https://wiki.ekatrafoundation.org/index.php?action=history&feed=atom&title=%E0%AA%AF%E0%AA%9C%E0%AB%8D%E0%AA%9E%E0%AB%87%E0%AA%B6_%E0%AA%A6%E0%AA%B5%E0%AB%87%E0%AA%A8%E0%AA%BE%E0%AA%82_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AB%8B%2F%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE 2026-05-19T23:56:07Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AF%E0%AA%9C%E0%AB%8D%E0%AA%9E%E0%AB%87%E0%AA%B6_%E0%AA%A6%E0%AA%B5%E0%AB%87%E0%AA%A8%E0%AA%BE%E0%AA%82_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AB%8B/%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE&diff=69852&oldid=prev 2024-02-18T10:10:39Z

<p>+1</p> <p><b>New page</b></p><div>{{SetTitle}}<br /> &lt;center&gt;&lt;big&gt;&lt;big&gt;&#039;&#039;&#039;ગંધમંજૂષા&#039;&#039;&#039;&lt;/big&gt;&lt;/big&gt;&lt;/center&gt;<br /> <br /> &lt;poem&gt;<br /> ગંધ વિના મારો પરિચય અંધ<br /> બધું બંધ બંધ અકબંધ<br /> ત્યાં તો અકળ આ ગંધકળથી ખૂલે કેટકેટલાં તાળાં<br /> બાઝ્યાં હતાં જ્યાં વરસોનાં જાળાં.<br /> <br /> ગંધઝરૂખે આ પહેલવહેલું ઝૂક્યું કોણ?<br /> તો લજવાઈને કહે એ તો હું – ધોવાના સાબુની ગંધ.<br /> <br /> ધોવાના સાબુની ગંધ :<br /> <br /> દૂર દૂર નક્ષત્ર થયાં તે દિવસો.<br /> કાળા ડિલ પર સફેદ ફીણનો લેપ.<br /> ક્ષીણ છીછરો ઉતાવળીનો જલપ્રવાહ.<br /> તળિયે સરકતી વેકુર.<br /> ભીનાં-ભીનાં કાળાં-ધોળાં મોતી જેવા પથ્થરો.<br /> કૂવાના થાળે સીંચણિયાનું નમણા હાથથી સરકવું<br /> સરકતી ખણકતી ચૂડીઓ એક પછી એક.<br /> જળના ઠંડા અંધકારને તળિયે બે ગાગરની વાતો.<br /> સૂની સીમ પહેરીને નહાતી સ્ત્રીઓ.<br /> ઉપર બળબળતો તડકો.<br /> ભેખડ પરથી ભફાંગ કૂદકો.<br /> થોરની વાડમાં બોલતાં લેલાં<br /> ક્યાં ગયાં એ બધાં<br /> સાથે-સાથે નાગાનાગા ના’તા જે પેલાં?<br /> <br /> પરસેવાની ગંધ :<br /> <br /> પામું તેને તેની આશ્વસ્ત ગંધથી જ પૂર્ણ<br /> સ્પર્શ પણ અધૂરો લક્ષ્મણરેખાની બહાર<br /> ગંધ બની ઊખળે વિસ્તરે તે મારામાં<br /> બહાર બધું બહાર<br /> બહાર જરા વ્યાધિ-ઉપાધિનું જગત આખુંય બહાર<br /> ગંધના ગર્ભમંડપમાં એક એ એક હું<br /> ગંધ પરસેવાની અંગત આશ્વસ્ત કામુક<br /> માનવ કાયાના શ્લોકનું ઉદ્ગાન<br /> પામું તેની બાહુમૂલ મંજૂષામાં ઝળહળતું ગંધરત્ન.<br /> <br /> ચૈત્રી લીમડાની મંજરીની ગંધ :<br /> <br /> સાવ હોઉં સ્થિર સ્થવીર<br /> ને વ્યાકુળ વિહ્વળ કરે મંજરીની કડવી મીઠી ગંધ<br /> સરિયામ રસ્તાઓ પર માથું ધુણાવતા લીમડાઓ,<br /> રોમષ શિરીષો.<br /> ગ્રીષ્મની દીર્ઘરાત્રિઓએ મારી સાથે ટહેલવા નીકળતી મંજરીની ગંધ.<br /> સ્વર્ગમાં બધું હશે<br /> હશે, બધું હશે<br /> પણ શિરીષ લીમડાની ગંધ શું હશે ત્યાં?<br /> <br /> અવાવરુ હવડ ગંધ :<br /> <br /> વાવ ખંડેરમાં<br /> ગંધ અંધકારની, ભેજની, ચામાચીડિયાંની હગારની, કોહવાયેલી કથાઓની,<br /> એ અવાવરું ગંધ શ્વસી લઉં પછી<br /> બધું જ સ્થિર.<br /> જગતની બધી જ ઘડિયાળોની ગતિ એક આંધળી દોડ<br /> બીગબેંગ સુપરનોવા મૂર્ખ ઉચ્છ્વાસ<br /> હવડ ગંધ નીચે દટાય બધાં સ્થવીરો, શ્રેષ્ઠીઓ, વીરો, વારાંગનાઓ,<br /> કામ્યરૂપવનિતાઓ, નૃસિંહો, સિંહદ્વારો, વિજયકમાનો, કીર્તિસ્થંભો<br /> રહે કેવળ અવાવરું હવડ ગંધ.<br /> <br /> ગંધ મોગરાની :<br /> <br /> ઉનાળાને ગાળ દેવાની ક્ષણે જ<br /> હવા વહી લાવે મોગરાની ગંધ<br /> જાણે મઘમઘતી ચાંદની,<br /> કોઈનો મદિર ઉચ્છ્વાસ કે શિશુનાં પગલાં?<br /> ન જાને!<br /> પણ આ ગંધની આંગળી ઝાલીને જ પહોંચાય ક્યાંક<br /> પરિચિત ચિરઅપરિચિત ગંધવતી ગંધમતી નગરીએ.<br /> પૃથ્વીની જ આ ગંધપુત્રી કરે મને પૃથ્વીમુક્ત.<br /> <br /> શિશુકાયાની ઘ્રાણ :<br /> <br /> બહુ ગમે છે મને શિશુ કાયાની લાડકી ગંધ.<br /> ધરતી અને કાયાનું અપૂર્વ મિલન.<br /> શિશુકાયાની ઘ્રાણમાં પામું એક નોળવેલ આશ્વાસન.<br /> બગાસું ખાતાં જ ગોળ મુખમાં દેખું બ્રહ્માંડ.<br /> <br /> ડામરની ગોળીની ગંધ :<br /> <br /> બહુ-બહુ વરસો પછી પેટી પટારામાંથી કાઢ્યાં વસ્ત્રો<br /> જતનથી જાળવી રાખ્યું છે જેણે બધું અકબંધ.<br /> મામાનાં લગ્ન, મેડી પર શણગાર સજતી સ્ત્રીઓની ચહલપહલ;<br /> બેંડની ધૂનો,<br /> મા માસી મામીઓ વચ્ચે અટવાતા મારા નાના પગો,<br /> છંટાતા ગુલાબજળ વચ્ચે તરી આવતી મોગરાની વેણીની તીવ્ર ગંધ,<br /> રેશમની સાડીઓનો સુંવાળો અવાજ મખમલનું મૌન.<br /> ને સોટીનનું બોલકાપણું .<br /> <br /> નવી ચોપડીની ગંધ :<br /> <br /> પૂરા થયા વૅકેશનના દિવસો.<br /> લીમડાની સહુથી ઊંચી ડાળ,<br /> બપોરની અલસ ઊંઘ,<br /> લેલૂંબ લટકતી લીંબોળીઓ;<br /> જીતેલી કોડીના ભારથી ઝૂકી ગયેલું ખિસ્સું,<br /> હારૂન-અલ-રશીદ વિક્રમ વેતાળની વાર્તાના દિવસો.<br /> મોંમાં હજીય ગ્રીષ્મની કેરીનો સ્વાદ.<br /> ક્લાસરૂમના બ્લૅક બૉર્ડની કાળાશ.<br /> કણકણ બની વિખેરાય બધે જ.<br /> એકમેકમાં ભળવાં લાગે બધાં અક્ષરોનાં અળસિયાં.<br /> બારીના બે સળિયા વચ્ચેથી કૂદી<br /> ચાલી જાઉં વરસાદી પવન સાથે,<br /> વિસ્તીર્ણ મેદાનોમાં મેઘ વરસે છે મન મૂકીને.<br /> <br /> લોબાનની ગંધ :<br /> <br /> લોબાનના વેશમાં આવે દૂરનો દરવેશ<br /> શું રાગ મારવા પૂરિયાએ ધર્યો આ વેશ?<br /> <br /> પારિજાતની ગંધ :<br /> <br /> વરસો પછી<br /> આજે ફરી સૂંઘ્યું એક પારિજાતનું ફૂલ.<br /> આંખો ભરાઈ આવી<br /> બસ પડ્યો રહેવા દો મને અહીં<br /> આ ખુરશીમાં રાતભર.<br /> <br /> તાજાં ધોળેલાં મકાનની ગંધ :<br /> <br /> યાદ આવે છે<br /> રઝળપાટમાં કરેલા અનેક વસવાટો.<br /> નવા ઘરના ચૂને ધોળ્યા રંગ વાર્નિશની ગંધભર્યા<br /> મોટા-મોટા સફેદ ઓરડાઓ.<br /> વાર-તહેવારે દિવાળીએ વરસે બે વરસે થાય છે નવા<br /> પણ એ જ જૂના<br /> જૂના જૂના ઓરડાઓ.<br /> નવી નકોર રહી છે માત્ર આ ગંધ.<br /> &lt;/poem&gt;<br /> &lt;br&gt;<br /> {{HeaderNav2<br /> |previous = અવરોહે આરોહણ<br /> |next = વના જેતાની વાતું<br /> }}</div>

Meghdhanu