https://wiki.ekatrafoundation.org/index.php?action=history&feed=atom&title=%E0%AA%B0%E0%AA%BE%E0%AA%9C%E0%AB%87%E0%AA%A8%E0%AB%8D%E0%AA%A6%E0%AB%8D%E0%AA%B0_%E0%AA%AA%E0%AA%9F%E0%AB%87%E0%AA%B2%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE%2F%E0%AA%B6%E0%AA%BF%E0%AA%95%E0%AA%BE%E0%AA%B0%E0%AB%80%E0%AA%93_%E0%AA%9C_%E0%AA%B6%E0%AA%BF%E0%AA%95%E0%AA%BE%E0%AA%B0%E0%AB%80%E0%AA%93રાજેન્દ્ર પટેલની કવિતા/શિકારીઓ જ શિકારીઓ - Revision history2026-05-21T13:58:04ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%B0%E0%AA%BE%E0%AA%9C%E0%AB%87%E0%AA%A8%E0%AB%8D%E0%AA%A6%E0%AB%8D%E0%AA%B0_%E0%AA%AA%E0%AA%9F%E0%AB%87%E0%AA%B2%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE/%E0%AA%B6%E0%AA%BF%E0%AA%95%E0%AA%BE%E0%AA%B0%E0%AB%80%E0%AA%93_%E0%AA%9C_%E0%AA%B6%E0%AA%BF%E0%AA%95%E0%AA%BE%E0%AA%B0%E0%AB%80%E0%AA%93&diff=77954&oldid=prevMeghdhanu: +12024-08-25T03:03:23Z<p>+1</p>
<p><b>New page</b></p><div>{{SetTitle}}<br />
{{Heading|૨૯. શિકારીઓ જ શિકારીઓ...|}}<br />
<br />
{{Block center|<poem><br />
આંખ ખોલીને જોઉં છું, <br />
તો, ચારેબાજુ શિકારીઓ જ શિકારીઓ.<br />
<br />
પહેલાં જંગલમાં જવું પડતું <br />
શિકાર ને શિકારી જોવા. <br />
હવે તો બારણું ખોલતાં જ, સામે શિકારી! <br />
વહેમ થાય, શું આપણે તો શિકારી કે શિકાર નથી ને?<br />
<br />
– કે પછી આપણે <br />
મારણ તો નથી બન્યા ને કોઈના <br />
આપણી જાણ બહાર? <br />
દર્પણમાં દરરોજ આપણે જ <br />
શિકાર ને શિકારી હોઈએ છીએ, <br />
પણ મારણ ક્યાં?<br />
<br />
ડગલે ને પગલે પીછો કરતો <br />
પેલો પડછાયોય હવે સારો લાગે છે, <br />
ત્યારે આંખ આગળ વસ્ત્ર ખેંચનાર સામે <br />
તોય કેમ નતમસ્તક છીએ આપણે?<br />
<br />
તારણ તો એ છે <br />
મારણ છે આ ક્ષણ જ શ્વાસના દીર્ઘ પટ પર.<br />
આપણી સાવ લગોલગ <br />
એકદમ વચ્ચોવચ <br />
એક ફેણ વગરનો સુંદર સાપ કેમ સર્યા કરતો લાગે છે?<br />
<br />
દૂધ પિવડાવી પિવડાવી તીવ્ર કર્યાં છે <br />
તેનાં રંગબેરંગી ઝેર. <br />
નહોર હોય તો વાગે તેની તીક્ષ્ણતા <br />
આ તો હળવે હળવે હળાહળ મહાવિષ <br />
લોહીને બદલે ફરતું થયું છે <br />
તેનીય નથી કરી કોઈ તમા!<br />
<br />
શિકારી ઘણી વાર પોતે જ પોતાનો શિકાર કરી નાખે છે <br />
તે વાત હવે સામાન્ય છે <br />
આ ઘનઘોર સ્કાયસ્કેપરોનાં જંગલોમાં.<br />
<br />
જંગલ હોય તો ઝટ નીકળી જવાય બહાર <br />
આ વન વિનાના વનની <br />
આંટીઘૂટીમાં <br />
અજવાળામાંય ભૂલા પડેલા <br />
ભૂધારીઓ જ છે માત્ર છેડો <br />
આ કેડીનો.<br />
ત્રાડ પાડતો ખૂનખાર સાવજ સારો, <br />
લપલપતી જીભવાળાં હિંસક વરુઓનું ટોળુંય ઠીક છે ભાઈ, <br />
પણ અંદરની ગહન ગુફામાં <br />
છુપાયેલા અંધકારનું શું?<br />
<br />
આપણી ત્વચાને અડીને ઊભેલાં <br />
ધીરે ધીરે હાડમાંસમાં સરી જતાં <br />
એ જળ સ્વરૂપો, <br />
બાવડું ઝાલી ડુબાડે <br />
કોઈ ગોઝારી વાવના અવાવરુ પાણીમાં...<br />
<br />
એ અંધકારના પાશનું છે કોઈ કારણ? <br />
કે પછી આપણે જ આપણને <br />
ભીંસીએ છીએ કોઈ કારણ વગર?<br />
<br />
વનના શિકારી પરિશ્રમ અને પરંપરાને પગલે પાગલ છે <br />
ક્ષણોના સસલાઓ પાછળ, <br />
આ વન વિનાના શિકારીઓએ <br />
ઉજ્જડ કરી નાખ્યું છે જીવતું જે કંઈ છે <br />
તે સઘળું. <br />
સબ સલામતની ઘોષણા કરતા <br />
કાળા ધોળા અવાજો <br />
પોતે બની ગયા છે કાળનો કોળિયો <br />
અને સતત બનાવી રહ્યા છે <br />
જે સાથે છે તે તમામનો ધીરે ધીરે કરે છે શિકાર <br />
અથવા તેમને પણ બનાવી દે છે શિકારી!<br />
૦<br />
જનાવર હોઈએ તો કોઈ જનાવર <br />
તરાપ મારે. <br />
ઉદર અર્થે કોઈ છલાંગ વાગે.<br />
આજના શિકારીઓ ગમે તેટલું આરોગે <br />
તોય ભૂખ્યાડાંસ. <br />
નિતનવાં ભક્ષણ કરવાનો <br />
અને જેમ વધુ જમે તેમ વધુ જાગતી ભૂખને <br />
શરણ જઈ પોતાનોય શિકાર કરવાનો બેકાબૂ બનેલો શોખ <br />
માણસ વગર વેરાન કરી દીધી છે આ ભૂમિને. <br />
<br />
કોઈ સાધન વગર, કોઈ મારણ વિના <br />
માત્ર રેતઘડીની સરતી રેતકણની <br />
પૂતળીઓ બની <br />
ખાઈ જાય છે <br />
જગતે સર્જેલી સુંદર સુંદર ક્ષણો. <br />
જરૂરી નથી શિકારીઓ જંગલમાં હોય <br />
કે તમારા વાડામાં. <br />
એ તો છલાંગ મારવા સદા તૈયાર હોય છે <br />
પોતે જ પોતાની સામે.<br />
૦<br />
– છતાંય<br />
શિકારી અને શિકાર <br />
રેત અને જળ <br />
કાળ અને શૂન્યાવકાશ <br />
સઘળાં છે એક દ્વાર <br />
બીજા દ્વાર ભણીનાં... <br />
જે જાણે છે આ, એ શિકારી બનવામાંથી બચે છે <br />
આ જંગલમાં <br />
અંધકારમાં ઓગળતા આ આકારો જ <br />
હોય છે, કદાચ, <br />
એકમાત્ર જીવતી જણસ. <br />
આ વન વગરના મનમાં<br />
અને મન વિનાના વનમાં.<br />
</poem>}}<br />
<br />
<br><br />
{{HeaderNav2<br />
|previous = આંગણું<br />
|next = જાગી જવાની વેળા<br />
}}</div>Meghdhanu