https://wiki.ekatrafoundation.org/index.php?action=history&feed=atom&title=%E0%AA%B0%E0%AA%B5%E0%AB%80%E0%AA%A8%E0%AB%8D%E0%AA%A6%E0%AB%8D%E0%AA%B0%E0%AA%AA%E0%AA%B0%E0%AB%8D%E0%AA%B5%2F%E0%AB%AC%E0%AB%AF._%E0%AA%AA%E0%AA%A4%E0%AB%8D%E0%AA%B0%E0%AA%AA%E0%AB%81%E0%AA%9F_%3A_%E0%AB%AA 2026-04-08T22:11:53Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B0%E0%AA%B5%E0%AB%80%E0%AA%A8%E0%AB%8D%E0%AA%A6%E0%AB%8D%E0%AA%B0%E0%AA%AA%E0%AA%B0%E0%AB%8D%E0%AA%B5/%E0%AB%AC%E0%AB%AF._%E0%AA%AA%E0%AA%A4%E0%AB%8D%E0%AA%B0%E0%AA%AA%E0%AB%81%E0%AA%9F_:_%E0%AB%AA&diff=18191&oldid=prev 2021-10-02T11:44:48Z

<p>Created page with &quot;{{SetTitle}} {{Heading|પત્રપુટ : ૪| }} &lt;poem&gt; એક દિન આષાઢે નમી આવી વેણુવનની મર્મરઝરતી ડા...&quot;</p> <p><b>New page</b></p><div>{{SetTitle}}<br /> {{Heading|પત્રપુટ : ૪| }}<br /> <br /> &lt;poem&gt;<br /> એક દિન આષાઢે નમી આવી<br /> વેણુવનની મર્મરઝરતી ડાળે<br /> જલભારે અભિભૂત નીલમેઘની નિબિડ છાયા.<br /> <br /> શરૂ થઈ ધાનનાં ખેતરોમાં જીવની રચના<br /> ખેતરે ખેતરે કૂણાં ધાનનાં ચિક્કણ અંકુરે.<br /> <br /> એવી તો પ્રચુર, એવી તો પરિપૂર્ણ, એવી તો પ્રોત્ફુલ્લ,<br /> દ્યુલોકે ભૂલોકે પવને પ્રકાશે<br /> એનો પરિચય એવો તો ઉદાર-પ્રસારિત —<br /> મનાય નહીં કે સમયની નાની વાડમાં એને કદિય આવરી લઈ શકાય;<br /> <br /> એની અપરિમેય શ્યામલતાએ<br /> રહ્યો છે જાણે અસીમનો ચિરઉત્સાહ,<br /> જેવો ઉત્સાહ રહ્યો હોય છે તરંગ-ઉલ્લોલ સમુદ્રે.<br /> <br /> માસ વીતે.<br /> <br /> શ્રાવણનો સ્નેહ નમે આઘાતના છળે,<br /> કૂણી મંજરી આગળ વધતી જાય દિને દિને<br /> કણસલાને ખભે ઝુલાવતી<br /> અન્તહીન દર્પભરી જયયાત્રાએ.<br /> એના આત્માભિમાની યૌવનની પ્રગલ્ભતા પર<br /> સૂર્યનું તેજ વિસ્તારે હાસ્યોજ્જ્વલ કૌતુક,<br /> મધરાતના તારા એમાં પૂરે નિસ્તબ્ધ વિસ્મય.<br /> <br /> માસ વીતે.<br /> પવનમાં થંભી ગયું મત્તતાનું આન્દોલન,<br /> શરદ્ના શાન્તનિર્મલ આકાશમાંથી<br /> અમન્દ્ર શંખધ્વનિએ વાણી આવી —<br /> તૈયાર થાઓ.<br /> પૂરું થયું શિશિરજળે સ્નાનવ્રત.<br /> <br /> માસ વીતે.<br /> <br /> નિર્મમ શિશિરની હવા આવી પહોંચી હિમાચલથી,<br /> હરિયાળીને અંગે અંગે આંકી દીધો હળદરવર્ણો ઇશારો,<br /> પૃથ્વીએ દીધેલો રંગ બદલાયો પ્રકાશે દીધેલા રંગ સાથે.<br /> ઊડી આવી હંસોની હાર નદી વચ્ચેના દ્વીપ પર,<br /> કાશના ગુચ્છ ઝરી પડ્યા તટને પથે પથે.<br /> <br /> માસ વીતે.<br /> <br /> નમતા પહોરના તડકાને જેમ લુંટાવી દે દિનાન્ત<br /> શેષ-ગોધૂલિની ધૂસરતાએ<br /> તેમ સોનાવરણું ધાન જતું રહ્યું<br /> અન્ધકારના અવરોધે.<br /> <br /> ત્યાર પછી શૂન્ય ખેતરોમાં અતીતનાં ચિહ્ન<br /> થોડા દિવસ રહ્યા મૃત જડને બાઝી રહીને —<br /> અંતે કાળા પડીને રાખ થઈ ગયા અગ્નિના લેહને.<br /> <br /> માસ વીતે.<br /> <br /> ત્યાર પછી ખેતરને રસ્તે થઈને<br /> ગાયો દોરીને જાય ગોવાળ,<br /> કશી વ્યથા નહીં એમાં, કશી ક્ષતિ નહીં કોઈનેય.<br /> સીમને છેવાડે પોતાની છાયામાં મગ્ન એકલો પીપળો,<br /> સૂર્યમન્ત્રનો જપ કરનાર ઋષિ જેવો, <br /> એની તળિયે બપોરવેળાએ છોકરાઓ બજાવે બંસી<br /> આદિકાળના ગ્રામસૂરે.<br /> <br /> એ સૂરે તામ્રવર્ણ તપ્ત આકાશે<br /> પવન હૂ હૂ કરી ઊઠે,<br /> એ જાણે વિદાયની નિત્ય ઓટમાં વહી જતો<br /> મહાકાળનો દીર્ઘ નિ:શ્વાસ,<br /> જે કાળ, જે પથિક, પાછળની પાન્થશાળા ભણી<br /> પાછા ફરવાનો મારગ પામે નહીં<br /> એક દિવસ પૂરતોય.<br /> {{Right|ક્ષિતિજ : સપ્ટેમ્બર ૧૯૬૧}}<br /> &lt;/poem&gt;<br /> <br /> <br /> <br /> {{HeaderNav2<br /> |previous = ૬૮. મૃત્યુ<br /> |next = ૭૦. ઓ આમાર ચાઁદેર આલો<br /> }}</div>

MeghaBhavsar