https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%9C%E0%AA%AF%E0%AA%A8%E0%AB%8D%E0%AA%A4_%E0%AA%AA%E0%AA%BE%E0%AA%A0%E0%AA%95%2F%E0%AA%B5%E0%AA%A4%E0%AA%A8%E0%AA%A8%E0%AA%BE_%E0%AA%AA%E0%AA%B9%E0%AA%BE%E0%AA%A1%E0%AB%8B%E0%AA%AE%E0%AA%BE%E0%AA%82 2026-04-22T13:45:52Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%9C%E0%AA%AF%E0%AA%A8%E0%AB%8D%E0%AA%A4_%E0%AA%AA%E0%AA%BE%E0%AA%A0%E0%AA%95/%E0%AA%B5%E0%AA%A4%E0%AA%A8%E0%AA%A8%E0%AA%BE_%E0%AA%AA%E0%AA%B9%E0%AA%BE%E0%AA%A1%E0%AB%8B%E0%AA%AE%E0%AA%BE%E0%AA%82&diff=1046&oldid=prev 2021-05-29T13:03:27Z

<p>Created page with &quot;&lt;poem&gt; … મેં તમને શૈશવમાં આંખો ભરીને જોયા છે :… ઉનાળાની સાંજે એકાએક સળગ...&quot;</p> <p><b>New page</b></p><div>&lt;poem&gt;<br /> … મેં તમને શૈશવમાં આંખો ભરીને જોયા છે :…<br /> ઉનાળાની સાંજે એકાએક સળગી ઊઠતા;<br /> ભૂખરી જટાઓમાં ધારાઓને ઝીલતા<br /> ક્યારેક ભૂરા, ક્યારેક લીલા રંગોમાં ખીલતા. …<br /> *<br /> આજે<br /> આયુષ્યની આથમતી સાંજે<br /> તમારી તળેટીમાં પહોંચ્યો છું<br /> આછાઓછા વગડામાં<br /> સાગડાનાં પડેલાં પાન પવનમાં ઊડે છે<br /> અહીંતહીં ઢોર-બકરાં<br /> રહીસહી વનસ્પતિ ચરે છે<br /> પુરાઈ ગયેલી જીર્ણ વાવનાં પાંદ-ઢાંક્યાં પાણી<br /> ગોવાળિયાઓ પોશે પોશે પીએ છે.<br /> ઉપર-તળે ગોઠવાયેલા પથ્થરોનાં પોલાણમાં<br /> હૂ હૂ કરતા દોડાદોડ કરે વાયરા;<br /> જાણકારની જબાન શિલાલેખો ભણે છે :<br /> અહીં હતો રાણીનો મહેલ<br /> — પુરાણી ઈંટો પર લાકડી ઠોકે છે —<br /> આ એમનાં લગનની ચોરી<br /> પથ્થરના પાત્રમાં પૂર્યાં કંકુ-ચોખા<br /> આ રાણીનો ઢોલિયો ખુલ્લામાં<br /> ચાંદની ઓઢી સૂતી હશે ચાંદ જેવી!<br /> અહીં હતો રાજા-રાણીનો ઝૂલો<br /> હળુ હળુ ગાન, તાલી દેતું હશે રાન!<br /> — હજીય બપોરે<br /> કહે છે કે કોઈ કોઈને સંભળાય છે કિચૂડકિચૂડ —<br /> પથ્થરોની છાટોમાંથી તગતગે અબરખ<br /> આંખોમાં ભોંકાય સો સો તીરનાં તેજ!<br /> સામસામે<br /> કાન સુધી તાણી કામઠાં<br /> ઊભી છે આદિવાસીઓની સેના<br /> કિલકારીઓથી કંપાયમાન પ્હાડ-ઝાડની કાયા<br /> પણછ તણાય, છૂટે સનનન બાણ<br /> શત્રુની છાતી લોહીલુહાણ!<br /> ઢોર વાળી જતા સાથે<br /> ધીંગાણામાં ખપ્યા શૂરવીર<br /> તેમના આ વડ-થડ પાસે પાળિયા —<br /> અહીં શિર, તહીં ધડ, હાથ, પગ, અંકિત<br /> ચાંદા-સૂરજ<br /> બધું છિન્નભિન્ન, કાળના કુઠારાઘાતે રજ રજ.<br /> *<br /> શું સંભારવું? શું સંભરવું?<br /> ઉપાડું છું આ એક અબરખીઓ પથ્થર<br /> ઘાલું છું ખભે ઝૂલતી ઝોળીમાં<br /> પડી ર્હેશે ઘેર મારે નગરમાં, શો-કેઇસમાં<br /> ચકચક એના અજવાળામાં<br /> દેખાશે આ વતનના ડુંગરા, સદનમાં, મનમાં —<br /> મન?!<br /> તે તો રહી ગયું પાછળ<br /> વનની કંટકકેડીઓમાં<br /> પહાડપીઠે પડેલી પગલીઓમાં<br /> દૂઝતી બાવળ અને ગુગળની ડાળીઓમાં<br /> સૂકાં-લીલાં તરણાંમાં<br /> ખાલી-ભર્યાં ઝરણાંમાં<br /> ભટકતું રહેશે પ્હાડ-ઝાડમાં પવન જેવું<br /> અધરાતે મધરાતે ત્રાડ-રાડ સાંભળતું<br /> ઉનાળે ઊકળતું, શિયાળે શીતળ થતું<br /> વરસાદી વાયરામાં ધૂણી જતું<br /> પલળતું ગરજતું ચમકતું…<br /> *<br /> દેહ હવે ખર્યું પાન, ખરી જશે;<br /> અસ્વસ્થ આ મન<br /> કણસતું કાળમીંઢ ખડકોમાં<br /> ભવાન્તરો ભટકશે<br /> — અશ્વત્થામન્…<br /> {{Right|[‘શૂળી ઉપર સેજ’ પુસ્તક : ૧૯૮૮]}}<br /> &lt;/poem&gt;</div>

ArtiMudra