MeghaBhavsar: Created page with "{{SetTitle}} {{Heading|વણઝારાને નિવૃત્તિનો બોધ|પ્રેમાનંદ}} (૭) વણઝારાને નિવૃત..."

2021-08-14T09:18:28Z

Created page with "{{SetTitle}} {{Heading|વણઝારાને નિવૃત્તિનો બોધ|પ્રેમાનંદ}} <poem> (૭) વણઝારાને નિવૃત..."

New page

{{SetTitle}}

{{Heading|વણઝારાને નિવૃત્તિનો બોધ|પ્રેમાનંદ}}
<poem>
(૭) વણઝારાને નિવૃત્તિનો બોધ
::: નાયક કહે, ‘સુણ સુંદરી વણઝારી રે;
::: મેં નહિ માની તારી શીખ, સતી સુખકારી રે.
વ્હાલી થઈ પ્રવૃત્તિ પાપણી, વણ, ભૂંડી રાંડે મગાવી ભીખ,{{space}} સતી

દુ:ખ વેળા નાશી ગઈ, વણ, મને પાણી કોઈ નવ પાય,{{space}} સતી

મુકાવ મુજને સુંદરી, વણ હું રહીશ તારી આજ્ઞાય.’ {{space}} સતી

:::: નિવૃત્તિ કહે: ‘પિયુ સાંભળો, વણઝારા રે;
:::: ઘણા ડાહ્યા છો ભરથાર, સ્વામીજી મારા રે.

ઘણે ઠામથી મુકાવિયા, વણ લેખે લાખ ચોરાશી વાર,{{space}} સ્વામીજી

ધર્મ કને તેડી ગઈ, વણ ત્યાં કીધો કોલકરાર,{{space}} સ્વામીજી

ધર્મ લેણું કરી લાવજો વણ, જઈ રૂડો કરજો વેપાર.{{space}} સ્વામીજી

ફરી સંસારમાં અવતર્યો, વણઝારા રે,
મળ્યા સદ્ગુરુ એક દલાલ, સમજ મન મારા રે.
રામનામ-વસાણું વોહોરિયું, વણ લાભ આવ્યો વસ્તુ રસાળ,{{space}} સમજ

વિવેક વાણોતર થયા, વણ તત્ત્વવિચાર ત્રાજવાં સાથ,{{space}} સમજ

ધર્મ કર્મ બેઉ કાટલાં, વણ ક્ષમા-દાંડી ઝાલી હાથ.{{space}} સમજ

નાયક વહોરે વસ્તુને, વણ જે જે નિવૃત્તિ કહેતી જાય,{{space}} સમજ

નિર્ગુણ ગોળ લીધો ઘણો વણ, ગુણ સત્ય મરમ કહેવાય.{{space}} સમજ

સદ્વિદ્યા સાકર વહોરે ઘણી, વણ, વહોર્યાં જાયફળ જોગાભ્યાસ,{{space}} સમજ

શ્રીફળ નામ શ્રીરામનું વણ, મળ્યા ગાંધી હરિના દાસ.{{space}} સમજ

બ્રહ્મવિદ્યા ખાંડ વહોરી, વણ, શુભ લક્ષણ વહોર્યાં લવિંગ,{{space}} સમજ

ચતુરાઈ’ ચંદન વહોરિયું, વણ, વહોર્યો કરુણા કેસર રંગ.{{space}} સમજ

જ્ઞાનઘૃત કૂપે ભર્યું વણ, સિદ્ધાતા તે દધિ નિર્દોષ,{{space}} સમજ

પ્રીત પટોળી વહોરી ઘણી, વણ, લીધા સાળુ શીલ-સંતોષ.{{space}} સમજ

વિશ્રામ પીતાંબર વહોરિયાં, વણ વહોરી દયા દધી દિરયાઈ,{{space}} સમજ

લખતો જાય ચિત્ત ચોપડે વણ, લેખણ સુધિબુધિ રૂશનાઈ.{{space}} સમજ

નવદ્યાભક્તિ મણિ વહોરિયા. વણ, વળી મુક્તિ મુક્તામાળ,{{space}} સમજ

શ્રીહરિ-હીરો હાથે ચઢ્યો, વણ, થયું ઘરમાં ઝાકઝમાળ,{{space}} સમજ

સદ્ગુણે ગૂણ્ય શીવી ભરી, વણ, કરે વસ્તુનું દેવ વખાણ,{{space}} સમજ

મોહ મેહેવાસી મારીયો, વણ, હવે કોય ન માગે દાણ.{{space}} સમજ

નાદ-બિંદુ બેઉ બળદિયા, વણ, વાજે નગારૂં ઓંકાર,{{space}} સમજ

જ્ઞાનઘોડે નાયક ચઢ્યો, વણ, જીતી ચાલ્યો સર્વ સંસાર.{{space}} સમજ

જમરાયને લેખું આપિયું, વણ, ચિત્ર વિચિત્રે જોડ્યા હાથ,{{space}} સમજ

સનમાન આસન આપિયું, વણ, ચિત્ર વિચિત્રે જોડ્યા હાથ,{{space}} સમજ

ન્યાલ થયો શુભ માલમાં, વણ, ગયો મૂળ પોતાને ગામ,{{space}} સમજ

ફરી ભવમાં ભટક્યો નહિ, વણ, થયો શુદ્ધ તે આત્મારામ.{{space}} સમજ

પ્રવૃત્તિને જે કોઈ પરહરે, વણ, કરે નિવૃત્તિ અંગીકાર,{{space}} સમજ

એ મુક્તિ-ફળ પામે સહી, વણ નવ દેખે દુ:ખ લગાર,{{space}} સમજ

ગુજરાત દેશ સોહામણો, વણ, વીરક્ષેત્ર વડોદરું ગામ,{{space}} સમજ

વિપ્ર ચતુર્વંશી નાતમાં, વણ, કૃષ્ણપુત્ર પ્રેમાનંદ દાસ,{{space}} સમજ

વિવેક-વણઝારો તે આતમા, વણ, આ છે અધ્યાત્મનો ઉપદેશ,{{space}} સમજ

‘વણઝારો’ ગાય ને સાંભળે વણ, ટળે જન્મ-મરણનો ક્લેશ,{{space}} સમજ

જે કોઈ પ્રભુને અનુભવે, વણ, થાય મનવાંચ્છિત ફળ કામ.{{space}} સમજ

શ્રોતા સજ્જન સાંભળી, વણ તમે સમરો સર્વ શ્રી રામ,{{space}} સમજ
</poem>

મધ્યકાલીન ગુજરાતી કાવ્યસંપદા /વણઝારાને નિવૃત્તિનો બોધ - Revision history

MeghaBhavsar: Created page with "{{SetTitle}} {{Heading|વણઝારાને નિવૃત્તિનો બોધ|પ્રેમાનંદ}} (૭) વણઝારાને નિવૃત..."