https://wiki.ekatrafoundation.org/index.php?action=history&feed=atom&title=%E0%AA%AC%E0%AA%BE%E0%AA%AC%E0%AB%81_%E0%AA%B8%E0%AB%81%E0%AA%A5%E0%AA%BE%E0%AA%B0%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE%2F%E0%AA%86%E0%AA%9C%E0%AB%87_%E0%AA%95%E0%AA%BE%E0%AA%B3%E0%AB%80_%E0%AA%9A%E0%AB%8C%E0%AA%A6%E0%AA%B6 2026-05-20T10:46:12Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AC%E0%AA%BE%E0%AA%AC%E0%AB%81_%E0%AA%B8%E0%AB%81%E0%AA%A5%E0%AA%BE%E0%AA%B0%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE/%E0%AA%86%E0%AA%9C%E0%AB%87_%E0%AA%95%E0%AA%BE%E0%AA%B3%E0%AB%80_%E0%AA%9A%E0%AB%8C%E0%AA%A6%E0%AA%B6&diff=87088&oldid=prev 2025-04-14T03:06:45Z

<p>+1</p> <p><b>New page</b></p><div>{{SetTitle}}<br /> <br /> {{Heading|૯. આજે કાળી ચૌદશ}}<br /> <br /> {{Block center|&lt;poem&gt;<br /> આજે કાળી ચૌદશ<br /> આજે ફૂટેલા હાંડલામાં આખું વરસ ગાળ્યા પછી<br /> રૂપલી ડાકણ બહાર આવશે,<br /> એક મૂઠ મારીને એ સૂકવી નાખશે<br /> મહાસુખકાકાના વાડામાં આવેલા પીપળાને<br /> અને સીમ આખીના કૂવાનાં જળને<br /> સાપણોની પીઠ પર બેસાડીને<br /> ચારે દિશાએ દોડાવશે.<br /> આજે રૂપલી<br /> દિવેટમાં મગર ગૂંથીને<br /> દીવો કરશે<br /> અને એને અજવાળે<br /> અંધારાની કાયાને ચીરીને<br /> એમાં મીઠું મરચું ભરશે,<br /> ઝાડનાં પાંદડાને તળિયે<br /> વડવાગોળોની જેમ લટકી રહેલો અંધકાર<br /> આજે સાત સાત પેઢી બહાર આવેશ રૂપલીની સેવામાં.<br /> રૂપલી કહેશે તે એ<br /> સામે ચડીને રાંડશે<br /> અને રૂપલી કહેશે તો એ<br /> સાટવાની સાથે સાત ફેરા ફરશે.<br /> આજે રૂમાલ બારીયો પણ પાછો નહિ પડેઃ<br /> ઉંદરની પીઠ પર અંબાડી મૂકીને<br /> આજે એ બાબરિયા ભૂતનો મહેમાન બનશે,<br /> ખાંહારા ભૂતના વરઘોડામાં જશે<br /> અને ચૂડેલની પીઠમાં મશાલ સળગાવશે.<br /> વાલમો વંતરીની છાતી કાપીને વળગણીએ સૂકવશે<br /> અને એની જીભમાં અકાળે ડૂબી ગયેલા એના પૂર્વજોને<br /> એક પછી એક બહાર કાઢી <br /> મકાઈના દાણા પર બેસાડશે.<br /> આજે બાપા અને મોટાભાઈ પણ <br /> જોગણી અને વણઝારીને<br /> લુગડાં પહેરાવશે,<br /> એટલું જ નહિ<br /> કાકા નાળિયેરનાં પાણીમાં ડૂબી ગયેલા પાવાગઢને<br /> ટચલી આંગળીથી બહાર કાઢશે<br /> અને મોટો ભાઈ<br /> નવ ગજા પીરને કાન પકડાવીને ઊઠબેસ કરાવશે.<br /> આજે ગામ આખામાં દેવે ઘેર ઘેર ફરીને ચોખા મૂકશે<br /> અને ઉંબરા, ટોડલા, ખીંટી, મોભ, પાટડા, વળીઓને<br /> કીડીબાઈની જાનમાં જોડાવા આમંત્રણ આપશે.<br /> પણ આજે ફિલાડેલ્ફિયામાં કંઈ નહિ બને,<br /> શહેરમાં, પરાવિસ્તારમાં દસ પંદર ગોળીબારો થશે,<br /> બે પાંચ મરશે,<br /> દવાખાનાના ઇમર્જન્સી ઓરડાઓમાં દાક્તરો<br /> કેટલાક મનુષ્યોના જીવને<br /> એમના દેહમાં બાંધી રાખવાનો પ્રયત્ન કરશે,<br /> જેવું આખા અમેરિકામાં બનશે<br /> એવું મારા શહેરમાં પણ બનશે.<br /> વરસાદ નહિ હોય તો પણ<br /> ઈશ્વર પોતાનું મોં છૂપાવવા<br /> છત્રી લઈને શહેરના આ છેડેથી પેલા છેડે નીકળી જશે.<br /> {{right|(ઉથલો ત્રીજો)}}<br /> {{right|(‘ઘરઝુરાપો’માંથી)}}<br /> &lt;/poem&gt;}}<br /> &lt;br&gt;<br /> {{HeaderNav2<br /> |previous = આવું આ પહેલાં કદી બન્યું નથી<br /> |next = હું જોઉં છું<br /> }}</div>

Meghdhanu