https://wiki.ekatrafoundation.org/index.php?action=history&feed=atom&title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE%2F%E0%AA%B5%E0%AB%80%E0%AA%B0_%E0%AA%9C%E0%AA%A4%E0%AB%80%E0%AA%A8%E0%AB%8D%E0%AA%A6%E0%AB%8D%E0%AA%B0%E0%AA%A8%E0%AA%BE%E0%AA%82_%E0%AA%B8%E0%AA%82%E0%AA%AD%E0%AA%BE%E0%AA%B0%E0%AA%A3%E0%AA%BE%E0%AA%82 2026-04-17T15:46:00Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%AF%E0%AB%81%E0%AA%97%E0%AA%B5%E0%AA%82%E0%AA%A6%E0%AA%A8%E0%AA%BE/%E0%AA%B5%E0%AB%80%E0%AA%B0_%E0%AA%9C%E0%AA%A4%E0%AB%80%E0%AA%A8%E0%AB%8D%E0%AA%A6%E0%AB%8D%E0%AA%B0%E0%AA%A8%E0%AA%BE%E0%AA%82_%E0%AA%B8%E0%AA%82%E0%AA%AD%E0%AA%BE%E0%AA%B0%E0%AA%A3%E0%AA%BE%E0%AA%82&diff=31049&oldid=prev 2022-01-27T06:56:44Z

<p>Created page with &quot;{{SetTitle}} {{Heading|વીર જતીન્દ્રનાં સંભારણાં|}} &lt;poem&gt; &lt;center&gt;[ખંડકાવ્ય]&lt;/center&gt; રણશિંગાં બ...&quot;</p> <p><b>New page</b></p><div>{{SetTitle}}<br /> {{Heading|વીર જતીન્દ્રનાં સંભારણાં|}}<br /> <br /> &lt;poem&gt;<br /> &lt;center&gt;[ખંડકાવ્ય]&lt;/center&gt;<br /> રણશિંગાં બજિયાં નહીં, નવ ગહેકી શરણાઈ,<br /> તલવારોની તાળીઓ સમરે નવ સંભળાઈ;<br /> સિંધુડા-સૂર શરણાઈના નવ સુણ્યા,<br /> હાક વાગી ન, તોખાર નવ હણહણ્યા,<br /> ઘાવ પર ઘાવ નવ ખડગના ખણખણ્યા,<br /> યુદ્ધ-ઉન્માદના નાદ નવ રણઝણ્યા.<br /> વિણ ઉન્માદે વીર તેં દીધો દેહ ધરી<br /> બિન્દુ બિન્દુ રક્તનાં રિપુને દીધ ગણી;<br /> બિન્દુએ બિન્દુએ રક્ત દીધાં ગણી,<br /> ચૂકવી પલપલે દેહની કણીકણી,<br /> મૃત્યુને ગણ્યું તેં ગોદ માતા તણી;<br /> કે શું પ્રિયમિલનની રાત સોહામણી?<br /> આવે મંગળ અવસરે, કોણ વિલાપ કરે!<br /> કાયરતાને આંસુડે કોનાં નેન રડે!<br /> વેગળી જાઓ રે અશ્રુની વાદળી!<br /> વીરનાં તેજને નવ રહો આવરી;<br /> નીરખવા દો મુને લાખ નયનો કરી,<br /> આહુતિ-જ્વાલ એ બાલની અણઠરી.<br /> ગગનવિદારણ રાગના ગાજો નંદન-ઘોષ!<br /> ઉત્સવ-દિન આપણ ઘરે; અરિજનને અફસોસ;<br /> અરિજનો થરથરે એહવી ઘોષણા<br /> ગરજી ગરજી ભરો ગગનનાં આંગણાં,<br /> ઊઠ રે ઊઠ, ઓ તરુણ કોડામણા!<br /> વીરનાં વાંચ શોણિત-સંભારણાં.<br /> વણગાયાં ક્યમ વીસરીએ બહુમૂલાં બલિદાન,<br /> ગાશું ઘરઘર ઘૂમતાં એનાં અર્પણગાન;<br /> ગાઓ રે બેનડી, વીરને વારણે,<br /> ગાઓ રે માવડી, પુત્રને પારણે,<br /> બંદીજન, ગાઓ બિરદાઈ સમરાંગણે,<br /> ભક્તજન, ગાઓ મંદિરને બારણે.<br /> તારી ટેક ત્યજાવવા મથનારા કંગાલ,<br /> કાળાં મુખ નીચાં કરી કૂટે વ્યર્થ કપાળ;<br /> કૂટતા કપાળો ક્રૂર કંગાલ એ,<br /> તાહરાં શાંત વીરત્વ નીરખી રહે,<br /> ‘હાય! હા હારિયા,’ દાંત ભીંસી કહે,<br /> અણનમ્યા વીરને જાલિમો ક્યમ સહે.<br /> બાણપથારી ભીષ્મની*, દધીચિનાં વપુદાન*,<br /> મોરધ્વજે કરવત સહ્યાં*, એ ઇતિહાસી ગાન;<br /> જીર્ણ ઇતિહાસનાં ગાન એ વીસરિયાં,<br /> જૂઠડી ભાવનાના થરોથર થયા,<br /> નવેલા શૌર્ય-આદર્શ તેં સ્થાપિયા,<br /> સમર્પણનાં નવાં મૂલ તેં આંકિયાં.<br /> ઝીલો ઝીલો મલકતા જાલિમ તણા પ્રહાર,<br /> લાલ કસુંબલ રક્તની ફૂટે શોણિત-ધાર;<br /> પ્રહારે પ્રહારે ઉર-પતાળો ફૂટે,<br /> કસુંબલ રંગની રક્ત-છોળો છૂટે,<br /> મૃત્યુ-ભયના કૂડા લાખ બંધો તૂટે,<br /> પાળ ફોડી અને પ્રાણનદ ઊમટે.<br /> રજ રજ નોંધી રાખશું હૈયા બીચ હિસાબ,<br /> અવસર આવ્યે માગશું કિસ્મત પાસ જવાબ;<br /> માગવા જવાબો એક દિન આવશું,<br /> ભૂખરી પતાકા સંગમાં લાવશું,<br /> અમારા રક્તના હોજ છલકાવશું,<br /> માતનો ધ્વજ ફરી વાર રંગી જશું.<br /> {{Right|૧૯૨૯}}<br /> &lt;/poem&gt;<br /> <br /> &lt;br&gt;<br /> {{HeaderNav2<br /> |previous = વિદાય<br /> |next = સ્વતંત્રતાની મીઠાશ<br /> }}</div>

MeghaBhavsar