https://wiki.ekatrafoundation.org/index.php?action=history&feed=atom&title=%E0%AA%AA%E0%AB%8D%E0%AA%B0%E0%AA%B5%E0%AA%BE%E0%AA%B2%E0%AA%A6%E0%AB%8D%E0%AA%B5%E0%AB%80%E0%AA%AA%2F%E0%AA%9A%E0%AA%B0%E0%AB%8D%E0%AA%9A%E0%AA%97%E0%AB%87%E0%AA%9F%E0%AA%A5%E0%AB%80_%E0%AA%B2%E0%AB%8B%E0%AA%95%E0%AA%B2%E0%AA%AE%E0%AA%BE%E0%AA%82
પ્રવાલદ્વીપ/ચર્ચગેટથી લોકલમાં - Revision history
2026-04-23T05:16:33Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%AA%E0%AB%8D%E0%AA%B0%E0%AA%B5%E0%AA%BE%E0%AA%B2%E0%AA%A6%E0%AB%8D%E0%AA%B5%E0%AB%80%E0%AA%AA/%E0%AA%9A%E0%AA%B0%E0%AB%8D%E0%AA%9A%E0%AA%97%E0%AB%87%E0%AA%9F%E0%AA%A5%E0%AB%80_%E0%AA%B2%E0%AB%8B%E0%AA%95%E0%AA%B2%E0%AA%AE%E0%AA%BE%E0%AA%82&diff=71545&oldid=prev
Meghdhanu: +1
2024-03-27T00:25:16Z
<p>+1</p>
<p><b>New page</b></p><div>{{SetTitle}}<br />
<center><big><big>'''ચર્ચગેટથી લોકલમાં'''</big></big></center><br />
<br />
<poem><br />
પ્લૅટફૉર્મ ચર્ચગેટ,<br />
હોય શું ન કોઈ બેટ;<br />
ચારકોર કાચકાંકરેટલોહનો સમુદ્ર,<br />
મધ્યમાં અતીવ ક્ષુદ્ર<br />
હોય શું ન કોઈ બેટ,<br />
પ્લૅટફૉર્મ ચર્ચગેટ.<br />
<br />
ના, તૂફાનનાં ન ચિહ્ન તો હતાં,<br />
ન ટાઇમ્સમાંય વાયુવર્તમાન ને છતાં<br />
અનેક જ્હાજકાફલા થયા અલોપ<br />
(કુદરતે કર્યો ન કોપ);<br />
આ વિશે ન શબ્દ એકબેય ઇવનિંગ ન્યૂઝમાં છપાય,<br />
રેડિયોબુલેટિનેય નહીં અપાય.<br />
ન બૂમ કે ન ચીસ,<br />
હા, બધા મુસાફરો સજીવ, હ્યાં તણાય;<br />
એકમાત્ર આપણો જ જીવ જાય જો બચી–<br />
બધા જ ચિંતવી રહ્યા જણાય;<br />
દૂર કોઈ લાઇફબોટ? એકમેકને દિયે છ ભીંસ,<br />
ભીડ શી મચી!<br />
<br />
Next Train અઢાર–સત્તરે,<br />
ઘડી વિશે કલાક ને મિનિટ બેઉ કાંટ છે સ્થિર,<br />
બધાં જ ચક્ષુ એમનાં સમાં, ઠરંત ત્યાં જ સત્વરે;<br />
ઘડી બીજી વિશે ફરંત કાંટ, ને થયા અઢાર–પંદર,<br />
બધાં જ ચર્ણ એમનાં સમાં, ચલંત તાલમાં;<br />
અહીં શું ભેદ બેઉ કાળ (વર્તમાન ને અનંત)નો છતો થતો ન દૃષ્ટિ, ચાલમાં?<br />
ઇન્ડિકેટરે લખ્યું છ : Next Train : વાંદરા–વિરાર;<br />
Stopping At All Stations, થોભશે જ વારવાર;<br />
કિંતુ આપણે ન થોભવું, ન શોચવું,<br />
ઘરે જ જેમતેમ પ્હોંચવું;<br />
વિરાર? વાંદરા?<br />
શું પ્હોંચવું ઘરે જ પાધરા?<br />
ઘરે? અરે, ઝગંત નેત્રમાંહી માત્ર ઝાંઝવાં :<br />
ઘરે નહીં, મરુસ્થલે,<br />
જહીં અનેક નીંદડૂબ બાળના નિસાસના<br />
ઘૂમંત ચંડવાત, નિત્ય દાઝવાં;<br />
જહીં અનેક નારની અતૃપ્ત વાસના<br />
સદાય તપ્ત વેળુ શી જલે.<br />
<br />
અચિંતવી જ ટ્રેન પૂરવેગમાં ધસે,<br />
વિલોલ લોલ ડોલતી, હિલોલતી,<br />
કિલોલ બોલ બોલતી,<br />
શું વેદની ઋચા ઉચારતી?<br />
અરણ્યગાયકો સમી ધરંત ધ્યાનમંત્ર ઓમ્?<br />
કે ભરંત ફાળ, દિગ્દિગંતમાં કરંત અટ્ટહાસ્ય, કાળ શી હસે?<br />
સમુદ્ર એક કોર, એક કોર કબ્રભોમ,<br />
બેઉનેય ડારતી<br />
(સ્વયં નહીં જીવંત કે નહીં મૃત);<br />
સમુદ્રના તરંગને ન એહનો લય દ્રુત;<br />
ન કબ્રને છ એહની વિશાળતા, ગતિ;<br />
મુસાફરો સમી જ મૃત્યુ-જિંદગી વચે પસાર થૈ જતી.<br />
મુસાફરો, અસંખ્ય આ મુસાફરો,<br />
શું ટ્રેનને ચડ્યો ન હોય આફરો!<br />
નટો સમાન વેશ શો કરે, ધરે મુખે સુરમ્ય મ્હોરું હાસ્યનું,<br />
રસાર્દ્ર, ભાવઊર્મિરંગરાગપૂર્ણ, હોય શું ન એ જ<br />
અસ્લ રૂપ આસ્યનું!<br />
જરીક નેત્ર નેત્રમાં ઢળે, જરી લળે,<br />
જરી હળેમળે, જરીક વાતમાં વળે —<br />
પરંતુ એક આંચકો, અને ક્ષણેકમાં જ ભ્રાંતિ નષ્ટ થાય;<br />
સ્તબ્ધ મૂઢ સર્વને મુખે અપાર શૂન્યતા,<br />
અગમ્ય ભાવિના ભયે ઉરે અકલ્પ્ય ન્યૂનતા,<br />
બધું જ સ્પષ્ટ થાય;<br />
નેત્ર ખૂલતાં...<br />
<br />
હું જોઉં : પ્લૅટફૉર્મ ગ્રાન્ટરોડ. ક્યાં સરી ગયો?<br />
અહીં હું? ક્યાં જવું હતું? હું વિસ્મરી ગયો!<br />
</poem><br><br />
{{HeaderNav2<br />
|previous = ફાઉન્ટનના બસસ્ટૉપ પર<br />
|next = હૉર્ન્બી રોડ<br />
}}</div>
Meghdhanu