MeghaBhavsar: Created page with "{{SetTitle}} {{Heading|પદ (૧૫)|દયારામ}} લોચનમનનો રે! કે ઝઘડો લોચનમનનો! રસિયા તે જ..."

2021-08-19T07:57:10Z

Created page with "{{SetTitle}} {{Heading|પદ (૧૫)|દયારામ}} <poem> લોચનમનનો રે! કે ઝઘડો લોચનમનનો! રસિયા તે જ..."

New page

{{SetTitle}}

{{Heading|પદ (૧૫)|દયારામ}}
<poem>
લોચનમનનો રે! કે ઝઘડો લોચનમનનો!
રસિયા તે જનનો રે! કે ઝઘડો લોચનમનનો!
પ્રીત પ્રથમ કોણે કરી નંદકુંવરની સાથે?
મને કહે, ‘લોચન! તેં કરી,’ લોચન કહે, ‘તારે હાથ.’{{space}} ઝઘડો

‘નટવર નિરખ્યા નેન! તેં, સુખ આવ્યું તુજ ભાગ;
પછી બંધાવ્યું મુજને, લગન લગાડી આગ!{{space}} ઝઘડો

સૂણ ચક્ષુ! હું પાંગળું, તું મારું વાહન;’
નિગમઅગમ કહ્યું સાંભળ્યું, દીઠા વિના ગયું મન.{{space}} ઝઘડો

‘ભલું કરાવ્યું મેં તને — સુંદરવરસંજોગ.
મને તજી તું નિત મળે, હું રહું દુ:ખવિજોગ!’{{space}} ઝઘડો

‘વનમાં વ્હાલાજી કને હુંય વસું છું નેન!
પણ તુંને નવ મેળવે, હું નવ ભોગવું ચેન!’{{space}} ઝઘડો

‘ચેન નથી મન! ક્યમ તને ભેટે શ્યામશરીર?
દુ:ખ મારું જાણે જગત, રાતદિવસ વહે નીર!’{{space}} ઝઘડો

મન કહે, ‘ધીખું ક્દે, ધુમ પ્રગટ ત્યાં હોય.
તે તુજને લાગે રે નેન! તેહથકી તું રોય.’{{space}} ઝઘડો
એ બેઉ આવ્યાં બુદ્ધિ કને, તેણે ચૂકવ્યો ન્યાય:
‘મન! લોચનનો પ્રાણ તું, લોચન! તું મનકાય.{{space}} ઝઘડો

સુખથી સુખ, દુ:ખ દુ:ખથી, મનલોચન! એ રીત.
દયાપ્રીતમ શ્રીકૃષ્ણશું બેઉ વડેથી પ્રીત.’{{space}} ઝઘડો
</poem>

મધ્યકાલીન ગુજરાતી કાવ્યસંપદા/દયારામ પદ (૧૫) - Revision history

MeghaBhavsar: Created page with "{{SetTitle}} {{Heading|પદ (૧૫)|દયારામ}} લોચનમનનો રે! કે ઝઘડો લોચનમનનો! રસિયા તે જ..."