MeghaBhavsar: Created page with "{{SetTitle}} {{Heading|સ્વપ્ન થકી સરજેલી| }} ધન-ધાન્ય-ફૂલે લચકેલી આ વસુધાના પટમ..."

2022-01-27T05:41:57Z

Created page with "{{SetTitle}} {{Heading|સ્વપ્ન થકી સરજેલી| }} <poem> ધન-ધાન્ય-ફૂલે લચકેલી આ વસુધાના પટમ..."

New page

{{SetTitle}}
{{Heading|સ્વપ્ન થકી સરજેલી| }}

<poem>
ધન-ધાન્ય-ફૂલે લચકેલી
આ વસુધાના પટમાંય,
કો સ્વપ્ન થકી સરજેલી
મુજ જન્મભૂમિ લહેરાય:
નવખંડ ધરા પર ભમો – નથી આ ભોમ સમોવડ કોઈ:
સહુ દેશ તણી મહારાણી મુજ માભૂમિ તુલ્ય કો ન્હોય.

કહો ક્યાં બીજે દીઠેલી
આ મેઘ તણી કાળાશ?
– આ નભમંડલની કાન્તિ?
– આ વીજ તણા અજવાસ?
અહીં પંખી તણા સ્વર સુણી પોઢવું, સુણી જાગવું હોય,
સહુ દેશ તણી મહારાણી મુજ માભૂમિ તુલ્ય કો ન્હોય.

કહો ક્યાં બીજે દીઠેલાં
નદીઓનાં નિર્મલ વ્હેણ?
– આ પહાડો ધુમ્મસઘેરા?
– આ હરિયાળાં મેદાન?
ભરચક ખેતર પર લહર લહન્તા પવન અન્ય ક્યાં હોય,
સહુ દેશ તણી મહારાણી મુજ માભૂમિ તુલ્ય કો ન્હોય.

અહીં તરુતરુએ ફૂલ હીંચે,
વન વન પંખીડાં ગાય;
અહીં મધુકર મદભર ગુંજે
પુંજે પુંજે લહેરાય:
મધુ પી પુષ્પો પર ઢળી પોઢતા અન્ય ક્યહાં એ હોય?
સહુ દેશ તણી મહારાણી મુજ માભૂમિ તુલ્ય કો ન્હોય.

તુજ સમ નથી ક્યાંય જગતમાં
પ્રિયજનના આ વિધ પ્રેમ;
તુજ ચરણો ચાંપી હૃદયમાં
જીવવાની હરદમ નેમ:
હું જનમ જનમ અહીં મરું-અવતરું – મુક્તિ અન્ય ક્યાં હોય?
સહુ દેશ તણી મહારાણી મુજ માભૂમિ તુલ્ય કો ન્હોય.
{{Right|૧૯૨૫}}
</poem>

<br>
{{HeaderNav2
|previous = ભારતતીર્થ
|next = બ્હેન હિન્દવાણી
}}

યુગવંદના/સ્વપ્ન થકી સરજેલી - Revision history

MeghaBhavsar: Created page with "{{SetTitle}} {{Heading|સ્વપ્ન થકી સરજેલી| }} ધન-ધાન્ય-ફૂલે લચકેલી આ વસુધાના પટમ..."