https://wiki.ekatrafoundation.org/index.php?action=history&feed=atom&title=%E0%AA%B8%E0%AA%BE%E0%AA%B9%E0%AA%BF%E0%AA%A4%E0%AB%8D%E0%AA%AF_%E0%AA%AA%E0%AA%B2%E0%AB%8D%E0%AA%B2%E0%AA%B5_%E2%80%93_%E0%AA%AD%E0%AA%BE%E0%AA%97_%E0%AB%A8%2F%E0%AA%A7%E0%AB%82%E0%AA%AE%E0%AB%8D%E0%AA%B0%E0%AA%A8%E0%AB%87સાહિત્ય પલ્લવ – ભાગ ૨/ધૂમ્રને - Revision history2026-04-08T00:23:07ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%B8%E0%AA%BE%E0%AA%B9%E0%AA%BF%E0%AA%A4%E0%AB%8D%E0%AA%AF_%E0%AA%AA%E0%AA%B2%E0%AB%8D%E0%AA%B2%E0%AA%B5_%E2%80%93_%E0%AA%AD%E0%AA%BE%E0%AA%97_%E0%AB%A8/%E0%AA%A7%E0%AB%82%E0%AA%AE%E0%AB%8D%E0%AA%B0%E0%AA%A8%E0%AB%87&diff=109205&oldid=prevMeghdhanu: +12026-04-02T02:16:53Z<p>+1</p>
<p><b>New page</b></p><div>{{SetTitle}}<br />
{{Heading|ધૂમ્રને|(વસંતતિલકા)}}<br />
{{Block center|<poem><br />
આ શ્યામ મેઘ નભમાં ચડતો નિહાળી, <br />
તેમાં દીસે મળી જવા થઈ વૃત્તિ તારી; <br />
રે! ધૂમ્ર! અંબરપથે ચડવા ચહે શું? <br />
ને એથી આશ્રય સમીર તણો કરે શું? <br />
એવો તને ન અધિકાર, ન શક્તિ તારી, <br />
તારો ન એ ઘન સજાતીય વ્યોમવાસી; <br />
સ્વર્માર્ગ એ વિમળને વસવા તણો છે, <br />
પ્રાણર્પણે પ્રણયીના હૃદયે ગ્રહ્યો છે. <br />
તું સર્વથા મલિન, નિંદિત ને નઠારો, <br />
ક્યાંથી પવિત્ર પદ એ કદી પામવાનો? <br />
એ વારિએ જગ વિષે વસી શું કર્યું છે, <br />
એના વિચાર વિણ કાં અથડાય ઊંચે?<br />
માલિન્ય એ સકળ વિશ્વતણું મટાડે, <br />
સંસર્ગથી પરમ શત્ય વળી પમાડે; <br />
સંતાપ સૌ હૃદયમાં વસીને નિવારે, <br />
ને અન્ય કાર્ય નિજ દેહ ત્યજી સુધારે.<br />
તે સૃષ્ટિને શિર વિહાર કરી શકે છે, <br />
સ્વચ્છંદ સ્વર્ગવનમાં વિચરી શકે છે : <br />
દૃષ્ટિ વડે પણ જગદ્ભય એ હરે છે, <br />
ને શબ્દમાત્ર થકી સાન્ત્વન એ કરે છે. <br />
આ કૈંક કાળ પરશ્રેય કર્યા વિનાનો, <br />
વિતાડવો અહીં પડે ઉર શોક એનો; <br />
એથી ખરે! વદન ખિન્ન થયું દીસે છે. <br />
ના શ્યામતા તુજ સમી વપુ એ વિષે છે.<br />
તું તો ઘડી અહીં તહીં ફરી આસપાસે, <br />
આ વૃક્ષ, શૈલ. રજમાં પડી શાંત થાશે; <br />
એ સર્વ માંહી તુજ કલ્મષ લિપ્ત થાશે. <br />
તે મેઘના જળ વિના ન કદાપિ જશે. <br />
તું સર્વને મલિન સંગતિથી કરે છે. <br />
ને દોષ એ જલદ જીવન દૈ હરે છે; <br />
એવો પરસ્પર વિરોધ જહાં વસે છે, <br />
ત્યાં ઐક્યથી વિલસવા ઉર કાં ચહે છે?</poem>}}<br />
{{center|'''સ્વાધ્યાય'''}}<br />
{{Hi|1em|૧. અંબરપથે મેઘ સાથે ચડવાનો ધૂમ્રને કેમ અધિકાર નથી?}}<br />
{{Hi|1em|૨. વારિએ જગ વિષે શું શું કર્યું છે?}}<br />
{{Hi|1em|૩. મેઘમાં જે શ્યામતા દેખાય છે તે શાને લીધે આવ્યાનું કવિ માને છે?}}<br />
{{Hi|1em|૪. ધૂમ્રની પ્રવૃત્તિ કઈ કઈ છે અને તેનું શું પરિણામ આવશે?}}<br />
{{Hi|1em|૫. ધૂમ્રે કરેલા દોષને અંગે મેઘ શા માટે પ્રાણર્પણ કરે છે? એ દોષ કયા? એ પ્રાણાર્પણ એટલે શું}}<br />
{{Hi|1em|૬. જેમ આ ધૂમ્ર અને મેઘનું કાવ્ય છે તેમ કાચ અને હીરો, આળિયો અને તારો, દીવો અને સૂરજ, એવાં જુદાં જુદાં જોડકાં વિચારી કાઢી તે ઉપર ટૂંકી ગદ્ય-નિબંધિકા લખો.}}<br />
<br><br />
{{HeaderNav2<br />
|previous = દામોદર ખુ. બોટાદકર<br />
|next = બલવંતરાય કલ્યાણરાય ઠાકોર<br />
}}</div>Meghdhanu