https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%95%E0%AA%B0%E0%AA%B8%E0%AA%A8%E0%AA%A6%E0%AA%BE%E0%AA%B8_%E0%AA%AE%E0%AA%BE%E0%AA%A3%E0%AB%87%E0%AA%95%2F%E0%AA%B9%E0%AA%B0%E0%AA%BF%E0%AA%A8%E0%AA%BE%E0%AA%82_%E0%AA%B2%E0%AB%8B%E0%AA%9A%E0%AA%A8%E0%AA%BF%E0%AA%AF%E0%AA%BE%E0%AA%82 2026-04-24T07:35:38Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%95%E0%AA%B0%E0%AA%B8%E0%AA%A8%E0%AA%A6%E0%AA%BE%E0%AA%B8_%E0%AA%AE%E0%AA%BE%E0%AA%A3%E0%AB%87%E0%AA%95/%E0%AA%B9%E0%AA%B0%E0%AA%BF%E0%AA%A8%E0%AA%BE%E0%AA%82_%E0%AA%B2%E0%AB%8B%E0%AA%9A%E0%AA%A8%E0%AA%BF%E0%AA%AF%E0%AA%BE%E0%AA%82&diff=692&oldid=prev 2021-05-27T06:18:19Z

<p>Created page with &quot;&lt;poem&gt; એક દિન આંસુભીનાં રે હરિનાં લોચનિયાં મેં દીઠાં! પચરંગી ઓચ્છવ ઊછળ...&quot;</p> <p><b>New page</b></p><div>&lt;poem&gt;<br /> એક દિન આંસુભીનાં રે<br /> હરિનાં લોચનિયાં મેં દીઠાં!<br /> પચરંગી ઓચ્છવ ઊછળ્યો’તો અન્નકૂટની વેળા:<br /> ચાંદીની ચાખડીઓએ ચડી ભક્ત થયા’તા ભેળા!<br /> શંખ ઘોરતા, ઘંટ ગુંજતા, ઝાલરું ઝણઝણતી:<br /> શત શગ કંચન આરતી હરિવર-સંમુખ નર્તન્તી.<br /> દરિદ્ર, દુર્બળ, દીન અછૂતો અન્ન વિના રડવડતા,<br /> દેવદ્વારની બહાર ભટકતા ટુકડા કાજ ટટળતા,<br /> તે દિન આંસુભીનાં રે<br /> હરિનાં લોચનિયાં મેં દીઠાં!<br /> લગ્નવેદિ પાવક પ્રજળ્યો’તો, વિપ્ર વેદ ઉચ્ચરતા,<br /> સાજનમહાજન મૂછ મરડતા પોરસફૂલ્યા ફરતા!<br /> જીર્ણ, અજીઠું, પામર, ફિક્કું, માનવપ્રેત સમાણું,<br /> કૃપણ કલેવર કોડભર્યું જ્યાં માંડવડે ખડકાણું!<br /> ‘બ્રાહ્મણવચને સૂરજસાખે’ કોમળ કળી ત્યાં આણી:<br /> ભાવિની મનહર પ્રતિમાની જે દિન ઘોર ખોદાણી!<br /> તે દિન આંસુભીનાં રે<br /> હરિનાં લોચનિયાં મેં દીઠાં!<br /> ભય થરથરતા ખેડૂત ફરતા શરીફ ડાકુ વીંટાયા:<br /> વરુનાં ધાડાં મૃત ઘેટાંની માંસ-લાલચે ધાયાં!<br /> થેલી, ખડિયા, ઝોળી, તિજોરી : સૌ ભરચક્ક ભરાણાં:<br /> કાળી મજૂરીના કરતલને બે ટંક પૂગ્યા ન દાણા!<br /> ધીંગા ઢગલા ધાન્ય તણા સો સુસ્તો માંહીં તણાણા:<br /> રંક ખેડુનાં રુધિરે ખરડ્યાં જે દિન ખળાં ખવાણાં!<br /> તે દિન આંસુભીનાં રે<br /> હરિનાં લોચનિયાં મેં દીઠાં!<br /> હૂંફાળાં રાજવીભવનોથી મમત-અઘોર નશામાં<br /> ખુદમતલબિયા મુત્સદ્દીઓએ દીધા જુદ્ધ-દદામાં!<br /> જલથલનભ સૌ ઘોર અગનની ઝાળ મહીં ઝડપાયાં:<br /> માનવી માનવીનાં ખૂન પીવા ધાયા થઈ હડકાયા!<br /> નવસર્જનના સ્વપ્નસંગી ઉપર ઉછરંગે ઊભરાણાં:<br /> લખલખ નિર્મળ નવલકિશોરો ખાઈઓમાં ખોવાણા!<br /> તે દિન આંસુભીનાં રે<br /> હરિનાં લોચનિયાં મેં દીઠાં!<br /> ખીલું ખીલું કરતાં માસૂમ ગુલ સૂમ શિક્ષકને સોંપાણાં,<br /> કારાગાર સમી શાળાના કાઠ ઉપર ખડકાણાં!<br /> વસંત વર્ષા ગ્રીષ્મ શરદના ભેદ બધાય ભુલાણા:<br /> જીવનમોદ તણા લઘુતમમાં પ્રગતિપદ છેદાણા!<br /> હર્ષઝરણ લાખો હૈયાનાં ઝબક્યાં ત્યાં જ ઝલાણાં:<br /> લાખ ગુલાબી સ્મિત ભાવિનાં વણવિકસ્યાં જ સુકાણાં:<br /> તે દિન આંસુભીનાં રે<br /> હરિનાં લોચનિયાં મેં દીઠાં!<br /> {{Right|[‘આલબેલ’ પુસ્તક : ૧૯૩૫]}}<br /> &lt;/poem&gt;</div>

ArtiMudra