https://wiki.ekatrafoundation.org/index.php?action=history&feed=atom&title=%E0%AA%B8%E0%AB%8B%E0%AA%B0%E0%AA%A0%E0%AB%80_%E0%AA%B8%E0%AA%82%E0%AA%A4%E0%AA%B5%E0%AA%BE%E0%AA%A3%E0%AB%80%2F5 2026-04-11T03:56:51Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%B8%E0%AB%8B%E0%AA%B0%E0%AA%A0%E0%AB%80_%E0%AA%B8%E0%AA%82%E0%AA%A4%E0%AA%B5%E0%AA%BE%E0%AA%A3%E0%AB%80/5&diff=35641&oldid=prev 2022-04-29T04:51:50Z

<p>Created page with &quot;{{SetTitle}} {{Heading|માનવ-અવતાર|}} {{Poem2Open}} માનવ-દેહને વિશે ગવાતી ભજનવાણી બહોળી છે....&quot;</p> <p><b>New page</b></p><div>{{SetTitle}}<br /> {{Heading|માનવ-અવતાર|}}<br /> <br /> {{Poem2Open}}<br /> માનવ-દેહને વિશે ગવાતી ભજનવાણી બહોળી છે. એને ‘પાણીનો પરપોટો’, ‘કાગળની કોઠી’ એવી એવી ઉપમાઓથી ક્ષણભંગુર, તકલાદી, મેલી ને ગંદી બેશક કહી છે, પણ એથી યે અધિક પ્રમાણમાં તો માનવ-દેહને મનોહારી મોરલો, દીપક-જલતું દેવળ, ફૂલની વાડી, અમર આંબાની ભૂમિ, પ્રેમનું ખેતર, પ્રભુ-ધણીરૂપી મહાન શેઠ સ્વામીની સુંદર સમૃદ્ધ નગરીરૂપે વર્ણવી છે : શરીરની અવહેલના, અવગણના કે નફરત ન કરતાં ભજનિકોએ એની સ્તુતિ કરી છે.<br /> ભજનોમાં માનવજન્મરૂપી મોરલાનું મૃત્યુલોકમાં અવતરતાં સ્વાગત છે. ને પછી કાયા-નગરીનું ભભકેદાર વર્ણન છે. હે માનવજીવ રૂપી વણિક વાણોતર! તું ભૂલીશ નહીં કે તારો શેઠ — માલિક પ્રભુ — આ કાયા-નગરીમાં હાજર છે. માટે ગફલત કરીશ નહીં. તારે જે કાંઈ ઝવેરાત મૂલવવું હોય તે આ ‘શેઠ’ની કને જઈને વહોરજે. જો તો ખરો, તારા સ્વામીની નગરી આ કાયા! અંદર દેવ-કચેરી બેઠી છે. વાદ્યો વાગે છે, ઊર્મિઓરૂપી નર્તિકાઓ નાચે છે, નાડીઓરૂપી નદીઓ વહે છે. દિલરૂપી દરિયા લહેરાય છે. તું અંદર જઈ પહોંચ ને હીરારત્ન પરખી લે. પ્રભુરૂપી શેઠ આ નગરીમાં જ છે.<br /> આ ભજનોમાં દેહને પવનનો બનાવેલ ચરખો કહી વર્ણવ્યો છે. એ ‘ધૂડના ઢગલા’માં જીવનની જ્યોત જલતી બતાવી છે, અને ઠપકો દીધો છે, કે આ પોતાના જ દેહરૂપી ઘરને દીવે જો અગમ્ય તત્ત્વની સૂઝ ન પડી, તો પછી ઉધારાં પારકાં જ્ઞાન-ઉપદેશથી શું ‘એના ઘરનો’ ભેદ ઉકેલાવાનો છે?<br /> {{Poem2Close}}<br /> <br /> &lt;br&gt;<br /> {{HeaderNav2<br /> |previous = હરિ વિના અન્ય નથી<br /> |next = આવડાં તે રૂપ!<br /> }}</div>

MeghaBhavsar