https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%95%E0%AA%B0%E0%AA%B8%E0%AA%A8%E0%AA%A6%E0%AA%BE%E0%AA%B8_%E0%AA%AE%E0%AA%BE%E0%AA%A3%E0%AB%87%E0%AA%95%2F%E0%AA%B6%E0%AA%A4%E0%AA%BE%E0%AA%AC%E0%AB%8D%E0%AA%A6%E0%AB%80%E0%AA%A8%E0%AB%8B_%E0%AA%9C%E0%AA%B2%E0%AA%B8%E0%AB%8B%21 2026-04-22T20:44:54Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%95%E0%AA%B0%E0%AA%B8%E0%AA%A8%E0%AA%A6%E0%AA%BE%E0%AA%B8_%E0%AA%AE%E0%AA%BE%E0%AA%A3%E0%AB%87%E0%AA%95/%E0%AA%B6%E0%AA%A4%E0%AA%BE%E0%AA%AC%E0%AB%8D%E0%AA%A6%E0%AB%80%E0%AA%A8%E0%AB%8B_%E0%AA%9C%E0%AA%B2%E0%AA%B8%E0%AB%8B!&diff=691&oldid=prev 2021-05-27T06:17:03Z

<p>Created page with &quot;&lt;poem&gt; [ગાંધી શતાબ્દી વરસમાં કવિ અમદાવાદ ગયા હતા અને રમખાણોમાં ફસાઈ ગય...&quot;</p> <p><b>New page</b></p><div>&lt;poem&gt;<br /> [ગાંધી શતાબ્દી વરસમાં કવિ અમદાવાદ ગયા હતા અને રમખાણોમાં ફસાઈ ગયા હતા. પૂરા બે દિવસ તો તેમને અમદાવાદ સ્ટેશને રોકાઈ રહેવું પડ્યું હતું. આ કાવ્ય સ્ટેશન પર જ લખાયું છે.]<br /> શતાબ્દીનો જલસો, જુવો ઝગઝગે છે :<br /> ઉરે વૈર-વૃત્તિ, કરોમાં છરા છે,<br /> પૈશાચી પગની ગતિમાં ત્વરા છે,<br /> અહિંસાના યોગીનું આસન હતું જ્યાં<br /> અરે તે જ આ રક્તછલતી ધરા છે.<br /> રે સંતોની યે શ્રદ્ધા જ્યાં ડગડગે છે!<br /> શતાબ્દીનો જલસો, જુવો ઝગઝગે છે!<br /> સરે-આમ સળગે છે માનવ્ય-માળા,<br /> ઊભાઊભા અનાથો જો ભરતા ઉચાળા :<br /> પ્રભુસૂના આકાશે ફરિયાદ કરતા<br /> ધસે સ્થળેસ્થળે ઓશિયાળા ધુમાડા :<br /> ગુનેગારને બે-ગુનાહ રગરગે છે!<br /> શતાબ્દીનો જલસો, જુવો ઝગઝગે છે!<br /> હજુ કાલ જ્યાં ઊડતી પ્રીતિ-છોળો,<br /> ગવાતાં જ્યાં ભક્તિભર્યે કંઠ ધોળો,<br /> તે ‘મારો’! ને ‘કાપો’ના ગોઝારા નાદે<br /> રહી ગાજી બેબાકળી આજે પોળો :<br /> ચુંથાયે છે ચકલાં : ફણી ફગફગે છે!<br /> શતાબ્દીનો જલસો, જુવો ઝગઝગે છે!<br /> હરિ-ઉર ભોંકાય છે આજ ભાલા :<br /> છે ગમગીન લાચાર અલ્લાહતાલા;<br /> આ આદમની ઓલાદ? બ્રહ્માની સૃષ્ટિ?<br /> કે શેતાને પકવ્યા કો’ નિષ્ઠુર નિંભાડા?-<br /> જેની તિરછી દૃગમાં ઝનૂન તગતગે છે!<br /> શતાબ્દીનો જલસો, જુવો ઝગઝગે છે!<br /> છે મહતાજ મસ્જિદ ને મંદિર રડે છે :<br /> જગન્નાથ ના ક્યાંય ગોત્યા જડે છે :<br /> રે આઝાન દઈ દઈને બેજાન નાહક<br /> થયેલો તે મુલ્લાં લૂલો લડથડે છે.<br /> રે ઝાંખપ છે આંખે, પસીનો પગે છે!<br /> શતાબ્દીનો જલસો, જુવો ઝગઝગે છે!<br /> પડ્યા બંધને બાપુનાં પુણ્ય-ખ્વાબો :<br /> થયાં મુક્ત શેતાનરંગી શરાબો.<br /> ને સૂરતી ને સુસ્તી ને સત્તાપરસ્તીની<br /> મસ્તીમાં અવળા પડ્યા ઇન્કિલાબો!<br /> ઇમારત જુઓ, પાયાથી ડગડગે છે!<br /> શતાબ્દીનો જલસો, જુવો ઝગઝગે છે!…<br /> નવાઈ નથી કંઈ, સદા આવું ચાલે!<br /> મવાલી જ મુફલીસી પે ફૂલેફાલે :<br /> પરંતુ ઉઠાવી છે ગાંધીને નામે<br /> આવી ઘોર આંધી, તે આત્માને સાલે!<br /> કવિ-ઉર રોષે, તેથી ધગધગે છે!<br /> શતાબ્દીનો જલસો, જુવો ઝગઝગે છે!…<br /> નથી બળતાં મંદિર, નથી બળતી મસ્જિદ :<br /> નથી રડતો મુલ્લાં, નથી રડતો પંડિત :<br /> બધે એક ઇન્સાનિયત રડતી, સૂરત<br /> અરે, એક કિરતારની થાતી ખંડિત.<br /> ધસે લાવા જલતો જેની રગરગે છે!<br /> શતાબ્દીનો જલસો, જુવો ઝગઝગે છે!<br /> {{Right|[‘જન્મભૂમિ’ દૈનિક : ૧૯૬૯]}}<br /> &lt;/poem&gt;</div>

ArtiMudra