https://wiki.ekatrafoundation.org/index.php?action=history&feed=atom&title=%E0%AA%AC%E0%AA%BE%E0%AA%AA%E0%AB%81%E0%AA%A8%E0%AA%BE%E0%AA%82_%E0%AA%AA%E0%AA%BE%E0%AA%B0%E0%AA%A3%E0%AA%BE%E0%AA%82%2F%E0%AA%9B%E0%AB%87%E0%AA%B2%E0%AB%8D%E0%AA%B2%E0%AB%8B_%E0%AA%95%E0%AA%9F%E0%AB%8B%E0%AA%B0%E0%AB%8B 2026-05-18T16:31:22Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AC%E0%AA%BE%E0%AA%AA%E0%AB%81%E0%AA%A8%E0%AA%BE%E0%AA%82_%E0%AA%AA%E0%AA%BE%E0%AA%B0%E0%AA%A3%E0%AA%BE%E0%AA%82/%E0%AA%9B%E0%AB%87%E0%AA%B2%E0%AB%8D%E0%AA%B2%E0%AB%8B_%E0%AA%95%E0%AA%9F%E0%AB%8B%E0%AA%B0%E0%AB%8B&diff=31190&oldid=prev 2022-01-29T05:21:11Z

<p>Created page with &quot;{{SetTitle}} {{Heading|છેલ્લો કટોરો|}} &lt;poem&gt; &lt;center&gt;[&#039;૩૧ ની ગોળમેજી પરિષદમાં જતી વેળા]&lt;/center&gt;...&quot;</p> <p><b>New page</b></p><div>{{SetTitle}}<br /> {{Heading|છેલ્લો કટોરો|}}<br /> <br /> &lt;poem&gt;<br /> &lt;center&gt;[&#039;૩૧ ની ગોળમેજી પરિષદમાં જતી વેળા]&lt;/center&gt;<br /> છેલ્લો કટોરો ઝેરનો આ પી જજો બાપુ! <br /> સાગર પીનારા! અંજલિ નવ ઢોળજો બાપુ!<br /> <br /> અણખૂટ વિશ્વાસે વહ્યું જીવન તમારું <br /> ધૂર્તો દગલબાજો થકી પડિયું પનારું: <br /> શત્રુ તણે ખોળે ઢળી સુખથી સુનારું પ<br /> <br /> આ આખરી ઓશીકડે શિર સોંપવું, બાપુ! <br /> કાપે ભલે ગર્દન, રિપુ–મન માપવું બાપુ! – છેલ્લો૦<br /> <br /> સુરઅસુરના આ નવયુગી ઉદધિ–વલોણે<br /> શી છે ગતાગમ રત્નના કામી જનોને!<br /> તું વિના શંભુ! કોણ પીશે ઝેર દોણે?<br /> <br /> હૈયાલગી ગળવા ગરલ ઝટ જાઓ રે બાપુ! ૧૦<br /> ઓ સૌમ્ય રૌદ્ર! કરાલ કોમલ! જાઓ રે બાપુ! – છેલ્લો૦ <br /> કહેશે જગત: જોગી તણા શું જોગ ખૂટ્યા? <br /> દરિયા ગયા શોષાઈ? શું ઘન–નીર ખૂટ્યાં? <br /> શું આભ સૂરજ–ચંદ્રમાનાં તેલ ખૂટ્યાં? ૧૫<br /> <br /> દેખી અમારાં દુ:ખ નવ અટકી જજો બાપુ! <br /> સહિયું ઘણું, સહિશું વધુ, નવ થડકજો બાપુ – છેલ્લો૦<br /> <br /> ચાબૂક, જસી, દંડ, ડંડા મારના, <br /> જીવતાં કબ્રસ્તાન કારાગારનાં, <br /> થોડા ઘણા છંટકાવ ગોળીબારના, ૨૦<br /> <br /> એ તે બધાં ય જરી ગયાં, કોઠે પડ્યાં બાપુ! <br /> ફલ સમાં અમ હૈડાં તમે લોઢે ઘડ્યાં, બાપુ – છેલ્લો૦<br /> <br /> શું થયું, ત્યાંથી ઢીંગલું લાવો ન લાવો, <br /> બોસા દઈશું ભલે ખાલી હાથ આવો! <br /> રોપશુ તારે કંઠ રસબસતી ભુજાઓ. ૨૫<br /> <br /> દુનિયા તણે મોંયે જરી જઈ આવજો બાપુ! <br /> હમદર્દીના સંદેશડા દઈ આવજો બાપુ! – છેલ્લો૦ <br /> જગ મારશે મેણાં: ન આવ્યો આત્મજ્ઞાની! <br /> ના’વ્યો ગુમાની પોલ પોતાની પિછાની! <br /> જગપ્રેમી જોયો! દાઝ દુનિયાની ન જાણી! ૩૦<br /> <br /> આજાર માનવ–જાત આકુલ થઈ રહી બાપુ! <br /> તારી તબીબી કાજ એ તલખી રહી, બાપુ! – છેલ્લો૦<br /> <br /> જા બાપ! માતા આખલાને નાથવાને, <br /> જા વિશ્વહત્યા ઉપરે જળ છાંટવાને, <br /> જા સાત સાગર પાર સેતુ બાંધવાને.<br /> <br /> ઘનઘોર વનની વાટને અજવાળતો બાપુ! <br /> વિકરાળ કેસરિયાળને પંપાળતો બાપુ! <br /> ચાલ્યો જજે! તુજ ભોમિયો ભગવાન છે બાપુ! <br /> છેલ્લો કટોરો ઝેરનો પી આવજે બાપુ! ૩૯<br /> &lt;/poem&gt;<br /> <br /> &lt;br&gt;<br /> {{HeaderNav2<br /> |previous = ૧ અંતરની આહ<br /> |next = માતા, તારો બેટડો આવે!<br /> }}</div>

MeghaBhavsar