https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%AC%E0%AA%BE%E0%AA%B2%E0%AA%AE%E0%AB%81%E0%AA%95%E0%AB%81%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87%2F%E0%AA%AE%E0%AB%81%E0%AA%95%E0%AB%8D%E0%AA%A4%E0%AA%BF%E0%AA%AE%E0%AA%BF%E0%AA%B2%E0%AA%A8 2026-04-24T14:34:53Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%AC%E0%AA%BE%E0%AA%B2%E0%AA%AE%E0%AB%81%E0%AA%95%E0%AB%81%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87/%E0%AA%AE%E0%AB%81%E0%AA%95%E0%AB%8D%E0%AA%A4%E0%AA%BF%E0%AA%AE%E0%AA%BF%E0%AA%B2%E0%AA%A8&diff=1720&oldid=prev 2021-06-04T06:51:34Z

<p>Created page with &quot;&lt;poem&gt; [૧૫ ઓગસ્ટ, ૧૯૫૦] ૧ મુક્તિમિલન? આ તે, અહો! આ તે, કહો, કેવું મિલન? જે જાગ...&quot;</p> <p><b>New page</b></p><div>&lt;poem&gt;<br /> [૧૫ ઓગસ્ટ, ૧૯૫૦]<br /> ૧<br /> મુક્તિમિલન?<br /> આ તે, અહો!<br /> આ તે, કહો, કેવું મિલન?<br /> જે જાગતાં ઝંખ્યું હતું<br /> ને ઊંઘતાં સો સો અજંપે જે સદા ડંખ્યું હતું—<br /> તે આજ જ્યારે આંખ સામે છે છતું<br /> ત્યારે, અરે, સિદ્ધિ તણા આનંદથી<br /> રૂંવું ય કાં ના ફરકતું?<br /> જે માગતા’તા તે મળ્યું,<br /> ખોવાયલું મોતી જડ્યું,<br /> સ્વપ્નું હતું તે સત્ય થઈ જ્યારે ફળ્યું—<br /> ત્યારે, કહો, એવું કશું ઓછું પડ્યું<br /> કે હર્ષથી ના લેશ રે ઉર ઊછળ્યું?<br /> સામે સમંદર ડોલતો<br /> તે શું નર્યો ઝાકળ તણો?<br /> આ બાગ રૂપાળો ખીલ્યો<br /> તે શું બન્યો કાગળ તણો?<br /> ચોપાસ માયાભાસ શો!<br /> ચિતાર જાતો ના સહ્યો આગળ તણો!<br /> ૨<br /> ઘેલી મિલનની ઝંખના!<br /> રોળ્યાં રતન કૈં રંકનાં!<br /> હસતે મુખે બેટો વળાવી માવડી<br /> છાને ખૂણે જૈ બે ઘડી લેતી રડી!<br /> પે…લી પડી—<br /> ઠેબે ચડી!-<br /> કો’ કોડવંતી નારની નંદાયલી રે બંગડી!<br /> કેવા હતા એ વાયરા!<br /> વેદી પરે તાજા ઊના<br /> શોણિતની ચાલી હતી કેવી સરા!<br /> ભીની હજી તો છે ધરા!<br /> ૩<br /> શું એ બધી લીલા હતી એ એકની?<br /> ને એ જતાં—<br /> નિસ્તેજ પાછાં રે બની<br /> જોઈ રહ્યાં વિમૂઢ શાં સૌ એકબીજાંની ભણી!<br /> પ્યારા વતન!<br /> મૂંઝાયલું પૂછી રહ્યું છે આજ મન :<br /> આ શું ઉદય છે ભાગ્યનો?—<br /> કે આવતું ઘેરું વધુ બીજું પતન?<br /> આરોહણે આ ઊર્ધ્વના<br /> ઊભી થતી ને લથડતી શી ભારતી!<br /> છૂટી જતાં રે ધર્મ કેરી આંગળી<br /> જાણે હિમાળે દ્રૌપદી જાતી ગળી!<br /> તાણી વિજયની સોડ, હા!<br /> સામે પરાજયને ઉશીકે હાંફતું<br /> કારુણ્યનું, રે, કાવ્ય કેવું છે ઢળ્યું!<br /> ૪<br /> —ને તે છતાં,<br /> આરંભ કીધી છે હવે જે જાતરા,<br /> સો સો વટાવીને મુસીબત-ડુંગરા<br /> આગે બઢાવ્યે છે જવી.<br /> જે આપણો છે સંઘવી,<br /> તે શ્વાનને યે સાથમાં લીધા વિના<br /> દાખલ થવાની સ્વર્ગમાં પાડી દિયે છે સાફ ના!<br /> તેને વળી શું જંપ કે<br /> પ્હોંચ્યા વિના મુકામ એનો સંઘ આ?<br /> શ્રદ્ધા ભરીને શ્વાસમાં,<br /> આગે બઢીશું હાથ ગૂંથી હાથમાં;<br /> બાહુ પસારીને ઊભો છે તેડતો<br /> એની અનુકંપાભરેલી બાથમાં.<br /> &lt;/poem&gt;</div>

ArtiMudra