https://wiki.ekatrafoundation.org/index.php?action=history&feed=atom&title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE%2F%E0%AA%86%E0%AA%97%E0%AB%87_%E0%AA%95%E0%AA%A6%E0%AA%AE 2026-05-13T14:33:33Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE/%E0%AA%86%E0%AA%97%E0%AB%87_%E0%AA%95%E0%AA%A6%E0%AA%AE&diff=31055&oldid=prev 2022-01-27T07:37:24Z

<p>Created page with &quot;{{SetTitle}} {{Heading|આગે કદમ|}} &lt;poem&gt; આગે કદમ! આગે કદમ! આગે કદમ! યારો! ફનાના પંથ પર આગે...&quot;</p> <p><b>New page</b></p><div>{{SetTitle}}<br /> {{Heading|આગે કદમ|}}<br /> <br /> &lt;poem&gt;<br /> આગે કદમ! આગે કદમ! આગે કદમ!<br /> યારો! ફનાના પંથ પર આગે કદમ!<br /> આગે કદમ: પાછા જવા રસ્તો નથી;<br /> રોકાઓ ના – ધક્કા પડે છે પીઠથી;<br /> રોતાં નહિ – ગાતાં ગુલાબી તૉરથી:<br /> આગે કદમ! આગે કદમ! આગે કદમ!<br /> બેસી જનારા! કોણ દેશે બેસવા!<br /> આ હર ઘડી સળગી રહ્યાં યુદ્ધો નવાં;<br /> આશા ત્યજો આરામ-સેજે લેટવા:<br /> આગે કદમ! આગે કદમ! આગે કદમ!<br /> આગે કદમ: દરિયાવની છાતી પરે,<br /> નિર્જળ રણે, ગાઢાં અરણ્યે, ડુંગરે;<br /> પંથે ભલે ઘન ઘૂઘવે કે લૂ ઝરે:<br /> આગે કદમ! આગે કદમ! આગે કદમ!<br /> રહેશે અધૂરી વાટ, ભાતાં ખૂટશે;<br /> પડશે ગળામાં શોષ, શક્તિ તૂટશે;<br /> રસ્તે, છતાં, ડૂકી જવાથી શું થશે?<br /> આગે કદમ! આગે કદમ! આગે કદમ!<br /> આવે ન આવે સાથીઓ સાથે છતાં,<br /> ધિક્કાર, બદનામી, બૂરાઈ વેઠતાં,<br /> વૈરીજનોનાં વૈરનેયે ભેટતાં:<br /> આગે કદમ! આગે કદમ! આગે કદમ!<br /> ક્યાં ઊભશો! નીચે તપે છે પથ્થરો:<br /> બાહેર શીતળ, ભીતરે લાવા ભર્યો;<br /> અંગાર ઉપર ફૂલડાં શીદ પાથરો!<br /> આગે કદમ! આગે કદમ! આગે કદમ!<br /> આ તો બધા છેલ્લા પછાડા પાપના;<br /> હોશે ખતમ – જો, ભાઈ, ઝાઝી વાર ના!<br /> પૂરી થશે તારીય જીવનયાતના:<br /> આગે કદમ! આગે કદમ! આગે કદમ!<br /> જ્વાલામુખીના શૃંગ ઉપર જીવવા<br /> તેં આદરી પ્યારી સફર, ઓ નૌજવાં!<br /> માતા તણે મુક્તિ-કદંબે ઝૂલવા:<br /> આગે કદમ! આગે કદમ! આગે કદમ!<br /> આગે કદમ! આગે કદમ! આગે કદમ!<br /> યારો! ફનાના પંથ પર આગે કદમ!<br /> {{Right|૧૯૩૧}}<br /> &lt;/poem&gt;<br /> <br /> &lt;br&gt;<br /> {{HeaderNav2<br /> |previous = કોણ ગાશે!<br /> |next = ફૂલમાળ<br /> }}</div>

MeghaBhavsar