https://wiki.ekatrafoundation.org/index.php?action=history&feed=atom&title=%E0%AA%AE%E0%AA%A7%E0%AB%8D%E0%AA%AF%E0%AA%95%E0%AA%BE%E0%AA%B2%E0%AB%80%E0%AA%A8_%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AA%B8%E0%AA%82%E0%AA%AA%E0%AA%A6%E0%AA%BE%2F%E0%AB%AB%E0%AB%AE.%E0%AA%B0%E0%AA%A3%E0%AA%9B%E0%AB%8B%E0%AA%A1 2026-05-18T06:58:49Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AE%E0%AA%A7%E0%AB%8D%E0%AA%AF%E0%AA%95%E0%AA%BE%E0%AA%B2%E0%AB%80%E0%AA%A8_%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AA%B8%E0%AA%82%E0%AA%AA%E0%AA%A6%E0%AA%BE/%E0%AB%AB%E0%AB%AE.%E0%AA%B0%E0%AA%A3%E0%AA%9B%E0%AB%8B%E0%AA%A1&diff=13447&oldid=prev 2021-08-16T05:41:21Z

<p>Created page with &quot;{{SetTitle}} {{Heading|૫૮.રણછોડ|}} &lt;poem&gt; રણછોડ (૧૮મી સદી પૂર્વાર્ધ): મુખ્યત્વે વૈરાગ્...&quot;</p> <p><b>New page</b></p><div>{{SetTitle}}<br /> <br /> {{Heading|૫૮.રણછોડ|}}<br /> &lt;poem&gt;<br /> રણછોડ (૧૮મી સદી પૂર્વાર્ધ):<br /> મુખ્યત્વે વૈરાગ્યબોધ અને જ્ઞાનબોધનાં પદો રચનાર આ કવિએ વિવિધ રાગઢાળ પ્રયોજ્યા છે. એમનાં પદોમાં સરળતા તથા ઉદ્બોધન-શૈલી નોંધપાત્ર છે. કેટલાંક પદોમાં કૃષ્ણભક્તિનું આલેખન પણ જોવા મળે છે. મધ્યકાળમાં રણછોડ નામે એકથી વધારે કવિઓ મળે છે.<br /> <br /> &#039;&#039;&#039;૩ પદો&#039;&#039;&#039;<br /> <br /> ૧.<br /> દિલમાં દીવો કરો રે...<br /> દિલમાં દીવો કરો રે,<br /> ::: દિલમાં દીવો કરો.<br /> કૂડા કામ ક્રોધને પરહરો રે,<br /> ::: દિલમાં દીવો કરો રે. દિલમાં<br /> દયા-દિવેલ પ્રેમ-પરણાયું લાવો,<br /> ::: માંહી સુરતાની દિવેટ બનાવો;<br /> મહીં બ્રહ્મ અગ્નિ ચેતાવો રે,<br /> ::: દિલમાં દીવો કરો રે. દિલમાં<br /> સાચા દિલનો દીવો જ્યારે થાશે,<br /> ::: ત્યારે અંધારું સૌ મટી જાશે;<br /> પછી બ્રહ્મલોક તો ઓળખાશે રે,<br /> ::: દિલમાં દીવો કરો રે. દિલમાં<br /> દીવો અણભે પ્રગટે એવો,<br /> ::: તનનાં ટાળે તિમિરના જેવો;<br /> એને નયણે તો નરખીને લેવો રે,<br /> ::: દિલમાં દીવો કરો રે. દિલમાં<br /> દાસ રણછોડે ઘર સંભાળ્યું,<br /> ::: જડી કૂંચી ને ઊઘડ્યું તાળું;<br /> થયું ભોમંડળમાં અજવાળું રે,<br /> ::: દિલમાં દીવો કરો રે. દિલમાં<br /> <br /> <br /> <br /> ૨<br /> પ્રીતલડી બંધાણી<br /> શામળિયાજી સ્નેહી તારી, પ્રીતલડી બંધાણી વાલા;<br /> વેણા ઉપર હું જાઉં વારી, મીઠી સુખની વાણી વાલ.{{space}} ૧<br /> <br /> નેણાંકેરો ચાળો કાંઈ, કામણ કરે છે વાલા;<br /> ભૃકુટી કમાને બાણે, પ્રાણને લહે છે વાલા.{{space}} ૨<br /> <br /> દીનબંધુ દેવકીનો જોયો, રૂપતણી છે ખાણ વાલા;<br /> તન મન ધન મારું, તે તો તારું જાણ વાલા.{{space}} ૩<br /> <br /> અલકની ઝલકમાં, પલક નવ ઠરે વાલા;<br /> મનડું અધીર મારું, ધીરજ નવ ધરે વાલા;{{space}} ૪<br /> <br /> આંગલું તો અંગ શોભે, રંગનું રસીલું વાલા;<br /> અધર મધુર મોહન, મુખડું હસીલું વાલા.{{space}} ૫<br /> <br /> નાસિકામાં નિર્મળ મોતી, જોતી મોતી જોત વાલા;<br /> કેસરની તો આડો કીધી, શોભે ટપકી સોત વાલા.{{space}} ૬<br /> <br /> આંખલડીમાં અમી ઝરે છે, પ્રેમનો નહિ પાર વાલા;<br /> શશી સૂરજ ઝાંખા પડિયા, તેજનો અંબાર વાલા.{{space}} ૭<br /> <br /> કાને કુંડળ ઝળહળે, શોભામાં શોભાળ વાલા;<br /> હારના શણગાર મધ્યે, મોતિયોની માળ વાલા.{{space}} ૮<br /> <br /> જરકસીની પાગ માથે, કલગીનો તોરો વાલા;<br /> કોટમાં કૌસ્તુભમણિ છે, સોઈયે સોના દોરો વાલા{{space}} ૯<br /> <br /> કટિમેખળા કર કંકણી, રૂડી રીતે રાજે વાલા;<br /> નેપૂરને નૌતમ પાએ, ઘૂઘરીમાંએ ગાજે વાલા.{{space}} ૧૦<br /> <br /> અણવટ વિછુઆનો છેલ, બનિયો છંદ વાલા;<br /> મુદ્રા પોંચી કલ્લૈયો ને, બાંધે બાજુબંધ વાલા.{{space}} ૧૧<br /> <br /> ઝીણી ને પછોડી ખંભે, જરકસીનો જામો વાલા;<br /> સુંથણીની શોભા જોઉં, રહે મોહન મુજ સામો વાલા.{{space}} ૧૨<br /> <br /> નખ શિખ સુધી રૂપ, નિરખીને તારું વાલા;<br /> અંગમાં ઉમંગ ચઢ્યો, મોહ્યું મનડું મારું વાલા.{{space}} ૧૩<br /> <br /> બેઉ હતાં તે એક થયાં, અંતર નવ રહ્યો વાલા;<br /> મહા રસ રણછોડે, કેમ જાય કહ્યો વાલા.{{space}} ૧૪<br /> <br /> ૩.<br /> લીલા રાસવિલાસની<br /> પાછાં શ્રી યમુના ત્રઠ આવ્યાં, ગોપી સુંદરશ્યામ જી;<br /> ત્રઠની વેલુ સુંદર શોભે, જોતાં અતિ અભિરામ.{{space}} શ્રી હરિ<br /> <br /> શીતલ સુરભ મંદ મારુત, ત્રિવિધ અતિ સુખકંદ જી;<br /> પદ્મ પરાગ પરસીને આવે, ઉપજે અતિ આનંદ.{{space}} શ્રી હરિ<br /> <br /> કર પ્રસારણ કરે કો સાથે, કોશું આલિંગન દેતા જી;<br /> કોહોના કર ગ્રહીને કોહોના, કેશપાસ ગ્રહી લેતા.{{space}} શ્રી હરિ<br /> <br /> અંગોઅંગ અડી કોહોને, કેહને દે નખ દંત જી;<br /> લીલા રાસ વિલાસની રમતાં, ગોપી શ્રી ભગવંત.{{space}} શ્રી હરિ<br /> <br /> કામ અધિક ઉપજાવ્યો હરિયે, હરિથી પામી માન જી;<br /> નિજ આત્માને ધન્ય જ માન્યો, રૂપનું થયું અભિમાન.{{space}} શ્રી હરિ<br /> <br /> હરિએ હૈયાની તતક્ષણ જાણી, જે દ્રાષ્ટા પુરુષપુરાણ જી;<br /> ગર્વ ટાળવા રણછોડના, પ્રભુ થયા અંતરધ્યાન.{{space}} શ્રી હરિ<br /> &lt;/poem&gt;</div>

MeghaBhavsar