https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%AC%E0%AA%BE%E0%AA%B2%E0%AA%AE%E0%AB%81%E0%AA%95%E0%AB%81%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87%2F%E0%AA%B8%E0%AA%82%E0%AA%97%E0%AA%AE 2026-04-19T02:40:29Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%AC%E0%AA%BE%E0%AA%B2%E0%AA%AE%E0%AB%81%E0%AA%95%E0%AB%81%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87/%E0%AA%B8%E0%AA%82%E0%AA%97%E0%AA%AE&diff=1714&oldid=prev 2021-06-04T06:45:35Z

<p>Created page with &quot;&lt;poem&gt; ૧ સખી, આપણો તે કેવો સહજ સંગમ! ઊડતાં ઊડતાં વડલા-ડાળે, આવી મળે જેમ કો...&quot;</p> <p><b>New page</b></p><div>&lt;poem&gt;<br /> ૧<br /> સખી, આપણો તે કેવો સહજ સંગમ!<br /> ઊડતાં ઊડતાં વડલા-ડાળે,<br /> આવી મળે જેમ કોઈ વિહંગમ-<br /> એમ મળ્યાં ઉર બે અણજાણ;<br /> વાર ન લાગી વહાલને જાગતાં :<br /> જુગજુગની જાણે પૂરવપિછાણ!<br /> પાંખને ગૂંથી પાંખમાં ભેળી,<br /> રાગની પ્યાલી રાગમાં રેડી,<br /> આપણે ગીતની બંસરી છેડી.<br /> રોજ પ્રભાતે ઊડતાં આઘાં,<br /> સાંજરે વીણી વળતાં પાછાં :<br /> તરણાં, પીછાં, રેશમી ધાગા;<br /> શોધી ઘટાળી ઊંચેરી ડાળો,<br /> મશરૂથી યે સાવ સુંવાળો<br /> આપણે જતને રચિયો માળો.<br /> એકમેકમાં જેમ ગૂંથાઈ<br /> વડલાની વડવાઈ, રૂપાળી<br /> તેજ-અંધારની રચતી જાળી,<br /> રોજિંદી ઘટમાળમાં તેવાં<br /> હૂંફભર્યા સહવાસથી કેવાં<br /> આપણાં યે સખી, દોય ગૂંથાયાં!<br /> અંતર પ્રેમને તંત બંધાયાં!<br /> ઋતુઋતુના વાયરા જોયા,<br /> ભવના જોયા તડકા-છાંયા;<br /> ભાગ્યને ચાકડે ઘૂમતાં ઘૂમતાં<br /> જિંદગીના કેવા ઘાટ ઘડાયા!<br /> આપણે એમાં સાવ નિરંજન,<br /> સુખને, દુખને ભોગવે કાયા;<br /> જે જે, સખી, દીનાનાથે દીધું,<br /> આપણે તે સંતોષથી પીધું;<br /> સંગ માણી ભગવાનની માયા!<br /> ૨<br /> જોને, સખી, જગવડલા હેઠે<br /> ઋણસંબંધે આવી ચડેલો<br /> કેવો મળ્યો ભાતભાતનો મેળો!<br /> કોક ખૂણે સંસારિયાં ઋણી :<br /> કોક ખૂણે અવધૂતની ધૂણી!<br /> કોક પસંદ કરે સથવારો :<br /> કોક વળી નિ :સંગ જનારો!<br /> ભોર ભઈ તોય ઘોરતો ગાફલ :<br /> કોક સચેત અખંડ જ જાગે!<br /> કોક ઉતારી બોજની ભારી,<br /> ખાઈ પોરો પલ ચાલવા લાગે!<br /> અમલકસૂંબા ઘોળતી પેલી<br /> જામતી રાતે જામતી ડેલી;<br /> કરમી, ધરમી, મરમી વચ્ચે<br /> ગ્યાનની કેવી ગોઠ મચેલી!<br /> ઢળતી ઘેઘૂર છાંયડી હેઠી<br /> ભજનિકોની મંડળી બેઠી;<br /> ઉરને સૂરના સ્નેહથી ઊંજે,<br /> ઘેરો ઘેરો રામસાગર ગુંજે!<br /> ૩ <br /> વગડાના સૂનકારને માથે<br /> તડકો કેવો ઝાપટાં ઝીંકે!<br /> આવી જાણે પ્રલ્લેકાળની વેળા :<br /> જીવ ચરાચર કંપતા બીકે!<br /> તો ય જોને પેલું ધણ રે ધ્યાની :<br /> નિજાનંદે જાણે ડોલતો જ્ઞાની!<br /> હોલા ભગતને ધૂન શી લાગી!<br /> તૂહી તૂહી કેવો ગાય વેરાગી!<br /> ચોખૂણિયા પેલી ચોતરી વચ્ચે<br /> કોક અનામી સતીમાની દેરી;<br /> પાસે ઊભો પેલો પાળિયો ખંડિત<br /> શૌર્યકથાઓનાં ફૂલડાં વેરી.<br /> એક કોરે પેલી પરબવાળી<br /> તરસ્યા કંઠની આરત જાણી,<br /> કોરી માટીની મટકી માંહી<br /> સંચકી બેઠી શીતલ પાણી.<br /> મટકીનું પીને ઘૂંટડો પાણી,<br /> ભવનો મેળો ભાવથી માણી,<br /> આપણે યે વિશરામ કરી ઘડી<br /> ઊડશું મારગ કાપતાં આગે;<br /> થોભશું ક્યાંક જરી પથમાં વળી<br /> પાંખને થાક જ્યહીં, સખી, લાગે.<br /> આંખ ભરી ફરી નીરખી લેશું,<br /> આપણે સંગ જે યાતરા ખેડી;<br /> પાંખમાં વેગ ભરી નવલા, ફરી<br /> કાપશું કોટિક તેજની કેડી…<br /> તેજની કેડી… તેજની કેડી…<br /> &lt;/poem&gt;</div>

ArtiMudra