https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%AA%E0%AB%8D%E0%AA%B0%E0%AA%AC%E0%AB%8B%E0%AA%A7_%E0%AA%9C%E0%AB%8B%E0%AA%B6%E0%AB%80%2F%E0%AA%B8%E0%AB%8D%E0%AA%AE%E0%AB%83%E0%AA%A4%E0%AA%BF_%E2%80%93 2026-05-20T21:49:34Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%AA%E0%AB%8D%E0%AA%B0%E0%AA%AC%E0%AB%8B%E0%AA%A7_%E0%AA%9C%E0%AB%8B%E0%AA%B6%E0%AB%80/%E0%AA%B8%E0%AB%8D%E0%AA%AE%E0%AB%83%E0%AA%A4%E0%AA%BF_%E2%80%93&diff=1587&oldid=prev 2021-06-03T12:17:54Z

<p>Created page with &quot;&lt;poem&gt; (સમય: માર્ચ ૧૯૭૪નો, ગુજરાતમાં નવનિર્માણ ચળવળનો) વી. એસ. હોસ્પિટલ:...&quot;</p> <p><b>New page</b></p><div>&lt;poem&gt;<br /> (સમય: માર્ચ ૧૯૭૪નો, ગુજરાતમાં નવનિર્માણ ચળવળનો)<br /> વી. એસ. હોસ્પિટલ: રાતના ૧૨-૪૦. નર્સના આંટાફેરા.<br /> ટપોટપ એમ્બ્યુલન્સો આવવા લાગે.<br /> હાંફની વધઘટ વચ્ચે સવાર પડે ને સામેની અગાસીએ,<br /> કોઈ બાળકના રડમસ ચહેરા જેવો, ઝાંખો સૂરજ ચડવા લાગે.<br /> ઘેનનું ઇન્જેક્શન સહસા ઊતરી ગયું હોય એમ,<br /> હોસ્પિટલ સફાળી બેઠી થઈ જાય.<br /> દૂધવાળાઓ, ચાવાળાઓ, સ્વીપર્સ, સફેદ વસ્ત્રોની ફરફર<br /> —જોતો રહું ને નિસ્સહાયતાની ચાદર સહેજ નજીક ખેંચું...<br /> (અને એક દિવસ, એટલે કે ૩ માર્ચ, ૧૯૭૪)<br /> પ્રવેશતાંવેંત, બારી પાસે તાજો જ પ્રગટાવેલો દીવો.<br /> મારી નજર સમક્ષ, મેં સાંભળેલી બધી જ વિધિઓ તરવરવા લાગે.<br /> બધા—બધા જ પ્રયત્નો પર સફેદ ચાદરનું ઢંકાઈ જવું.<br /> (વતન વડનગરમાં એમની સ્મૃતિ)<br /> ખડકીના ગોખલા આગળ એમણે કરેલો સાથિયો.<br /> તમાકુનું ભૂંગળાળું પડી રહેતું એ જગ્યા,<br /> જ્યાં તેઓ પાઠ કરવા બેસતા એ જૂના ઘરનો ઉંબરો,<br /> અને ફરી પાછું ખડકીના ગોખલામાં પડી રહેતું એમનું પંચિયું.<br /> પાણિયારે દોરેલા ગણપતિ પાસે પડી રહેતા પાટલા પર<br /> બેસી જમતાં-જમતાં ક્યારેક કહેલી અમદાવાદની નવાજૂની<br /> —બધું, બધું જ યાદ આવી ગયું.<br /> મેડા ઉપર બારી પાસે પડી રહેલા ખાટલે,<br /> એમની આદતે, માથે ધોતિયાનો કકડો મૂકી આડો પડ્યો,<br /> તો ખાસ્સી કલાકેક ઊઘ આવી ગઈ.<br /> હોસ્પિટલના ત્રીજા માળના ખુલ્લા ગવાક્ષમાંથી<br /> જેની પ્રતીક્ષા કરું છું તે એમ્બ્યુલન્સ આવી લાગે છે.<br /> એક ધબકતો દેહ, ઋષિચહેરો<br /> —સ્ટ્રેચરમાં લવાતો અને થોડા દા’ડા કેડે લઈ જવાતો—<br /> જોઉં છું અને મને જૂના ઘરને પલ્લે બેસતા,<br /> તમાકુનું ભૂંગળાળું ફંફોસવા માટે ખિસ્સામાં હાથ નાખતા,<br /> ઉતાવળમાં બંડીનાં બટન બંધ કરવાનું ભૂલી જતા<br /> અને માથે ઊધી કાળી ટોપી પહેરતા,<br /> ગુનગુન પાઠ કરતા ‘શિવમહિમ્ન: સ્તોત્ર’નો,<br /> બપોરે પીઠ ફેરવીને આડા પડતા,<br /> જોરજોરથી બૂમો પાડીને મને ઉઠાડતા દાદા યાદ આવ્યા<br /> —એમનો ફોટો સાફ કરતાં એમાં મારું પ્રતિબિંબ દેખાય છે<br /> અને એમની સાથે રહેલા મને મળવા<br /> હું એકાએક દોટ મૂકું છું,<br /> તો ઠેસ વાગે છે અને ફસડાઈ પડું છું—<br /> આ લિસ્સા કાગળ પર.<br /> &lt;/poem&gt;</div>

ArtiMudra