https://wiki.ekatrafoundation.org/index.php?action=history&feed=atom&title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE%2F%E0%AA%AE%E0%AA%95%E0%AA%B0%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87%2F%E0%AA%AD%E0%AB%8B%E0%AA%B2%E0%AA%BE%E0%AA%B0%E0%AA%BE%E0%AA%AE%E0%AA%A8%E0%AB%80_%E0%AA%9B%E0%AA%AC%E0%AB%80 2026-04-26T00:02:49Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AA%AE%E0%AA%97%E0%AB%8D%E0%AA%B0_%E0%AA%85%E0%AA%B0%E0%AA%A7%E0%AB%80_%E0%AA%B8%E0%AA%A6%E0%AB%80%E0%AA%A8%E0%AB%80_%E0%AA%B5%E0%AA%BE%E0%AA%9A%E0%AA%A8%E0%AA%AF%E0%AA%BE%E0%AA%A4%E0%AB%8D%E0%AA%B0%E0%AA%BE/%E0%AA%AE%E0%AA%95%E0%AA%B0%E0%AA%A8%E0%AB%8D%E0%AA%A6_%E0%AA%A6%E0%AA%B5%E0%AB%87/%E0%AA%AD%E0%AB%8B%E0%AA%B2%E0%AA%BE%E0%AA%B0%E0%AA%BE%E0%AA%AE%E0%AA%A8%E0%AB%80_%E0%AA%9B%E0%AA%AC%E0%AB%80&diff=1796&oldid=prev 2021-06-05T04:00:00Z

<p>Created page with &quot;&lt;poem&gt; (૧) ખૂણે બેસી ખાય ને જોઉં તો ઊભે વગડે ગાય રે, ભોલા! કેમ કરી તને ઘેર બ...&quot;</p> <p><b>New page</b></p><div>&lt;poem&gt;<br /> (૧)<br /> ખૂણે બેસી ખાય ને જોઉં તો<br /> ઊભે વગડે ગાય રે, ભોલા!<br /> કેમ કરી તને ઘેર બોલાવી<br /> હેતને કોળિયે સાથ જમાડું?<br /> કેમ કરી તારે એકલ મારગ<br /> હાથમાં લઈને હાથ રમાડું?<br /> હાટ-બજારે સૂનો સમ ને<br /> વગડે પડઘો થાય રે, ભોલા!<br /> અંધકારે ઓળો થઈને<br /> ચાલ, તું જીવ, ખંડેરને ખૂણે,<br /> વાયરે મારા પ્રાણ પરોવી<br /> આવ રે કોઈ અતીતને ધૂણે,<br /> હોઠમાં દૂધિયું હાસ ફોરે ને<br /> કંઠમાં કંઠ સમાય રે, ભોલા!<br /> (૨)<br /> ધરતી અગનઝાળમાં પડી,<br /> ભરતી તારે ગગન ચડી,<br /> દવને પાદર, પ્રેમની ભાદર<br /> ભર કાંઠે તું વહાવ રે, ભોલા!<br /> આભનાં ખેતર ખુલ્લંખુલ્લા,<br /> કોઈ દિશે નહીં વાડ રે, દુલ્લા!<br /> કોણ રોકે તને વાટમાં, ભીતર<br /> ઘણના ઘાવ લગાવ રે, ભોલા!<br /> એ જ તો આપણી પ્રીતની ખૂબી,<br /> મોજમાં ડોલે, જાય જે ડૂબી,<br /> મન મૂકી તારા મોતની વાંસળી<br /> જિંદગીભર બજાવ રે, ભોલા!<br /> મેઘ આષાઢીલો હાથથી ખાલી,<br /> શરદરાસમાં આપતો તાલી.<br /> પંડને તુંયે પૂર કપૂરમાં<br /> મઘમઘાટે મિટાવ રે, ભોલા!<br /> (૩)<br /> આજ તો ભોલા, એમ થવા દે,<br /> જેમને કે’વું હોય કે’વા દે.<br /> મૂછને મરડી, આંખથી કરડી<br /> જાલમસંગ આ જોતા હોય તો<br /> મરને જોતા. ડાયાડમરા, ડોસલા<br /> બોખલે મોઢે હસતા હોય<br /> ને જાણે બધુંય જાણતા હોય<br /> ને ધીરે ગુસપુસોની લાપસી માણતા હોય<br /> ને ત્યારે<br /> મંછારામની સીતલી, વળી<br /> સામતા વાઘરી કેરા છોરા<br /> રામલાના તું<br /> હાથમાં મેળવી હાથ હાલ્યો જા<br /> ભરબજારે<br /> ભે-વિના તલભાર. તું તારે<br /> રૂડા વીવા કેરા મંગળ મન્તર ભણતો<br /> આભના માંડવા હેઠ, સૂરજની સાખે, ભોલા!<br /> મન મૂંગાની પ્રીતના સોનલ તારને વણતો<br /> નીકળી પડ.<br /> ને ત્યાં જ ધડાધડ<br /> લાઠિયું પડશે, માથું ફૂટશે.<br /> ભોલા, ભવની બેડિયું<br /> તડાતડ ન્યાં તૂટશે.<br /> રંગ રે ભોલા, આજ સપરમા દા’ડે,<br /> આતમઘાતે ચડતા ગભરુ જીવને વાડે<br /> મૂળ સોતા તું નાખ ઉખાડી<br /> કારમા ખીલા,<br /> પે’રામણીમાં પ્રેમમાં આપી<br /> ભોલારામની ભેટનાં<br /> સાચાં રાચરચીલાં<br /> <br /> {{Right|[‘કવિલોક’ બે-માસિક : ૧૯૯૮]}}<br /> &lt;/poem&gt;</div>

ArtiMudra