલા<br />
તાત્પર્ય અભેદ તણું કશું નહીં જાણતી;<br />
<br />
પ્રાબલ્ય થકી કદાપિ મારા ચિત્તનો આભાસ<br />
પડે, ત્યારે જરા મારી ઇચ્છાને પ્રમાણતી ;<br />
ક્ષણ એક દેખે, તોયે મૃગજલ જેવું ગણી,<br />
એ જ સત્ય છે, એવું તો અંતર ન આણતી!<br />
<br />
અધિક ગહન અન્ય વસ્તુઓનો અનુભવ<br />
થતાં દૃષ્ટિ શુદ્ધતર ધીમેથી થતી ગઈ;<br />
પોતે તો નહીં જ, પણ જ્યારે હું બતાવું ત્યારે,<br />
“નહીં,” કહેવાની આગ્રહી મતિ જતી ગઈ;<br />
<br />
સત્ય પ્રમા વિશે પછી અપૂર્વ આનંદ જોઈ,<br />
પ્રથમ થવાની લજ્જા પણ તજતી ગઈ;<br />
એકત્વનો અનુભવ આપવા થવાને માટે<br />
નવાં નવાં સાધન રસાલ સજતી ગઈ!<br />
<br />
વખત જતાં તો નહિ ભાષાની રહી જરૂર,<br />
વૃત્તિઓ સમસ્ત ફક્ત આશ્લેષથી દાખવે,<br />
પ્રેમ, ઉપકાર, હર્ષ, લજ્જા, ભય, ઉત્કલિકા,<br />
સૂચિત કરે એ સર્વ અભિન્નત્વ રાખવે;<br />
<br />
અસામાન્ય. ખૂબીને બતાવે કોઈ કોઈ વાર,<br />
યોગ્યતાથી સ્વેચ્છા વિશે પરિચિત નાખવે;<br />
જવને શમાવી, જરા અધૈર્ય નમાવી, પૂર્ણ<br />
રસને જમાવીને સુધા સ્વર્ગીય ચાખવે!<br />
</poem>}}<br />
<br><br />
{{HeaderNav2<br />
|previous = ૧૭. માનસસર<br />
|next = ૧૯. અશ્રુને આવાહન<br />
}}</div>
Meghdhanu