https://wiki.ekatrafoundation.org/index.php?action=history&feed=atom&title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE%2F%E0%AA%9D%E0%AA%82%E0%AA%A1%E0%AA%BE%E0%AA%B5%E0%AA%82%E0%AA%A6%E0%AA%A8 2026-04-10T07:59:55Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE/%E0%AA%9D%E0%AA%82%E0%AA%A1%E0%AA%BE%E0%AA%B5%E0%AA%82%E0%AA%A6%E0%AA%A8&diff=31053&oldid=prev 2022-01-27T07:27:38Z

<p>Created page with &quot;{{SetTitle}} {{Heading|ઝંડાવંદન|}} &lt;poem&gt; તારે ક્યારે કૈંક દુલારે દિલનાં શોણિત પાયાં;...&quot;</p> <p><b>New page</b></p><div>{{SetTitle}}<br /> {{Heading|ઝંડાવંદન|}}<br /> <br /> &lt;poem&gt;<br /> તારે ક્યારે કૈંક દુલારે દિલનાં શોણિત પાયાં;<br /> પુત્રવિજોગી માતાઓનાં નયનઝરણ ઠલવાયાં –<br /> ઝંડા! અજર અમર રે’જે:<br /> વધ વધ આકાશે જાજે.<br /> તારે મસ્તક નવ મંડાઈ ગરુડ તણી મગરૂરી;<br /> તારે ભાલ નથી આલેખ્યાં સમશિર-ખંજર-છૂરી –<br /> ઝંડા! દીન કબૂતર-શો<br /> ઉરે તુજ રેંટીડો રમતો.<br /> જગ આખા પર આણ ગજવતી ત્રિશૂલવતી જળરાણી;<br /> મહારાજ્યોના મદ પ્રબોધતી નથી તુજ ગર્વનિશાની –<br /> ઝંડા! ગભરુ સંતોષી<br /> વસે તુજ હૈયામાં ડોશી.<br /> નહિ કિનખાબ-મુખમ્મલ-મશરૂ કેરી તારી પતાકા;<br /> નહિ જરિયાની હીરભરતના ભભકા તુજ પર ટાંક્યા –<br /> ઝંડા! ભૂખરવો તોયે,<br /> દિલો કોટિ તુજ પર મોહે!<br /> પરભક્ષી ભૂતળ-નૌદળના નથી તુજ ધ્વજફફડાટા;<br /> વનરમતાં નિર્બલ મૃગલાં પર નથી નથી શેરહુંકાટા –<br /> ઝંડા! ઊડજે લહેરાતો:<br /> વ્હાલના વીંઝણલા વાતો.<br /> સપ્ત સિંધુની અંજલિ વહેતો સમીરણ તુજને ભેટે;<br /> ખંડખંડની આશિષછોળો ઉદધિતરંગો છાંટે –<br /> ઝંડા! થાકેલા જગનો<br /> દીસે છે તું આશાદીવડો.<br /> નીલ ગગનથી હાથ ઝુલાવી વિશ્વનિમંત્રણ દેતો:<br /> પીડિત જનની બાંધવતાના શુભ સંદેશા કહેતો –<br /> ઝંડા! કરજે જગતેડાં:<br /> પ્રજા સઘળીના અહીં મેળા.<br /> નીલ ગગનની નીલપ પીતી ઉન્નત તુજ આંખલડી;<br /> અરુણ તણે કેસરિયે અંજન બીજી મીટ મદીલી –<br /> ઝંડા! શશી-દેવે સીંચી,<br /> ત્રિલોચન! ધવલ આંખ ત્રીજી.<br /> એ ત્રણ આંખ ભરી તેં દીઠાં તુજ ગૌરવ-રખવાળાં;<br /> શ્રીફળના ગોટા સમ ફૂટ્યાં ફટફટ શીશ સુંવાળાં –<br /> ઝંડા! સાહિદ રહેજે, હો!<br /> અમારા મૂંગા ભોગ તણો.<br /> કુમળાં બાળ, કિશોર, બુઝર્ગો – સહુ તુજ કાજે ધાયાં,<br /> નર-નારી નિર્ધન-ધનવંતો – એ સબ ભેદ ભુલાયા;<br /> ઝંડા! સાહિદ રહેજે, હો!<br /> રુધિરનાં બિન્દુ બિન્દુ તણો.<br /> કો માતાના ખાલી ખોળે આજ બન્યો તું બેટો;<br /> કપાળનાં કંકુડાં હારી તેને પણ બળ દેતો –<br /> ઝંડા! સાહિદ રહેજે, હો!<br /> હજારો છાનાં સ્વાર્પણનો.<br /> તુજને ગોદ લઈ સૂનારાં મેં દીઠાં ટાબરિયાં;<br /> તારાં ગીત તણી મસ્તીમાં ભૂખ-તરસ વીસરિયાં –<br /> ઝંડા! કામણ શાં કરિયાં!<br /> ફિદા થઈ તુજ પાછળ ફરિયાં.<br /> આજ સુધી અમ અવળી ભક્તિ: જૂઠા ધ્વજ પર ધાયાં;<br /> રક્તપિપાસુ રાજકુલોના નેજા કાજ કપાયાં –<br /> ઝંડા! નિમકહલાલીનું<br /> હતું એ કૂડ-બિરદ જૂનું.<br /> પંથ પંથ ને દેવ દેવની પૂજી ધજા નિરાળી;<br /> એ પૂજન પર શીશ કપાવ્યાં: હાય! કથા એ કાળી –<br /> ઝંડા! વીત્યા યુગ એવા,<br /> સકલ વંદનનો તું દેવા.<br /> તું સાચું અમ કલ્પતરુવર: મુક્તિફળ તુજ ડાળે;<br /> તારી શીત સુગંધ નથી કો માનસ-સરની પાળે –<br /> ઝંડા! જુગ જુગ પાંગરજે;<br /> સુગંધી ભૂતલ પર ભરજે!<br /> રાષ્ટ્ર-દેવના ઘુમ્મટ ઉપર ગહેરે નાદ ફરુકે;<br /> સબ ધર્મોના એ રક્ષકને સંતનૃપાલો ઝૂકે –<br /> ઝંડા! આજ ન જે નમશે,<br /> કાલ તુજ ધૂલિ શિર ધરશે!<br /> આઠે પહોર હુંકારા કરતો જાગ્રત રહે, ઉમંગી!<br /> સાવધ રહેજે, પહેરો દેજે, અમે ન રહીએ ઊંઘી –<br /> ઝંડા! સ્વરાજના સંત્રી!<br /> રહો તુજ ઝાલર રણઝણતી!<br /> {{Right|૧૯૩૧}}<br /> &lt;/poem&gt;<br /> <br /> &lt;br&gt;<br /> {{HeaderNav2<br /> |previous = મોતનાં કંકુ-ઘોળણ<br /> |next = કોણ ગાશે!<br /> }}</div>

MeghaBhavsar