https://wiki.ekatrafoundation.org/index.php?action=history&feed=atom&title=%E0%AA%AE%E0%AA%A8%E0%AB%80%E0%AA%B7%E0%AA%BE_%E0%AA%9C%E0%AB%8B%E0%AA%B7%E0%AB%80%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE%2F%E0%AA%B8%E0%AA%BE%E0%AA%A7%E0%AA%A8%E0%AA%BE_%E0%AA%9F%E0%AB%8B%E0%AA%95%E0%AB%80%E0%AA%9D%E0%AA%A8%E0%AA%BE_%E0%AA%96%E0%AA%BE%E0%AA%82%E0%AA%9A%E0%AA%BE%E0%AA%AE%E0%AA%BE%E0%AA%82
મનીષા જોષીની કવિતા/સાધના ટોકીઝના ખાંચામાં - Revision history
2026-05-22T23:07:16Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%AE%E0%AA%A8%E0%AB%80%E0%AA%B7%E0%AA%BE_%E0%AA%9C%E0%AB%8B%E0%AA%B7%E0%AB%80%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE/%E0%AA%B8%E0%AA%BE%E0%AA%A7%E0%AA%A8%E0%AA%BE_%E0%AA%9F%E0%AB%8B%E0%AA%95%E0%AB%80%E0%AA%9D%E0%AA%A8%E0%AA%BE_%E0%AA%96%E0%AA%BE%E0%AA%82%E0%AA%9A%E0%AA%BE%E0%AA%AE%E0%AA%BE%E0%AA%82&diff=70496&oldid=prev
Meghdhanu: +1
2024-03-03T00:12:05Z
<p>+1</p>
<p><b>New page</b></p><div>{{SetTitle}}<br />
<center><big><big>'''સાધના ટોકીઝના ખાંચામાં'''</big></big></center><br />
<br />
<poem><br />
અમેરિકા પાછા ફરીને બૅગ ખાલી કરતાં<br />
વડોદરામાં કંઈક ખરીદી કરી હશે તેની એક થેલી હાથમાં આવી<br />
એ થેલી પર દુકાનનું સ૨નામું લખેલું હતું –<br />
‘સાધના ટોકીઝના ખાંચામાં.’<br />
બસ આ એક વાક્ય, અને મને ગમી ગઈ, નવેસરથી<br />
ગુજરાતમાં બોલાતી<br />
ગુજરાતી ભાષા<br />
પછી તો આખો દિવસ હું વિચારતી રહી<br />
બીજું શું, શું થતું હશે સાધના ટોકીઝના ખાંચામાં?<br />
જરૂર કોઈ તરુણી<br />
પોળના ઓળખીતા-પાળખીતાઓની નજર બચાવતી<br />
ઊભી હશે ત્યાં, ફિલ્મ જોવા, એના પ્રેમીની રાહ જોતી.<br />
તેનાથી થોડેક દૂર, કોઈ બીજો છોકરો<br />
ફિલ્મની ટિકિટ બ્લેકમાં વેચી રહ્યો હશે<br />
હિન્દીની છાંટવાળી ગુજરાતીમાં બોલતો.<br />
તેની નજીકમાં, કોઈ રિક્ષાવાળો, બેઠો હશે<br />
પોતાની રિક્ષામાં, મીટર ડાઉન કરીને.<br />
પછી કોઈ મધ્યમવર્ગીય સદ્ગૃહસ્થ આવશે<br />
હાથમાં શ્રીખંડની થેલી લઈને<br />
‘ચાલ, રાવપુરા આગળ લઈ લે. કેટલા થશે?’<br />
પછી તેમની વચ્ચે થોડી રકઝક થશે<br />
ડભોઈ અને અમદાવાદની ગુજરાતીમાં<br />
અને એમ શરૂ થઈ જશે એક સવારી.<br />
એ રિક્ષાના ગયા પછી, તેની પાછળની કોઈ બીજી રિક્ષા<br />
આગળ આવીને ગોઠવાઈ જશે ત્યાં.<br />
એ રિક્ષાવાળો, રાહ જોતાં જોતાં વાંચી રહ્યો હશે<br />
કોઈ ગુજરાતી છાપું –<br />
‘અકોટામાં પકડાયું કોલગર્લ રેકેટ,<br />
એનઆરઆઈ ગ્રાહકો માટે સાડીઓની સ્પેશ્યલ ઑફર,<br />
કડક બજારમાં લાગેલી આગમાં પાંચ દુકાનો ભસ્મીભૂત,<br />
ફતેહગંજમાં ધોળા દિવસે લાખોની લૂંટ, વડોદરામાં લટટરી ફૅસ્ટિવલ,<br />
અલકાપુરીમાં વિદેશી દારૂ જપ્ત, પાયલ ફરસાણની દુકાનનું નવું સરનામું, ઉત્તરાયણના ચાઈનીઝ દોરાથી ઘવાયેલાં પક્ષીઓ, સીંગતેલના ભાવમાં તેજી,<br />
માંજલપુર સ્થિત યુવાન માટે જોઈએ છે નોકરી કરતી કન્યા,<br />
ડૉક્ટર વિદેશ પ્રવાસે ગયા છે, કમાટીબાગની ટોય ટ્રેન ફરી ચાલુ થઈ.’<br />
<br />
રિક્ષાવાળો થોડી વારે છાપું ગડી કરીને, સીટ નીચે દબાવીને મૂકશે<br />
જોઈ રહેશે, તેની બાજુમાં હાટડી માંડીને બેઠેલા એક વૃદ્ધ મોચીને.<br />
એ વયસ્ક મોચી, વર્ષો પહેલા આવેલા હશે વડોદરા, કપડવંજથી<br />
અને પછી રહી ગયા હશે, ખંડેરાવ માર્કેટની કોઈ ગલીમાં.<br />
એ કાકાથી થોડે દૂર, કોઈ બાઈ<br />
બિહારના કોઈ ગરીબ ગામમાંથી આવેલી<br />
અને હવે ભાંગી-તૂટી ગુજરાતી બોલતી<br />
શેરીનો કચરો વાળી રહી હશે.<br />
ખૂણે-ખૂણે કચરાની ઢગલીઓ ભેગી કરીને<br />
તે જરા વા૨ પોરો ખાવા બેઠી હશે<br />
સાધના ટોકીઝના ખાંચામાં<br />
અંદર, થિયેટરમાં ફિલ્મ શરૂ થાય ને અંધારું થશે એટલે<br />
પેલો છોકરો, પેલી તરુણીને કીસ કરશે<br />
અને બોલશે, મુસલમાન ગુજરાતીમાં –<br />
‘મેં તને બહુ પ્રેમ કરું છું.’<br />
બહાર ટોકીઝની ગલીમાં<br />
ફરી એક વાર શરૂ થઈ હશે ચહલપહલ<br />
કોઈ દીક્ષામહોત્સવના વરઘોડાની.<br />
આવતીકાલથી બધું જ ત્યજી દેનારી<br />
કોઈ જૈન કિશોરી, આજે સોળ-શણગાર સજીને<br />
તૈયાર થઈ હશે અને જોઈ રહી હશે<br />
લોકોએ ઊંચકેલી તેની ગાદીમાં બેઠા બેઠા<br />
અહીંથી પસાર થતાં<br />
સિનેમાઘરની બહાર લટકતા પોસ્ટરને.<br />
</poem><br />
<br><br />
{{HeaderNav2<br />
|previous = ન્યૂઝીલૅન્ડ પાંખ વગરનાં કીવી<br />
|next = પાલર પાણી<br />
}}</div>
Meghdhanu