https://wiki.ekatrafoundation.org/index.php?action=history&feed=atom&title=%E0%AA%AF%E0%AB%8B%E0%AA%97%E0%AB%87%E0%AA%B6_%E0%AA%9C%E0%AB%8B%E0%AA%B7%E0%AB%80%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE%2F%E0%AA%AA%E0%AB%82%E0%AA%B0%E0%AA%A8%E0%AB%80_%E0%AA%86%E0%AA%97%E0%AA%BE%E0%AA%B9%E0%AB%80_%E0%AA%AE%E0%AA%BE%E0%AA%A4%E0%AB%8D%E0%AA%B0...યોગેશ જોષીની કવિતા/પૂરની આગાહી માત્ર... - Revision history2026-05-17T20:27:28ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%AF%E0%AB%8B%E0%AA%97%E0%AB%87%E0%AA%B6_%E0%AA%9C%E0%AB%8B%E0%AA%B7%E0%AB%80%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE/%E0%AA%AA%E0%AB%82%E0%AA%B0%E0%AA%A8%E0%AB%80_%E0%AA%86%E0%AA%97%E0%AA%BE%E0%AA%B9%E0%AB%80_%E0%AA%AE%E0%AA%BE%E0%AA%A4%E0%AB%8D%E0%AA%B0...&diff=69884&oldid=prevMeghdhanu: +2024-02-19T05:32:13Z<p>+</p>
<p><b>New page</b></p><div>{{SetTitle}}<br />
<center><big><big>'''પૂરની આગાહી માત્ર...'''</big></big></center><br />
<br />
<poem><br />
પૂરની આગાહી માત્ર સાંભળીને જ આમ<br />
ગામ છોડીને ચાલ્યા જવું’તું તો પછી<br />
શા માટે છેડ્યો’તો મલ્હાર?<br />
શા માટે પીપળાને વીંટ્યા’તા સૂતરના તાર?<br />
ભરતી વખતે મોજાંઓને કહી દો ઊછળવાનું બંધ<br />
ને ભરવરસાદે ધરતીને કહી દો પલળવાનું બંધ<br />
એ તે કેમ ચાલે?<br />
નહીં તો પછી ગીચ જંગલોમાં ભૂલા પડેલા મારા શબ્દોને<br />
કોણ બતાવશે રસ્તો?<br />
પીપળા પરનાં પાન શું ટપોટપ ખરી નહીં પડે?<br />
પ્રલય એ તો<br />
જળના ઉમંગનું જ બીજું નામ છે, કલ્પના!<br />
જો સાચા મનથી ડૂબવું જ હોય તો<br />
જળનો ડર થોડો રખાય?<br />
અને ઝંઝાવાત એ તો આપણા વહાણનું જ બીજું નામ છે!<br />
આંધી હોય તો તો ઊડવાની ઓર મઝા આવે<br />
હરણની આંખોમાં હિલ્લેાળાતાં મૃગજળને<br />
મરણ ન માની લેવાય, કલ્પના!<br />
વીજળીના ઝબકારે શોધી લે ઉર્વશીનું ખોવાયેલું ઝાંઝર!<br />
ઝાંઝર ખોવાવાનો અર્થ<br />
કંઈ એવો ન થાય કે ખોવાઈ ગયો પગ!<br />
અને મેં તો<br />
આ થીજી ગયેલા જરઠ અંધકાર પર<br />
ચોક લઈને ઠેર ઠેર લખી દીધું છે તારું નામ!<br />
ચાલી આવ, કલ્પના;<br />
હાથમાં કંકાવટી લઈને<br />
ક્યાં સુધી ઊભી રહીશ આમ અહીં ત્રિભેટે?<br />
</poem><br />
<br><br />
{{HeaderNav2<br />
|previous = બાવળ<br />
|next = બસ, તે દિવસથી હું<br />
}}</div>Meghdhanu