https://wiki.ekatrafoundation.org/index.php?action=history&feed=atom&title=%E0%AA%AE%E0%AA%A7%E0%AB%8D%E0%AA%AF%E0%AA%95%E0%AA%BE%E0%AA%B2%E0%AB%80%E0%AA%A8_%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AA%B8%E0%AA%82%E0%AA%AA%E0%AA%A6%E0%AA%BE%2F%E0%AB%A7%E0%AB%A7%E0%AB%AE.%E0%AA%95%E0%AB%83%E0%AA%B7%E0%AB%8D%E0%AA%A3%E0%AA%BE%E0%AA%AC%E0%AA%BE%E0%AA%88 2026-05-22T07:03:41Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AE%E0%AA%A7%E0%AB%8D%E0%AA%AF%E0%AA%95%E0%AA%BE%E0%AA%B2%E0%AB%80%E0%AA%A8_%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AA%B8%E0%AA%82%E0%AA%AA%E0%AA%A6%E0%AA%BE/%E0%AB%A7%E0%AB%A7%E0%AB%AE.%E0%AA%95%E0%AB%83%E0%AA%B7%E0%AB%8D%E0%AA%A3%E0%AA%BE%E0%AA%AC%E0%AA%BE%E0%AA%88&diff=13890&oldid=prev 2021-08-20T09:33:19Z

<p>Created page with &quot;{{SetTitle}} {{Heading|૧૧૮.કૃષ્ણાબાઈ|}} &lt;poem&gt; કૃષ્ણાબાઈ આ નાગર કવયિત્રીએ કેટલાંક પદ...&quot;</p> <p><b>New page</b></p><div>{{SetTitle}}<br /> <br /> {{Heading|૧૧૮.કૃષ્ણાબાઈ|}}<br /> &lt;poem&gt;<br /> કૃષ્ણાબાઈ <br /> આ નાગર કવયિત્રીએ કેટલાંક પદોની તથા ‘સીતાજીની કાંચળી’ નામની કૃતિઓ રચી છે.<br /> <br /> ‘સીતાજીની કાંચળી’ -માંથી<br /> <br /> (રામ-સીતા સંવાદ)<br /> :::: શ્રી રામજી કેરે ચરણે નમીને, સીતા કાંચળી પ્રીતે રે;<br /> :::: શ્રી રામ લક્ષ્મણનું વંદન કરીને, ગાઉં છું નૌતમ<br /> :::::: હો રમતાં રઢ લાગી રાણીને.<br /> <br /> :::: દશરથસુતે આજ્ઞા પાળી, ઘર તજી ચાલ્યા વંન રે;<br /> :::: લક્ષ્મણ બંધવ જોડે લીધો, સ્નેહ ગાવું ધંન ધંન. હો રમતાં૦<br /> <br /> :::: પંચવટીમાં નિવાસ કરીને, આનંદ બહુ ઉપજાવે રે;<br /> :::: દિન પ્રત્યે ચોપટ બહુ ખેલે, જાનકીને મન ભાવે. હો રમતાં૦<br /> <br /> :::: પર્ણકુટીમાં સરોવર પાસે, જ્યાં ખેલે સીતારામ રે;<br /> :::: કનકતણો કરંગ દીઠો એક, આવ્યો તેણે ઠામ. હો રમતાં૦<br /> <br /> :::: સોનાનાં શીંગ ને ત્વચા કનકની, નાભિયે કસ્તુરી બેહેકે રે;<br /> :::: ડમરો ચરતાં દીઠો જાનકીએ, નાચે નૌતમ લેહેકે. હો રમતાં૦<br /> <br /> :::: સીતા—તે દેખિ સીતાને રઢ લાગી, રામ, એ મૃગ મારી લાવો રે;<br /> :::: આપણે જ્યારે અજોધ્યા જઈશું, કાંચલડી શિવડાવો. હો રમતાં૦<br /> રામ—સરોવર-તીરે મૃગલો ઊભો, દીસંતો ઘણો રુડો રે;<br /> :::: ઘેલી સીતા, ઘેલું શું બોલો, મૃગ છે હૈયાનો કૂડો; હો રમતાં૦<br /> <br /> :::: બ્રહ્માએ જ્યારે સૃષ્ટિ રચી ત્યારે, સોનાનો નથી નિપજાવ્યો રે;<br /> :::: નથી દીઠો નથી શ્રવણે સાંભળ્યો, કોઈક કારમો આવ્યો. હો રમતાં૦<br /> <br /> ::::સીતા—પ્રત્યક્ષ પારખું મારા પિયુજી, સાચો હશે તો સહાશે રે;<br /> :::: કૂટ-કપટથી આવ્યો હશે તો, હમણાં ફીટી જાશે.{{space}} હો રમતાં૦<br /> <br /> ::::રામ—સાચો હોય તેને ક્યમ હણીએ, ક્યાં ગયું તમારું જ્ઞાન રે;<br /> :::: પોતાના સ્વારથને માટે, લ્યો છો પશુના પ્રાણ.{{space}} હો રમતાં૦<br /> <br /> ::::સીતા—સીતા કહે સાંભળો રઘુનંદન, વિદ્યા તમારી કાચી રે;<br /> :::: ઉજાતો મારી લાવો મૃગને, તો જાણું વિદ્યા સાચી.{{space}} હો રમતાં૦<br /> <br /> ::::રામ—બીજાં વિદ્યાનાં કામ ઘણાં છે, શાખા પત્ર ફળ ફૂલ રે;<br /> :::: પોતાનો સ્વારથ સરતો હોય તો, પાપ ન કરિયે મૂળ.{{space}} હો રમતાં૦<br /> <br /> ::::સીતા—સીતા કહે એક મૃગને હણતાં, શાનું બેસે કર્મ રે;<br /> :::: મહારાજાને મૃગયા રમવી, ખરો ક્ષત્રીનો ધર્મ.{{space}} હો રમતાં૦<br /> <br /> ::::રામ—મૃગયા માટે અમે નથી આવ્યા, અમને શાની આશ રે,<br /> :::: જ્યાં જેવે આશ્રમે રહેવું, ત્યાં તેવો અભ્યાસ.{{space}} હો રમતાં૦<br /> <br /> ::::સીતા—સાધુપણાં જ્યારે એવાં આદર્યાં, ધનુષબાણ શાને ઝાલો રે;<br /> :::: સાધુ થઈને રહો એકાંતે, ધર્મ પોતાનો પાળો.{{space}} હો રમતાં૦<br /> રામ—રામ કહે એ રાજપુત્રને, લખિયાં છે એંધાણ રે;<br /> :::: કદાપિ કોઈ બળિયો દુ:ખ દે તો, તેના લેવા પ્રાણ.{{space}} હો રમતાં૦<br /> <br /> સીતા—શૂર્પનખા ભગિની રાવણની, તેનો શો હતો વાંક રે;<br /> :::: વણ-અપરાધે તે અબળાનાં, છેદ્યાં કર્ણ ને નાક.{{space}} હો રમતાં૦<br /> <br /> રામ—શૂર્પનખા કહે મુજને પરણો, તે મારે મન નવ ભાવે ર;<br /> :::: એક થકી અમે વાજ આવ્યા તો, બીજીને કોણ લાવે?{{space}} હો રમતાં૦<br /> <br /> સીતા—સંસારમાં જ્યારે રહેવું કંથજી, કાયર થયે ક્યમ ચાલે રે;<br /> :::: સંસારનો લા’વો મારા કંથજી, નારી માગે તે આલે.{{space}} હો રમતાં૦<br /> <br /> રામ—ઘેર બેઠાં માગો તે આલું, કાયર ન થાઉં ક્યમ રે;<br /> :::: વનમાં આવીને લેવાં રૂસણાં, નહીં સતીનો ધર્મ.{{space}} હો રમતાં૦<br /> <br /> સીતા—એવો કમખો મેં નથી પેર્યો, કોટિ ઉપાયે કંથ રે;<br /> :::: જાત ભલી ને ભાત અનોપમ, ઉજ્જવલ અંગ અનંત.{{space}} હો રમતાં૦<br /> <br /> રામ—એથી રૂડો કમખો શીવડાવું, સોનાના તાર નંખાવું રે;<br /> :::: વારૂ ફૂલ ઉપર વેલ ફરતી, વચ્ચે મોતી ટંકાવું.{{space}} હો રમતાં૦ <br /> <br /> સીતા—નિપજાવી જે વસ્તુ નીપજે, તેમાં તે શી વડાઈ રે;<br /> :::: અણનિપજી ને અમૂલખ જેની, જગમાં દિશે જુગતાઈ.{{space}} હો રમતાં૦<br /> <br /> રામ—એવા સ્વાદ હતા જ્યારે તમને, શીદ આવ્યાં છો સાથે રે;<br /> :::: ઘેર બેઠાં નવ રહીએ રે ઘેલી, ઓઢત પહેરત ખાતે.{{space}} હો રમતાં૦<br /> સીતા—પતિવ્રત મારું વ્રત પાળવું, પ્રિય વિના કેમ રહેવાય રે;<br /> :::: એક ઘડી નવ દેખું તો, બ્રહ્માંડ વહીને જાય.{{space}} હો રમતાં૦<br /> <br /> રામ—પતિવ્રતા જે હોય પ્રેમદા, પિયુનું માને વચંન રે;<br /> :::: મુખે ન માગે હૈયામાં દાઝે, ધીરજ રાખે મંન.{{space}} હો રમતાં૦<br /> <br /> સીતા—દેખ્યા પાખે શાનું દાઝે, નજર પડે મોહ લાગ્યો રે;<br /> :::: થોડું કામ ને આળસ કરવું, હજી નથી ગયો આઘો.{{space}} હો રમતાં૦<br /> <br /> રામ—અવસર કાંઈ ઓળખતી નથી, જેવો વેષ તેવું રમવું. રે;<br /> :::: આપણે રાજ્યની સિદ્ધિ તજીને, આજે વનમાં ભમવું.{{space}} હો રમતાં૦<br /> <br /> સીતા—દુ:ખના દિવસ કાલે વહી જશે, વહાણે પામશો રાજ્ય રે;<br /> :::: સવેળાનું સંઘર્યું હોય તો, અવસરે આવે કાજ.{{space}} હો રમતાં૦<br /> <br /> રામ—રાજ્ય બેસીશું ત્યારે મળશે, જેવી જોઈએ તેવી જાત રે;<br /> :::: ચૌદ વરસમાં ભમવું તો, રાત આડી શી વાત.{{space}} હો રમતાં૦<br /> <br /> સીતા—સીતા કહે, શા માટે ન માગું, તમ સરખો પિયુ જ્યારે રે;<br /> :::: લક્ષ્મણ સરખા દિયરજી મારે, લાડ કરું પછી ક્યારે?{{space}} હો રમતાં૦<br /> <br /> રામ—રામ કહે, તને એં શી લલુતા, અબળાનો અવતાર રે;<br /> :::: વનમાં રહીને જે લોભ કરવો, ન હોય એ ધર્મ લાગર.{{space}} હો રમતાં૦<br /> <br /> સીતા—સીતા કહે, સાંભળો મારા પિયુજી, ઝાઝું કહે શું થાય રે;<br /> :::: જે સ્રીને નહિ માન પિયુનું, તે વાયે લીધી જાય.{{space}} હો રમતાં૦<br /> <br /> રામ—રામ કહે, તું વહાલી ન હોય તો, શિવનું ધનુષ શાને ભાંજું રે;<br /> :::: ફરશુરામ સાથે જુધ કરીને, અયોધ્યામાં ગાજું.{{space}} હો રમતાં૦<br /> <br /> સીતા—મનસા વાચાએ વહાલી હઊં તો, કહ્યું કરો મુજ કંથ રે;<br /> :::: ઘડી અબઘડી જો વિલંભ કરશો તો, પ્રાણનો આણિશ અંત. હો રમતાં૦<br /> <br /> રામ—રામ કહે, હૈયે નવ હારો, આટલો દા રમી જઈશ રે;<br /> :::: તમને જ્યારે તેડી લાવ્યો, જે કહેશો તે સહીશ.{{space}} હો રમતાં૦<br /> <br /> સીતા—એ સોગઠડે હવે કાલે રમાશે, હું નહિ ઢાલું પાસા રે;<br /> :::: ઘડી અધઘડીનો વિલંબ કરશો તો, કાંઈક જોશો તમાસા.{{space}}હો રમતાં૦<br /> <br /> :::: પાસા પછાડીને ધરણીધર ઊઠ્યા, ભાઈને ભળાવી નારી રે;<br /> :::: ‘લક્ષ્મણ બાપ, તું મઢીએ રે’જે, મૃગને લાવું મારી’.{{space}} હો રમતાં૦<br /> &lt;/poem&gt;</div>

MeghaBhavsar