https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%AE%E0%AA%95%E0%AA%B0%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87%2F%E0%AA%AA%E0%AA%82%E0%AA%A1%E0%AA%A8%E0%AA%BE%E0%AA%82_%E0%AA%AA%E0%AA%BE%E0%AA%A4%E0%AA%BE%E0%AA%B3%E0%AA%AA%E0%AA%BE%E0%AA%A3%E0%AB%80
સમગ્ર અરધી સદીની વાચનયાત્રા/મકરન્દ દવે/પંડનાં પાતાળપાણી - Revision history
2026-04-23T06:08:05Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%AE%E0%AA%95%E0%AA%B0%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87/%E0%AA%AA%E0%AA%82%E0%AA%A1%E0%AA%A8%E0%AA%BE%E0%AA%82_%E0%AA%AA%E0%AA%BE%E0%AA%A4%E0%AA%BE%E0%AA%B3%E0%AA%AA%E0%AA%BE%E0%AA%A3%E0%AB%80&diff=1794&oldid=prev
ArtiMudra: Created page with "<poem> દુષ્કાળ ઉપર દુષ્કાળ વરસ આતમનાં! ઘોડાપૂર ગયાં ક્યાં ઘૂઘવતાં? શેવ..."
2021-06-05T03:57:12Z
<p>Created page with "<poem> દુષ્કાળ ઉપર દુષ્કાળ વરસ આતમનાં! ઘોડાપૂર ગયાં ક્યાં ઘૂઘવતાં? શેવ..."</p>
<p><b>New page</b></p><div><poem><br />
દુષ્કાળ ઉપર દુષ્કાળ વરસ આતમનાં!<br />
ઘોડાપૂર ગયાં ક્યાં ઘૂઘવતાં?<br />
શેવાળ હવે તો ખરસટ, સૂકોભટ રેતાળ<br />
પડયો પટ દૂર દૂર, ભગ્નાશ હૃદય<br />
ગોથું ખાતું, ચિત્કાર કરી ચકરાતું.<br />
તાપ — બળી, તલખ-વલખતી સમળી — શું દુષ્કાળ!<br />
ક્યાં જાવું? મન, જબ્બર બંધ તણી માયા છોડો!<br />
મોડો મુખ જગ-વિસ્તરતાં છિલ્લર વારિ થકી.<br />
પોતીકા નાના ખેતરમાં<br />
આ ઊંડા ભમ્મર, તરછોડયા કૂવા પર ઝૂક્યાં<br />
ઝાડઝાંખરાં, વેલા, કાળા વિષધર કેરા<br />
કરો રાફડા સાફ; જવું ઊંડે ઊંડે ઊંડે.<br />
પહાડની છાતી ચીરી, અંધારાં ભેદી<br />
ધરતીની ધોરી નસ પામીને<br />
સેંજળ છલકાવો! લાવો, જોડો પાછો<br />
એ કાટ ચડેલો કોશ : કિચુડ-બોલે ગાશે<br />
પંખી પાછાં, ક્યારી ક્યારીમાં રેલ<br />
નાચતી મલકાશે; દુશ્કાળ ભલે ભેંકાર<br />
ખડો જમદાઢ કચડતો માથા પર!<br />
એકાકી, એકાંતઘોર મંડાણ પરે<br />
મથવું પડશે એકલપંડે દિનરાત<br />
રાતદિન જંપ વિના, જાગે નહીં જ્યાં લગ<br />
ઝળહળ નિરમળ અનગળ જળ.<br />
દુષ્કાળ! આવ, ધર ખોબો, પી જળ ઘટક ઘટક.<br />
{{Right|[‘સમર્પણ’ પખવાડિક : ૧૯૬૪]}}<br />
</poem></div>
ArtiMudra