https://wiki.ekatrafoundation.org/index.php?action=history&feed=atom&title=%E0%AA%AE%E0%AB%87%E0%AA%98%E0%AA%BE%E0%AA%A3%E0%AB%80%E0%AA%A8%E0%AB%80_%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%A8%E0%AA%B5%E0%AA%B2%E0%AA%BF%E0%AA%95%E0%AA%BE%2F%E0%AA%95%E0%AB%87%E0%AA%A6%E0%AB%80%E0%AA%A8%E0%AB%81%E0%AA%82_%E0%AA%95%E0%AA%B2%E0%AB%8D%E0%AA%AA%E0%AA%BE%E0%AA%82%E0%AA%A4 2026-05-01T02:18:06Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AE%E0%AB%87%E0%AA%98%E0%AA%BE%E0%AA%A3%E0%AB%80%E0%AA%A8%E0%AB%80_%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%A8%E0%AA%B5%E0%AA%B2%E0%AA%BF%E0%AA%95%E0%AA%BE/%E0%AA%95%E0%AB%87%E0%AA%A6%E0%AB%80%E0%AA%A8%E0%AB%81%E0%AA%82_%E0%AA%95%E0%AA%B2%E0%AB%8D%E0%AA%AA%E0%AA%BE%E0%AA%82%E0%AA%A4&diff=31530&oldid=prev 2022-02-04T09:40:16Z

<p>Created page with &quot;{{SetTitle}} {{Heading|કેદીનું કલ્પાંત|}} &lt;poem&gt; :::ઊંચી ઊંચી ડાળના લીંબડા, હો ભાઈ! ઊંચી...&quot;</p> <p><b>New page</b></p><div>{{SetTitle}}<br /> {{Heading|કેદીનું કલ્પાંત|}}<br /> <br /> &lt;poem&gt;<br /> :::ઊંચી ઊંચી ડાળના લીંબડા, હો ભાઈ!<br /> ઊંચી ઊંચી ડાળના હો લીંબડા!<br /> મારે તું વિના ન કોઈની સગાઈ રે,<br /> જેલનાં જીવન એવાં રે.<br /> <br /> :::લાખ લાખ પાંદ તારી આંખડી, હો ભાઈ!<br /> લાખ લાખ પાંદ તારી આંખડી;<br /> મારા ગામ તણી સીમડી કળાય રે? — જેલનાં.<br /> <br /> :::મહીસાગર તીર મારાં ખોરડાં, હો ભાઈ!<br /> મહીસાગર તીર મારાં ખોરડાં;<br /> એની ઓસરીએ ચાંદની ચળાય રે — જેલનાં.<br /> <br /> :::ઘરની ધણિયાણી મારી ફાતમા, હો ભાઈ!<br /> ઘરની ધણિયાણી બીબી ફાતમા;<br /> જોજે, ખેતર ગઈ છે કે કૂબા માંય રે — જેલનાં.<br /> <br /> :::કાસદ કરી મેલ્ય એક કાગડો, હો ભાઈ!<br /> કાસદ દઈ મેલ્ય કાળો કાગડો;<br /> મને એક વાર હળીમળી જાય રે — જેલનાં.<br /> <br /> :::ત્રણ ત્રણ મહિનાની મુલાકાત છે, હો ભાઈ!<br /> ત્રણ ત્રણ મહિનાની મુલાકાત છે;<br /> ઝીણી જાળીઓ આડેથી વાતો થાય રે — જેલનાં.<br /> <br /> :::કે’જે સીવડાવે નવાં પગરખાં, રે ભાઈ!<br /> કે’જે સીવડાવે નવાં પગરખાં;<br /> એના તળિયામાં રૂપૈયા રખાય રે — જેલનાં.<br /> <br /> :::રૂપિયો દેવો પડે સપાઈને, રે ભાઈ!<br /> રૂપિયો દેવો પડે સપાઈને;<br /> નથી દેતા તો ચામડાં ચિરાય રે — જેલનાં.<br /> <br /> :::પંદર મીલેટના મેળાપ છે, રે ભાઈ!<br /> પંદર મીલેટના મેળાપ છે;<br /> ભૂંડી! જાળવજે, રોઈ ના જવાય રે — જેલનાં.<br /> <br /> :::રોશું તો પડશે મને ધોકલાં રે ભાઈ!<br /> રોશું તો પડશે ધીંગા ધોકલા;<br /> તારી નજરું સામે એ નૈ સહાય રે — જેલનાં.<br /> <br /> :::મરિયમ નાની છે મારી દીકરી, રે ભાઈ!<br /> મરિયમ નામે છે ડાહી દીકરી;<br /> એને કે’જે જાળીને ન અડકાય રે — જેલનાં.<br /> <br /> :::મરિયમની કૂણી કૂણી આંગળી, રે ભાઈ!<br /> મરિયમની કૂણી કૂણી આંગળી;<br /> એને ટેરવે અડું તો સજા થાય રે — જેલનાં.<br /> <br /> :::મરિયમને દૂરથી બકા કરું, રે ભાઈ!<br /> મરિયમને દૂરથી બકા કરું,<br /> તો તો જેલર ખારો થઈ ખિજાય રે — જેલનાં.<br /> <br /> :::પૂછીશ ના સુખદુ:ખની વાતડી, રે ભાઈ!<br /> પૂછીશ ના ભીતરની વાતડી;<br /> મારાં માફી તણાં દનૈયાં કપાય રે — જેલનાં.<br /> <br /> :::બરધિયાને કાંધ હવે કેમ છે, રે ભાઈ!<br /> (મારા) બરધિયાને કાંધ હવે કેમ છે?<br /> રે’તા ભૂખ્યા કે રાતના ધરાય રે — જેલનાં.<br /> <br /> :::અરધાં ભૂખ્યાં તમે ભલે રહો, રે ભાઈ!<br /> અરધાં ભૂખ્યાં તમે ભલે રહો<br /> મારા બરધિયાની સાર લ્યો સવાઈ રે — જેલનાં.<br /> <br /> :::વેચો વળીઓ ને વેચો વાંસડા, હો ભાઈ!<br /> વેચો વળીઓ ને વેચો વાંસડા<br /> મારા બરધિયાને વરસ બે જિવાડ્ય રે — જેલનાં.<br /> <br /> :::ફટકા ફાંસીનું શીખું કામ જો હું ભાઈ!<br /> ફટકા ફાંસીનું બૂરું કામ જો;<br /> વધે માફી વળી રૂપૈયા રળાય રે — જેલનાં.<br /> <br /> :::બદનામી થાય આખી જેલમાં, હો ભાઈ!<br /> બદનામી થાય આખી જેલમાં;<br /> પીર દાવલશા સોણલે ભળાય રે — જેલનાં.<br /> <br /> :::ઘોળી માફી ને ઘોળ્યા રૂપિયા, હો ભાઈ!<br /> ઘોળી માફી ને ઘોળ્યા રૂપિયા;<br /> વરસ બે તો વહી જાશે પલક માંય રે — જેલનાં.<br /> &lt;/poem&gt;<br /> <br /> &lt;br&gt;<br /> {{HeaderNav2<br /> |previous = નરક-નિવાસ<br /> |next = આંસુની મહેફિલ<br /> }}</div>

MeghaBhavsar