MeghaBhavsar: Created page with "{{SetTitle}} {{Heading|પદ (૩૦)|દયારામ}} "ઓરો આવને સલૂણા હરિ! શ્યામળા જો, શીખ્યો આવ..."

2021-08-19T08:38:49Z

Created page with "{{SetTitle}} {{Heading|પદ (૩૦)|દયારામ}} <poem> "ઓરો આવને સલૂણા હરિ! શ્યામળા જો, શીખ્યો આવ..."

New page

{{SetTitle}}

{{Heading|પદ (૩૦)|દયારામ}}
<poem>
"ઓરો આવને સલૂણા હરિ! શ્યામળા જો,
શીખ્યો આવડી ક્યાં સ્નેહશાસ્રની કળા જો?{{space}} ઓરો.

મંત્ર મોહનીના રાખ્યા છાના નેણમાં જો,
વશીકરણવિદ્યા વસાવી છે વેણમાં જો.{{space}} ઓરો.

ભૂરકી નાંખવાની વિધિ ભ્રૂકુટીમાં ભરી જો,
તારી કટાક્ષકટારી પડે છે સોંસરી જો!{{space}} ઓરો.

મંદ હસવું તારું કામણટૂમણનું ભર્યું જો,
ચટકવાળી તારી ચાલે મારું મન હર્યું જો.{{space}} ઓરો.

જુલમી જાદુવાળું રૂપ રસિક તાહરું જો,
નીરખે શીતળ થાય અંગોઅંગ માહરું જો.{{space}} ઓરો.
મારો પ્રાણ તુંમાં પ્રોવાયો નિશદિન રહે જો,

મારા કાળજાડાનું દર્દ તું કાંઈ નવ લહે જો.{{space}} ઓરો.

મારા સમ જો તુંને દેખું ત્યારે જીવતી જો,
તારે વિજોગે ભાન ના મુને રહે રતિ જો.{{space}} ઓરો.

એથી અધિક તુંને હવે તે હું શું કહું જો?
મારું ચાલે તો હું મંદિરમાં રાખી રહું જો.{{space}} ઓરો.

અબળા આતુર બોલે રાખી રસરીતને જો,
ચતુર હોય તે તો પળમાં પરખે પ્રીતનેજો.{{space}} ઓરો.

પ્રીત વાધે ત્યારે પલટે પા ઘડી જો,
તું કહે તો પ્રાણ પલટીએ આપણ આ ઘડી જો.{{space}} ઓરો.

આપણા સમાણાં તે સંદેહ ના’વે કોઈને જો,
ચાલતા લગી તો ડગલું ભરીએ જોઈને જો.{{space}} ઓરો.

તું થા મારો પ્રીતમ, હું થઈ તાહરી જો,
વ્હાલા! વાત એ થવા ન દેશો જાહરી જો.{{space}} ઓરો.

અભિલાખ એવો ઊપનો છે મુજને જો,
નવલ જોબન આ લે અરપ્યું મેં તો તુજને જો."{{space}} ઓરો.

—રસિક વચન સૂણી પ્રગટ્યો પ્રેમ નાથમાં જો,
નેત્ર નચવી હસી તાળી દીધી હાથમાં જો. {{space}} ઓરો.

"હું પણ તું માટે તલખું છું સદા સુંદરી! જો,
તું તો પ્રાણપ્યારી, ચિંતા મારી તેં હરી જો."{{space}} ઓરો.
પરસ્પર બંનો આતુર મળ્યાં હરખ્યાં ઘણાં જો,
જાુગલરૂપમાં લે દાસદયો ભામણાં જો.{{space}} ઓરો.
</poem>

મધ્યકાલીન ગુજરાતી કાવ્યસંપદા/દયારામ પદ (૩૦) - Revision history

MeghaBhavsar: Created page with "{{SetTitle}} {{Heading|પદ (૩૦)|દયારામ}} "ઓરો આવને સલૂણા હરિ! શ્યામળા જો, શીખ્યો આવ..."