MeghaBhavsar: Created page with "{{SetTitle}} {{Heading|પદ (૩૧)|દયારામ}} આવોને અલબેલા! મારે આંગણે, નવ દીઠે મુને થા..."

2021-08-19T08:40:38Z

Created page with "{{SetTitle}} {{Heading|પદ (૩૧)|દયારામ}} <poem> આવોને અલબેલા! મારે આંગણે, નવ દીઠે મુને થા..."

New page

{{SetTitle}}

{{Heading|પદ (૩૧)|દયારામ}}
<poem>
આવોને અલબેલા! મારે આંગણે,
નવ દીઠે મુને થાય ઘણો સંતાપ જો,
મોહનજી! મ્હેલ્લામાં નિશ્ચે આવજો,
હૈડા મધ્યે જુઓ વિચારી આપ જો.{{space}} આવોને.

રાસ રમંતાં બોલ્યા તે તો પાતળિએ,
શીદને જૂઠું આપ્યું મુને વચન જો?
વચન આપેલું વેચી આવા કેમ થયા?
પ્રથમ જાણ્યે સોંપત નહીં તનમન જો.{{space}} આવોને.

પ્રીતલડી કીધી તો તે હવે પાળીએ,
વચન બોલ્યા તે મિથ્યા કાંઈ નવ જાય જો.
સમઝાવી શીખામણ દેઉં શ્યામળા!
વાયદા દઈને શીદ અમને તું વ્હાય જો?{{space}} આવોને.

કામણગારા! કહ્યાં અમારાં માનીએ,
કહ્યા વિના તો મુજથી નવ રહેવાય જો.
મનમાં અકળાઉં પણ જાતે છું માનવી,
શ્રીવિઠ્ઠલવર! કરજો મારી સા’ય જો.{{space}} આવોને.

આજ એકાંતે આપણા મળીએ આ સ્થળે,
રસ્તે દુરિજન દેખી કરશે વાત જો.
દયાપ્રીતમના સ્વામી! શરણે રાખજો,
તરછોડીને શીદ કરો છો ઘાત જો?{{space}} આવોને.
</poem>

મધ્યકાલીન ગુજરાતી કાવ્યસંપદા/દયારામ પદ (૩૧) - Revision history

MeghaBhavsar: Created page with "{{SetTitle}} {{Heading|પદ (૩૧)|દયારામ}} આવોને અલબેલા! મારે આંગણે, નવ દીઠે મુને થા..."